Bhaebulaniya 11:27 - ULufingo uLupwa

²⁷ Kʉ lwɨtɨkho, ʉMoose akhasogola mu Miisili sita kwogopa ʉmʉlakha wa mwene. Ájimbiliiye, áamɨle ngatɨ muntu we akhamʉlolaga ʉMʉlʉngʉ, we atakʉlolekha.

Bhaebulaniya 11:27 ပူးပေါင်းရင်းမြစ်များ

Bhaebulaniya 11:13

Abhantʉ ɨbha bhonti bháfuuye kumo we bhitishile. Bháshɨɨlɨ kʉposheela gaala ge bhálajiilwe, ɨleelo bházilolile ukutali, zɨkhabhakhondezya. Bhoope bhítishile kʉtɨ mʉ nsɨ umu bháamɨle bhajeni na bhe bhakʉshʉʉla,

2 Bhakolinso 4:18

Pe shɨnɨɨsho, tʉtavwenyaaje vwe vɨkʉlolekha, lyoli viila vwe vɨtakʉlolekha. Kʉnongwa ye vwe vɨkʉlolekha vwa khabhalɨlo khashe bhʉʉlo, lyoli vwe vɨtakʉlolekha vwa wiila na wiila.

Bhaebulaniya 11:1

Ʉlwɨtɨkho kʉ kʉbha nu lusimishizyo kʉ zyɨ nongwa zye tʉkʉzɨsʉʉbhɨla, kʉ kwɨtɨkha uwanalyoli ʉwɨ nongwa zye zɨtakʉlolekha.

Yaakobo 5:11

Anza she mumanyile, tʉkʉtɨ bhasayiilwe abhantʉ bhe bhajimbiliiye. Mwimvwizye uwujimbiilizu wa Ayuubu, na she ʉMwene ámwavwizye. ɄMwene alɨ ni shisa nu wiila.

1 Peeteli 1:8

Ʉweene mumuganile, she poope mutamulolile, khabhɨlɨ mumwitishile she poope mʉtakʉmʉlola. Shɨnɨɨsho mʉkʉseshela nhaani ʉlʉseshelo ʉlwa wumwamu, lwe lʉtakʉlonjekha,

Bhaebulaniya 10:32

Kumbushi insiku ziila ɨzya kʉwandɨlo we mwazɨposheela iNtumi iNyinza. She poope insiku ziila mwáyimbile nhaani, ɨleelo ɨmwe mwájimbiliiye.

1 Tiimoti 1:17

ɄMʉlʉngʉ wʉ Mwene ʉwa wiila na wiila, te akhaafwe naalumo. Atalɨɨpo umuntu we angakhola kʉmʉlola ʉMʉlʉngʉ, atalɨɨpo ʉMʉlʉngʉ uwunji nʉʉmo. Wʉʉyo mwene we akhondeeye kʉposheela ulushindikho nu wumwamu wiila na wiila, zɨbhe shɨnɨɨsho!

1 Bhakolinso 13:7

Ʉlʉgano lukujimbiilila zyonti, lʉkwɨtɨkha ɨzya Mʉlʉngʉ akhabhalɨlo khonti, lʉkʉsʉʉbhɨla zyonti, khabhɨlɨ lukuyisinda ku zyonti.

Mataayi 10:22

Abhantʉ bhonti bhakhayibhaviitilwa kʉnongwa yɨ taawa lyanɨ. Ɨleelo, we akhayijimbiilila kufishila kʉmpeleela we ʉMʉlʉngʉ akhayɨmʉpokha.

Bhaebulaniya 6:15

Pe uAbulahaamu akhagʉʉlɨla ku wujimbiilizu, kʉwʉmalɨlɨshɨlo ʉMʉlʉngʉ akhamʉbhombela gaala ge ámulajile.

1 Tiimoti 6:16

Wʉʉyo mwene we atakufwa, akwɨkhala mʉ lʉkhozyo lwe nʉʉmo atangalʉpalamɨla. Atalɨɨpo umuntu we amulolile, atalɨɨpo we angakhola kʉmʉlola. Wa lushindikho, na makha aga wiila na wiila! Zɨbhe shɨnɨɨsho!

Mbombo zya Bhasundikwa 2:25

UDaudi woope álonjile ɨzya Yeesu átɨlɨ, ‘Ɨne nálolile kʉtɨ, ʉMwene atɨjendeelele kʉbha peeka nɨɨne insiku zyonti. Kʉnongwa ye ʉweene alɨ kʉmbalɨ yaanɨ ɨya kʉndɨɨlo, intangayingaana ngakheeka.

Maalika 13:13

Abhantʉ bhonti bhakhayibhaviitilwa kʉnongwa yɨ taawa lyanɨ. Ɨleelo, we akhayijimbiilila kufishila kʉmpeleela we ʉMʉlʉngʉ akhayɨmʉpokha.

Maalika 4:17

Ɨleelo kʉnongwa ye bhatalɨ na mazi mukaasi yaabho, izwi lɨnɨɨlyo lɨkwɨkhala kʉ khabhalɨlo khashe. Ɨnga kweleela awe kʉyɨmba kwabhaaga kʉnongwa yi zwi lya Mʉlʉngʉ, nalʉbhɨlo bhakʉlɨlekha.

Mataayi 24:13

Ɨleelo umuntu we akhayijimbiilila kufishila kʉmpeleela, we ʉMʉlʉngʉ akhayɨmʉpokha.

Bhakolosaayi 1:15

ɄMwana akʉlolesya apazelu she ʉMʉlʉngʉ alɨ, she poope ʉMʉlʉngʉ atakʉlolekha. Ʉweene uKilisiti we alɨ nʉ waamʉlo kʉ vɨpelwa vwonti.