Bhaebulaniya 2:4 - ULufingo uLupwa

⁴ ɄMʉlʉngʉ woope áwusimishiziizye uwuposhi wʉnʉʉwo kwɨ dala ɨlya kʉʉbhapa abhantʉ amakha aga kʉbhomba ɨvɨlolesyo na mayele. Khabhɨlɨ akhabhapanga ɨvɨkʉnjɨlwa ɨvwa Mupepu uMufinjile anza she áyiganile wʉʉyo.

Bhaebulaniya 2:4 ပူးပေါင်းရင်းမြစ်များ

Maalika 16:20

Pe abhalandati bhaakwe bhaala, bhakhasogola paala, bhakhalʉmbɨlɨlaga iNtumi iNyinza poponti. ɄMwene uYeesu akhabhapanga amakha aga kʉbhomba ɨvɨlolesyo. Shɨnɨɨsho she akhagasimishizyaga amazwi gaabho kʉtɨ ga nalyoli.]

Maalika 6:14

Pe panaapo ʉmwene ʉwɨ nsɨ yiila, we ɨtaawa lyakwe áamɨle wu Heloodi, akhɨmvwa zye uYeesu akhabhombaga, kʉnongwa ye bhakhamʉlongaga poponti paala. Bhamu bhakhatɨnjɨ, “Wʉnʉʉyo wu Yookhani uMwozyi azyushile kufuma kʉ bhafwe. Ye nongwa ɨnɨ akʉbhomba amayele amapɨtɨ anza ganaago.”

Yookhani 15:26

“Ɨleelo we ayɨnza uMwavwi wʉnʉʉyo we ɨnhayɨmʉsonteelezya kukwinyu kufuma kwa Taata kwe kʉtɨ uMupepu ʉwa nalyoli, ʉweene atimfumwizye uwukeeti.

Yookhani 4:48

UYeesu akhamʉbhʉʉzya akhatɨ, “Mʉbhantʉ ɨmwe, ɨnga mʉtaalola ɨvɨlolesyo na mayele mʉtangakhola kwɨtɨkha!”

Mbombo zya Bhasundikwa 14:3

Pe shɨnɨɨsho, ʉPaʉlo nʉ Balɨnaaba bhakhɨɨkhala insiku inyinji pa Ikoniyo, bhakhabhabhʉzyaga abhantʉ kʉ zya wiila wa Mwene uYeesu ku wudandamazu. ɄMwene akhalolesyaga kʉtɨ amazwi gaabho ga nalyoli, kwɨ dala ɨlya kʉʉbhapa amakha aga kʉbhomba ɨvɨlolesyo na mayele aminji.

Mbombo zya Bhasundikwa 4:10

Pe shɨnɨɨsho, ɨmwe mwenti mʉmanye akhinza, peeka na Bhaisilaeli abhanjɨ bhonti, kʉtɨ umuntu ʉnʉ we ayɨmɨlɨɨye pɨlongolela yiinyu, aapona, abha mwinza kʉ makha gɨ taawa lya Yeesu Kilisiti ʉwa ku Naazaleti. Wʉnʉʉyo we ɨmwe mwámʉkhomeleeye pa shɨkhobhenhanyo, ɨleelo ʉMʉlʉngʉ akhamʉzyʉsya kʉ bhafwe.

Mbombo zya Bhasundikwa 5:32

Yɨkʉtɨ ɨtwe tʉbhabhʉzyaje abhantʉ, kʉnongwa ye twe bhakeeti bha zɨnɨɨzyo zyonti, woope uMupepu uMufinjile, we ʉMʉlʉngʉ abhapiiye bhe bhakumutinikha, akusimishizya.”

Bhaefeeso 1:5

ʉMʉlʉngʉ ásɨbhɨlɨɨye kufuma khalɨ, kʉtɨ tʉbhe twe bhaana bhaakwe kwɨ dala ɨlya Yeesu Kilisiti. Ábhombile shɨnɨɨsho kʉlandatana nʉ lʉbhaatɨkho lwakwe na she áyiganile wʉʉyo.

Bhaefeeso 1:9

Átumanyisiizye ɨshɨgane shaakwe ɨsha kukwilu, she abhatishile kʉlandatana na she álolile yɨkʉmʉkhondezya. Ɨshɨgane shɨnɨɨsho ábhatishile kʉkwɨlɨzya kwɨ dala ɨlya Yeesu Kilisiti.

Bhaefeeso 4:7

Ɨleelo weeka weeka mukaasi yɨɨtʉ aposheleeye uwiila kʉlandatana na she uKilisiti akhanzaga kufumwa ɨvɨkʉnjɨlwa.

Bhaebulaniya 6:4

Kʉnongwa ye ʉtangakhola kʉbhagalʉsya winza abhantʉ bhaala kʉtɨ bhalaate bhe akhabhalɨlo khamu bháposheleeye ʉlʉkhozyo, kʉpeelwa insupo ɨya kʉmwanya, na kʉsangaanɨla ɨshɨkʉnjɨlwa sha Mupepu uMufinjile,