Bhaebulaniya 13:18 - ULufingo uLupwa

¹⁸ Mutuputilaje ɨtwe. Tʉlɨ nu lusimishizyo kʉtɨ amooyo gɨɨtʉ gatakʉtʉlonga, khabhɨlɨ tʉkwanza lyolyonti lye twabhomba lɨbhe lya wugolosu nu lushindikho.

Bhaebulaniya 13:18 ပူးပေါင်းရင်းမြစ်များ

Mbombo zya Bhasundikwa 23:1

Panaapo ʉPaʉlo akhabhatontomela abhapɨtɨ abhɨ balaaza bhaala, akhabhabhʉʉzya akhatɨ, “Bhanholo bhaanɨ, kufishila ʉmʉsanyʉʉnʉ ɨndɨ she ɨnkwɨkhala nɨ nsɨɨbho inyinza pamiiso ga Mʉlʉngʉ.”

Mbombo zya Bhasundikwa 24:16

Ye nongwa ɨnkʉyɨkʉngʉla insiku zyonti kʉbhomba inyinza ɨnga ɨnsɨɨbho zyanɨ zɨtakhalongwe akhabhiibhi pamiiso ga Mʉlʉngʉ na pɨlongolela pa bhantʉ.

Bhaluumi 12:17

Umuntu ɨnga akʉbhombela uwubhiibhi ʉtamʉtabhʉlɨzyaje kʉmʉbhombela uwubhiibhi. Lyoli mʉsɨbhɨlɨlaje nhaani kʉbhomba zye nyinza kʉ bhantʉ bhonti.

Bhaluumi 13:13

Tʉbhe nɨ njendo inyinza zye zɨkhondeeye akhabhalɨlo akha shamʉsanya. Tʉtabhanje twe bhantʉ bhe bhalyovi nu wumwezi. Tʉtabhombaje naazimo ɨzya wʉlondo awe kʉbhomba izyi nsoni. Tʉtabhanje ni bho awe ʉmwone.

Bhaluumi 15:30

Bhanholo bhɨɨtʉ mʉ lwɨtɨkho, ɨnkʉbhalamba kʉ waamʉlo wa Mwene wɨɨtʉ uYeesu Kilisiti, na kʉ lʉgano lwe lukufuma kwa Mupepu uMufinjile, mʉbhe peeka nɨɨne kwɨ dala ɨlya kumpuutila ɨne kwa Mʉlʉngʉ.

2 Bhakolinso 1:12

Kʉnongwa ye kʉyɨbaada kwɨtʉ ku kuuku: tʉkʉyɨlola mʉ mooyo gɨɨtʉ kʉtɨ, mʉ nsɨ umu, inhaani pakaasi yiinyu, twɨkhaaye mu wugolosu na mu wanalyoli kufuma kwa Mʉlʉngʉ. Tutabhombile lɨnɨɨlyo kʉ njeele zyɨtʉ, lyoli ku wiila wa Mʉlʉngʉ.

Bhafiliipi 4:8

Bhanholo bhaanɨ mʉ lwɨtɨkho, ɨnkʉmalɨɨlɨzya kʉbhabhʉʉzya kʉtɨ, mʉlemaje zye zya nalyoli, zye zɨkʉpaalwa, ɨzya wugolosu, zye mfinjile, zye zɨkhondeeye, ɨzya lushindikho, ɨzyɨ togo, nɨ zya kʉpaalwa.

Bhakolosaayi 4:3

Mutuputilaje nɨɨtwe ɨnga ʉMʉlʉngʉ atwigulile ɨdala ɨlya kʉlʉmbɨɨlɨla izwi lyakwe, na kʉzɨlonga intumi zye zɨkʉlonga ɨzya Kilisiti zye zyámɨle kukwilu. Nɨɨne inkungiilwe kʉnongwa ɨya kʉlʉmbɨɨlɨla intumi zɨnɨɨzyo.

1 Bhatesalonike 4:12

Pe mʉtɨlolesye ɨnjendo inyinza pamiiso ga bhe bhatitishile, khabhɨlɨ te mʉsʉbhɨlaje ɨvwa bhanjɨ ku viila vwe mubhuliliilwe.

1 Bhatesalonike 5:25

Bhanholo bhɨɨtʉ mʉ lwɨtɨkho, nɨɨtwe mʉtʉlabhɨlaje kwa Mʉlʉngʉ.

2 Bhatesalonike 3:1

Ishi bhanholo bhɨɨtʉ mʉ lwɨtɨkho, mutuputilaje ɨnga izwi lya Mwene uYeesu lɨjendeelele kʉvwɨnha nalʉbhɨlo, khabhɨlɨ abhantʉ bhalɨposheelaje ku lushindikho, anza she nɨɨmwe mwálɨposheleeye.

1 Tiimoti 1:5

Ɨsɨbhɨɨlɨlo lɨnɨɨlyo kʉ kʉtɨ abhantʉ bhabhe nʉ lʉgano. Ʉlʉgano lunuulu lʉlɨ mʉ bhantʉ bhe amooyo gaabho gazelupile, bhe bhakʉyeefwa mu mbiibhi, na bhe bhalɨ nʉ lwɨtɨkho ʉlwa nalyoli.

1 Peeteli 2:12

Mʉbhe nɨ njendo inyinza pɨlongolela pa bhe bhatakʉmwɨtɨkha ʉMʉlʉngʉ, ɨnga bhakʉbhandɨla amalenga kʉtɨ mʉkʉbhomba imbiibhi, bhazɨlolaje ɨmbombo zyinyu inyinza. Pe bhatɨmʉpaale ʉMʉlʉngʉ kʉnongwa yiinyu pi siku lye akhayɨnza kʉlonga.

1 Peeteli 3:16

Ɨleelo mʉbhombaje shiniishi ku wutonsu nu lushindikho. Mʉbhe nʉ mwoyo umwinza kʉnongwa ye mwe bhalandati bha Kilisiti, ɨnga bhanaabho bhe bhakʉbhandɨla amalenga kʉnongwa ya zɨnɨɨzyo ɨnjendo zyinyu, bhalolaje insoni.

1 Peeteli 3:21

Ganaago aminzi shɨkholanyo sha lwozyo lwinyu ulwi nsiku ɨzya khabhalɨlo ɨkha. Kʉnongwa ye we mʉkwozelwa yɨkʉlolesya kʉtɨ ʉMʉlʉngʉ abhaposhile kʉ makha aga kʉzyʉkha kwa Yeesu Kilisiti. Pe shɨnɨɨsho, ʉlwozyo te kʉ kʉgeeza kwefwa intavu ɨzya mʉbhɨlɨ, lyoli ku kuyifumwa kwa Mʉlʉngʉ kʉ mwoyo wonti.