2 Bhakolinso 8:4 - ULufingo uLupwa

⁴ Bhakhatʉlamba nhaani kʉtɨ, bhoope bhasangaane mʉ mbombo ɨya kʉbhaavwa bhe bhitishile mu Yelusaleemu.

2 Bhakolinso 8:4 ပူးပေါင်းရင်းမြစ်များ

Mbombo zya Bhasundikwa 24:17

“We nɨɨkhala ukutali amanha aminji, ɨnhagalʉkha mu Yelusaleemu, ɨnga ɨntwale ɨnhela kʉbhaavwa abhapɨɨna mʉ nsɨ yɨɨtʉ, na kufumwa imfinjile kwa Mʉlʉngʉ.

Bhagalatiya 6:10

Pe shɨnɨɨsho we tʉlɨ na khabhalɨlo, tʉbhabhombelaje inyinza abhantʉ bhonti, inhaani abhamwɨtʉ mʉ lwɨtɨkho.

2 Bhakolinso 9:1

Ɨntakwanza kubhasimbila kʉ zyɨ mbombo ɨya kʉbhaavwa bhe bhitishile mu Yelusaleemu.

Bhaebulaniya 6:10

Kʉnongwa ye ʉMʉlʉngʉ wa wugolosu, te aleshe kʉkʉmbʉkha ɨmbombo zyinyu inyinza na she mulolesiizye ʉlʉgano lwinyu kʉkwakwe, kʉnongwa ya kwavwa abhafinjile abhamwinyu kufuma kʉwandɨlo paka ishi.

1 Bhakolinso 16:15

Ɨmwe mumanyile kʉtɨ uSiteefana peeka na bhantʉ abha mu nyumba yaakwe, bhantʉ bhe bháamɨle bha kwanda kʉmwɨtɨkha uYeesu Kilisiti mʉ mʉkoa ʉwa Akaaya. Khabhɨlɨ bhayifumwizye kʉbhaavwa abhafinjile bha Mʉlʉngʉ. Ishi bhanholo bhaanɨ mʉ lwɨtɨkho ɨnkʉbhalamba,

Bhagalatiya 2:10

Lyoli bhátulaabhile akhantʉ kheeka, akha kʉbhakʉmbʉkha abhapɨɨna abha mu Yelusaleemu, akhantʉ khe násungushile kʉbhomba.

1 Tiimoti 5:10

Amanyishe kʉtɨ, abhombaga ɨmbombo inyinza, anza kʉsʉnga abhaana bhaakwe akhinza, kʉposheela abhajeni, kʉbhaavwa abhafinjile ku wutimvu, kwavwa bhe bhalɨ mʉ mayɨmba, na kuyifumwa kʉ mbombo izinji zyonti inyinza.

1 Bhakolinso 16:1

Ishi, kʉnongwa ɨyɨ nsaangʉ ɨya kʉbhaavwa abhantʉ bha Mʉlʉngʉ, mʉbhombaje anza she návilajiziizye ɨvɨbhanza ɨvwa mu Galatiya.

Bhaluumi 15:31

Mumputilaje ɨnga abhantʉ bhaala bhe bhatamwitishile uYeesu Kilisiti mʉ nsɨ ɨya Yudeeya, bhatakhambombele uwubhiibhi naawumo. Khabhɨlɨ mupuutaje ɨnga abhafinjile abha ku Yelusaleemu bhakhaposheele akhinza ivintu vwe ɨnkʉbhatwalɨla.

Mbombo zya Bhasundikwa 16:15

We ayoozelwa peeka na bhantʉ abha mu nyumba yaakwe, akhatʉlambɨɨlɨzya kʉtɨ tʉbhale kʉkwakwe akhatɨ, “Ɨnga mwandola kʉtɨ namwɨtɨkha ʉMwene, saalɨ mwɨkhalaje mu nyumba yaanɨ.” Akhatʉlambɨɨlɨzya nhaani.

Mbombo zya Bhasundikwa 11:29

Kufumilana na zɨnɨɨzyo abhalandati bha Yeesu bhakhɨtɨnhana kʉtɨ, weeka weeka afumwe ivintu, kufumilana na viila vwe alɨ navwo, kʉtɨ vwavwaje abhamwabho bhe bhitishile ku Yudeeya.

Maalika 14:7

Abhapɨɨna mʉlɨ nabho kukwinyu insiku zyonti, muyiiye kʉbhabhombela inyinza zyonti zye muyiganile. Ɨleelo ɨne te ɨmbe peeka nɨɨmwe insiku zyonti.

Mataayi 25:40

Pe ʉMwene akhayɨbhaamʉla akhayɨtɨ, ‘Nalyoli ɨnkʉbhabhʉʉzya, lyolyonti lye mwámʉbhombeeye weeka mʉ bhanholo bhaanɨ ɨbha bhashe, mwámbombeeye neene.’

Mataayi 12:50

Kʉnongwa ye umuntu wowonti we akʉbhomba zye ʉTaata waanɨ we alɨ kʉmwanya akwanza, wʉnʉʉyo we wʉ khambakʉ waanɨ, wʉ yɨlʉmbʉ waanɨ, khabhɨlɨ we wu nyina waanɨ.”

Mataayi 10:42

Nalyoli ɨnkʉbhabhʉʉzya kʉtɨ, wowonti we akuumupa ɨshɨkoopa ɨsha minzi amakhatazu weeka mʉ bhe te bha lushindikho ɨbha kʉnongwa ye mulandati waanɨ, akhayɨposheela ɨnsamaalɨzyo.”