2 Bhakolinso 2:12 - ULufingo uLupwa

¹² We naafikha mʉ nhaaya ɨya mʉ Toloa kʉlʉmbɨɨlɨla iNtumi iNyinza ɨzya Kilisiti, ɨnhaaga ʉMwene aniguliiye ʉmʉlyango ʉwa kʉbhomba ɨmbombo yaakwe kuula.

2 Bhakolinso 2:12 ပူးပေါင်းရင်းမြစ်များ

Mbombo zya Bhasundikwa 16:8

Pe bhakhashɨla mʉ nsɨ ɨya Misiya, bhakhabhala mʉ nhaaya ɨya mʉ Toloa.

Mbombo zya Bhasundikwa 14:27

We bhaafikha pa Antiokiya, bhakhabhabhʉngaanɨkha abhantʉ abha shɨbhanza. Bhakhabhabhʉʉzya zyonti zye ʉMʉlʉngʉ abhombile kʉshɨlɨla kʉkwabho, na she abhiguliiye bhe te Bhayahuudi ʉmʉlyango ʉwa kʉmwɨtɨkha uYeesu.

Bhakolosaayi 4:3

Mutuputilaje nɨɨtwe ɨnga ʉMʉlʉngʉ atwigulile ɨdala ɨlya kʉlʉmbɨɨlɨla izwi lyakwe, na kʉzɨlonga intumi zye zɨkʉlonga ɨzya Kilisiti zye zyámɨle kukwilu. Nɨɨne inkungiilwe kʉnongwa ɨya kʉlʉmbɨɨlɨla intumi zɨnɨɨzyo.

1 Bhakolinso 16:9

Kʉnongwa ye ʉMʉlʉngʉ aniguliiye ʉmʉlyango ʉwa kʉbhomba ɨmbombo ɨmpɨtɨ mʉ nhaaya ɨnɨ, ɨleelo bhalɨɨpo abhantʉ abhinji bhe bhakundindanjila.

Bhaluumi 1:1

Ɨne ne Paʉlo, ne ne mubhombi wa Yeesu Kilisiti. Imbilishiliilwe na kʉsaabhʉlwa kʉbha ne musundikwa, ɨnga ɨndʉmbɨlɨlaje iNtumi iNyinza ɨzya Mʉlʉngʉ.

Mbombo zya Bhasundikwa 20:8

Mu lupitu ʉlwa pamwanya mu nyumba ɨnjelenhanye mwe twábhungaanile mʉkhabha na mafuku aminji kʉnongwa ye mʉkhaakhaga ɨnhozyo inyinji.

Mbombo zya Bhasundikwa 16:11

Pe tʉkhasogola pa Toloa ni meeli, tʉkhabhala tukhashizanya bhʉʉlo tukhafikha mʉ nsɨ ɨya mu Samotilake ye yáamɨle pakaasi pa sʉmbɨ. We kwasha, tʉkhajendeelela kʉshʉʉla, tukhafikha mʉ nhaaya ɨya mu Neapooli.

1 Bhakolinso 9:12

Ɨnga bhamu bhakhondeeye kʉposheela ivintu vɨnɨɨvwo kufuma kukwinyu, bhʉlɨ, ɨtwe tʉtakhondeeye kʉshɨla bhanaabho? Ɨleelo ɨtwe tutísiizye vwe tʉkhondeeye kʉbhombelwa nɨɨmwe, lyoli tujimbiliiye mu zyonti ɨnga tutakhabhadinde abhantʉ kwɨtɨkha iNtumi iNyinza ɨzya Kilisiti.

1 Bhakolinso 9:14

ɄMwene uYeesu woope shɨnɨɨsho álajiziizye kʉtɨ bhe bhakʉlʉmbɨɨlɨla iNtumi iNyinza, bhalyanje kufumilana nɨ mbombo yɨnɨɨyo.

1 Bhakolinso 9:16

Kʉnongwa ye we ɨnkʉlʉmbɨɨlɨla iNtumi iNyinza, ɨntakhondeeye kʉyɨbaada, kʉnongwa ye ʉMʉlʉngʉ ándajiziizye kʉtɨ ɨndʉmbɨlɨlaje. Khabhɨlɨ ɨnsheleeye ɨnga ɨntalʉmbɨɨlɨla iNtumi iNyinza!

2 Bhakolinso 4:3

Ɨleelo ɨnga iNtumi iNyinza zye tʉkʉlʉmbɨɨlɨla zifisishile, we zifisishile kʉ bhe bhakʉteega bheene.

2 Bhakolinso 4:4

Woope uSeetani ʉmʉpɨtɨ ʉwa mʉ nsɨ umu, agubishiiye ɨnjeele zya bhe bhatakʉmwɨtɨkha uYeesu, ɨnga bhapotwaje kʉlola ʉlʉkhozyo ulwi Ntumi iNyinza ɨzya wumwamu wa Kilisiti we shɨkholanyo sha Mʉlʉngʉ.

2 Bhakolinso 8:18

Peeka nawo tʉkʉmʉsonteelezya ʉnholo wɨɨtʉ weeka mʉ lwɨtɨkho we akʉpaalwa nhaani nɨ vɨbhanza vwonti kʉ mbombo yaakwe ɨya kʉlʉmbɨɨlɨla iNtumi iNyinza.

2 Bhakolinso 9:13

Kufumilana nu wukeeti ʉwɨ mbombo yɨnɨɨyo, abhantʉ bhatɨmʉpaale ʉMʉlʉngʉ ku lutinikho lwinyu ʉlwa kʉzyɨtɨkha iNtumi iNyinza ɨzya Yeesu Kilisiti, na kʉnongwa ya wuteti wiinyu we mwábhatetile abheene na bhantʉ bhonti.

2 Bhakolinso 10:14

Tʉtakhayɨbaadaga kʉshɨla ishipimilo ɨshɨ mbombo yɨɨtʉ we tʉkʉlonga kʉ waamʉlo kukwinyu. Ɨtwe twámɨle twe bha kwanda kwɨnza kukwinyu kʉbhaleetela iNtumi iNyinza ɨzya Yeesu Kilisiti.

2 Bhakolinso 11:4

Ɨnkʉlonga shiniishi kʉnongwa ye ɨmwe mʉkwɨtɨkha umuntu wowonti we akwɨnza kukwinyu kʉmʉlʉmbɨɨlɨla uYeesu we alegiine na we twámʉlʉmbɨlɨɨye ɨtwe. Khabhɨlɨ muyilinganyiinye kʉposheela umupepu we alegiine nu Mupepu we mwáposheleeye awe intumi zye zilegiine ni Ntumi iNyinza ɨzya Yeesu Kilisiti zye mwáposheleeye kufuma kʉkwɨtʉ!

2 Bhakolinso 11:7

Bhʉlɨ, nábhombile akhabhiibhi kuyiisya kwɨ dala ɨlya kʉbhalʉmbɨɨlɨla iNtumi iNyinza ɨzya Mʉlʉngʉ sita kʉposheela ɨnga ɨmbazʉvwe ɨmwe?

1 Bhatesalonike 3:2

Tʉkhamʉsonteelezya uTiimoti ʉnholo wɨɨtʉ mʉ lwɨtɨkho, umubhombi ʉwamwɨtʉ ʉwa Mʉlʉngʉ kʉ zya kʉlʉmbɨɨlɨla iNtumi iNyinza ɨzya Yeesu Kilisiti. Twámusonteleziizye ɨnga abhagomwe na kubhajinjizya ʉmwoyo mʉ lwɨtɨkho lwinyu.