1 Yookhani 5:20 - ULufingo uLupwa

²⁰ Khabhɨlɨ tumanyile kʉtɨ ʉMwana wa Mʉlʉngʉ áyinzile, atupiiye uwumanyi, ɨnga tʉmʉmanye ʉMʉlʉngʉ ʉwa nalyoli. Tʉlɨ nʉ wʉpeeka nʉ Mʉlʉngʉ ʉwa nalyoli, kwɨ dala ɨlya kʉbha nʉ wʉpeeka nʉ Mwana waakwe uYeesu Kilisiti. Ʉnʉ we wʉ Mʉlʉngʉ ʉwa nalyoli, khabhɨlɨ we wuumi ʉwa wiila.

1 Yookhani 5:20 ပူးပေါင်းရင်းမြစ်များ

Yookhani 17:3

Uwuumi ʉwa wiila na wiila we wu wuuwu, bhakʉmanye ɨwe we ʉlɨ wʉmwene, wʉ Mʉlʉngʉ ʉwa nalyoli, khabhɨlɨ bhamʉmanye uYeesu Kilisiti we wámusonteleziizye.

Luuka 24:45

Pe akhabhamanyɨzya kwɨ dala ɨlya kʉʉbhapa uwumanyi ʉwa kʉwaaganya uWusimbe wʉnʉʉwo uWufinjile,

Yookhani 14:9

UYeesu akhamwamʉla akhatɨ, “We Filipo, nɨɨkhala nɨɨmwe akhabhalɨlo akhatali khonti khanaakho, poope niishi utamanyile? Umuntu wowonti we andolile ɨne, amulolile ʉTaata. Ishi khooni ʉkʉtɨ, ‘Tʉlanje ʉTaata’?

1 Tiimoti 3:16

Nalyoli zye ʉMʉlʉngʉ atwiguliiye zya kuswijizya, zye zi ziizi: Akhalolekha alɨ nʉ mʉbhɨlɨ, uMupepu uMufinjile akhamʉlolesya kʉtɨ alɨ mu wanalyoli. Abhakhabhɨzya bhakhamʉlola. Intumi zyakwe zye zɨkhalʉmbɨlɨlwaga mʉ bhantʉ abhɨ nsɨ zyonti, bhakhamwɨtɨkha ʉweene. ɄMʉlʉngʉ akhamwega kʉbhala kʉmwanya mu wumwamu waakwe.

1 Yookhani 5:1

Umuntu wowonti we akwɨtɨkha kʉtɨ uYeesu wu Kilisiti, wʉnʉʉyo we apapiilwe nʉ Mʉlʉngʉ. Umuntu wowonti we akʉmʉgana umupaafi, akʉmʉgana nʉ mwana wa mupaafi wʉnʉʉyo.

Yookhani 20:28

UToomasi akhamwamʉla akhatɨ, “Mwene waanɨ, Mʉlʉngʉ waanɨ!”

Wukuwi wa Yookhani 3:7

“Ʉkhabhɨzya ʉwa shɨbhanza ɨsha mu Filadeefiya musimbile ʉtɨ: Ɨga mazwi kufuma kwa wʉnʉʉyo we mufinjile, khabhɨlɨ wa nalyoli, we alɨ ni mfungulo ɨya makha ga mwene uDaudi. Ʉweene we ɨnga afungula atalɨɨpo ʉwa kufunga, khabhɨlɨ ɨnga afunga atalɨɨpo ʉwa kufungula.

1 Yookhani 4:16

Ishi, ɨtwe tumanyile na kwɨtɨkha kʉtɨ ʉMʉlʉngʉ atuganile. ɄMʉlʉngʉ wa lʉgano. Wowonti we akwɨkhala mʉ lʉgano, we akwɨkhala mʉ wʉpeeka nʉ Mʉlʉngʉ, ʉMʉlʉngʉ woope akwɨkhala mʉ wʉpeeka nawo.

Bhaluumi 9:5

Bhanaabho aBhaisilaeli bhe bhazʉkʉlʉ bha Abulahaamu, bha Isaaka nʉ Yaakobo. Ɨshɨmʉbhɨlɨ uKilisiti woope Mwisilaeli, we wʉ Mʉlʉngʉ, ʉMʉpɨtɨ ʉwa vwonti. Apalwaje wiila na wiila! Zɨbhe shɨnɨɨsho.

Yookhani 10:30

Ɨne nʉ Taata waanɨ tʉlɨ nʉ wʉpeeka.”

1 Yookhani 4:2

Ɨdala ɨlya kʉmanya kʉtɨ umuntu akʉlongolwa nu Mupepu wa Mʉlʉngʉ lye li liili: wowonti we akwɨtɨkha na kʉlonga kʉtɨ uYeesu Kilisiti, áyinzile akhabha nʉ mʉbhɨlɨ anzu muntu, wʉnʉʉyo we akʉlongolwa nu Mupepu wa Mʉlʉngʉ.

1 Yookhani 2:6

umuntu we akʉtɨ alɨ nʉ wʉpeeka nʉ Mʉlʉngʉ, akhondeeye kʉtɨ ayɨkhalaje anza she uYeesu akhɨkhalaga.

Bhaebulaniya 1:8

Ɨleelo kʉ zya Mwana waakwe akʉtɨ, “We Mʉlʉngʉ, ʉwʉmwene waakho wʉtɨjendeelele wiila na wiila! Ɨwe ʉkʉtabhaala mʉ wʉmwene waakho ku wugolosu.

Tiito 2:13

Twɨkhalaje shiniishi we tʉkʉgʉʉlɨla kwɨnza kwa Yeesu Kilisiti mu wumwamu uwinji, we Muposhi wɨɨtʉ nʉ Mʉlʉngʉ wɨɨtʉ ʉMʉpɨtɨ. Ulu lwe lʉsʉʉbhɨlo lwɨtʉ lwe lukuutupa ʉlʉseshelo.

Mbombo zya Bhasundikwa 20:28

UMupepu uMufinjile abhabhiishile ɨmwe mʉbhe mwe bhimiilili abha shɨbhanza sha Mʉlʉngʉ. Mʉyɨsʉngaje mʉneemwe, na kʉsʉnga ɨmpʉga ya bhalandati bhaakwe. Mudiimaje ɨshɨbhanza sha Mʉlʉngʉ she ashituulile kwɨ bhanda lya Mwana waakwe.

Yookhani 17:14

Ɨne imbabhuziizye amazwi ge wándajiziizye, bhoope abha mʉ nsɨ bhabhavitiliilwe, kʉnongwa ye abheene te bha mʉ nsɨ anza she ɨne te ne wa mʉ nsɨ umu.

Wukuwi wa Yookhani 19:11

Pɨlongolela, ɨnhalola kʉmwanya kwigukha, kʉnʉʉkwo ɨnhalola ifalaasi inzelu. Umuntu we ayipandile bhakhatɨnjɨ wu “Musunde,” khabhɨlɨ “Wa Nalyoli.” Wʉnʉʉyo akʉlonga na kulwa ʉwʉlʉgʉ ku wugolosu.

Wukuwi wa Yookhani 15:3

Bhakhɨmbaga ʉlwɨmbo lwa Moose, umubhombi wa Mʉlʉngʉ nʉ lwɨmbo ʉlwɨ Nyaana yɨ Ngoole ya Mwene, bhakhatɨnjɨ, “ɄMwene ʉMʉlʉngʉ ʉwa makha gonti, ɨmbombo zyakho mpɨtɨ, khabhɨlɨ zya kuswijizya nhaani! Ɨwe Mwene ʉwɨ nsɨ yonti, amadala gaakho ga wugolosu, khabhɨlɨ ga nalyoli!

Wukuwi wa Yookhani 6:10

Bhakhalɨla kwi zi ɨlya kʉdandɨzya bhakhatɨ, “We Mwene ʉwa makha gonti, uMufinjile, khabhɨlɨ uMusunde, liino pe ʉkhayɨbhalonga na kʉbhatabhʉlɨzya abhantʉ bhonti abha mʉ nsɨ kʉnongwa ɨya kwita ɨbhanda lyɨtʉ?”

Wukuwi wa Yookhani 3:14

“Ʉkhabhɨzya ʉwa shɨbhanza ɨsha mu Laodikiya musimbile ʉtɨ: Ɨga mazwi kufuma kwa wʉnʉʉyo we Wʉzɨbhe Shɨnɨɨsho, mukeeti we musunde nʉ wa nalyoli, ʉweene we wandɨlo wa vintu vwonti vwe avipelile ʉMʉlʉngʉ.

1 Yookhani 4:14

Ɨtwe tulolile, khabhɨlɨ tukubhasimishizya abhanjɨ kʉtɨ ʉTaata ʉMʉlʉngʉ ámusonteleziizye ʉMwana waakwe mʉ nsɨ, kʉtɨ abhe Muposhi wa bhantʉ.

Bhafiliipi 3:9

Naanɨ ɨndoleshe pɨlongolela yaakwe, ɨnga ɨntayɨbhɨɨkhaje nʉneene kʉtɨ ɨnhondeeye pamiiso ga Mʉlʉngʉ kwɨ dala ɨlya kʉlema ɨndajɨzyo. Lyoli ɨnkʉkhondela pamiiso ga Mʉlʉngʉ kwɨ dala ɨlya kʉmwɨtɨkha uKilisiti, kʉkhondela kwe kukufuma kwa Mʉlʉngʉ, kwe kukufumilana nʉ lwɨtɨkho.

2 Bhakolinso 4:6

ɄMʉlʉngʉ we álonjile átɨlɨ, “Ʉlʉkhozyo lʉlame mu khiisi,” we álamile mʉ mooyo gɨɨtʉ, na kuutupa uwumanyi ʉwa wumwamu waakwe we wʉkʉlama kumiiso kwa Yeesu Kilisiti.

Yookhani 15:4

Mʉjendeelele kwɨkhala mukaasi mʉmwanɨ, nɨɨne ɨnɨkhalaje mukaasi mumwinyu. Anza she ʉlʉpaaswa lʉtangakhola kwela amatunda lwene sita kʉlemeela mu muzabiibu, shɨnɨɨsho nɨɨmwe mʉtangakhola kwela amatunda sita kwɨkhala mukaasi mʉmwanɨ.

Yookhani 14:23

UYeesu akhamwamʉla akhatɨ, “Umuntu ɨnga angana, atɨgaleme amazwi gaanɨ, woope ʉTaata waanɨ atɨmʉgane. Nɨɨtwe tʉtɨyɨnze kʉkwakwe na kwɨkhala nawo.

Yookhani 14:20

Isiku liila we lyafikha, mʉkhayɨmanya kʉtɨ ɨne ɨndɨ mukaasi ya Taata waanɨ, nɨɨmwe mʉlɨ mukaasi yaanɨ, nɨɨne ɨndɨ mukaasi yiinyu.

Yookhani 14:6

UYeesu akhamwamʉla akhatɨ, “Ɨne ne lɨdala, uwanalyoli, nu wuumi. Umuntu atangakhola kwɨnza kwa Taata ɨnga atashɨlɨɨye kʉkwanɨ.

Yookhani 1:18

Atalɨɨpo umuntu we amulolile ʉMʉlʉngʉ akhabhalɨlo khokhonti. ɄMwana waakwe mwene, we woope wʉ Mʉlʉngʉ, khabhɨlɨ alɨ peeka nʉ Mʉlʉngʉ, wʉnʉʉyo we atulanjile ʉMʉlʉngʉ she alɨ.

Luuka 21:15

Kʉnongwa ye ɨne ɨntɨɨbhape ɨnjeele na mazwi ge mʉkhayɨlonga, paka abhalʉgʉ bhiinyu bhakhayɨpootwa kʉbhakhaana na kubhadinda.

Mataayi 13:11

Akhabhaamʉla akhatɨ, “Ɨmwe ʉMʉlʉngʉ abhapiiye kʉmanya ɨzya kukwilu ɨzya wʉmwene ʉwa kʉmwanya, ɨleelo abheene atabhapiiye kʉmanya zɨnɨɨzyo.

1 Yookhani 2:24

Ishi, amazwi gaala ge mwímvwizye kufuma kʉwandɨlo, mʉjendeelele kʉgalema mʉ mooyo giinyu. Ɨnga mʉkʉjendeelela kʉgalema amazwi ganaago mʉ mooyo giinyu, pe nɨɨmwe mʉtɨjendeelele kʉbha nʉ wʉpeeka nʉ Mwana, nʉ Taata ʉMʉlʉngʉ.

Bhaefeeso 3:18

Panaapo mʉtɨpeelwe kʉmanya, peeka na bhafinjile bhonti she ʉlʉgano lwa Yeesu lʉkʉsaata mʉ wʉbaaba, uwutali, kʉzʉbha kʉmwanya nu wiibhizu.

2 Bhakolinso 5:17

Pe shɨnɨɨsho, umuntu wowonti we apatinhiine nu Kilisiti, akʉbha aapelwa shipwa. Ɨzyɨ maandɨ zishilile, ishi zyabha mpwa.

1 Bhakolinso 1:30

Kwe kʉtɨ ʉMʉlʉngʉ we abhapatinhanyiinye nu Yeesu Kilisiti. Ʉweene amubhiishile uYeesu Kilisiti kʉbha njeele zyɨtʉ, wʉnʉʉyo uKilisiti we akuutupa uwugolosu, uwufinjile, nʉ wʉtʉʉlwe.

Yookhani 17:25

We Taata ʉwa Wugolosu, abhantʉ abha mʉ nsɨ umu bhatakumanyile. Ɨleelo ɨne inkumanyile, bhoope abhalandati bhaanɨ bhamanyile kʉtɨ ɨwe we unsonteleziizye.

Yookhani 8:42

UYeesu akhabhaamʉla akhatɨ, “Ɨnga ʉMʉlʉngʉ abhanje wʉ Taata wiinyu, nhanɨ munganile ɨne. Kʉnongwa ye náfumile kwa Mʉlʉngʉ, ishi ɨndɨ ɨpa. Intinzile kʉ shɨgane shaanɨ, lyoli wʉʉyo ansonteleziizye.

1 Yookhani 2:23

Wowonti we akʉmʉkhaana ʉMwana, akʉmʉkhaana nʉ Taata ʉMʉlʉngʉ. Ɨleelo, wowonti we akʉmwɨtɨkha ʉMwana, we alɨ nʉ wʉpeeka nʉ Taata ʉMʉlʉngʉ.

1 Yookhani 5:5

Bhʉlɨ! Wu naanu we angakhola kʉzɨtola ɨzya mʉ nsɨ? Wʉ wʉʉla we akwɨtɨkha kʉtɨ uYeesu Mwana wa Mʉlʉngʉ.

1 Yookhani 5:15

Kʉnongwa ye tumanyile kʉtɨ akʉtwɨmvwa we tʉkʉmʉlaabha lyolyonti, tumanyile kʉtɨ akuutupa zye tʉkʉmʉlaabha.

1 Yookhani 5:18

Tumanyile kʉtɨ umuntu wowonti we apapiilwe nʉ Mʉlʉngʉ, atakʉjendeelela kʉbhomba imbiibhi, kʉnongwa ye ʉMwana wa Mʉlʉngʉ akʉmʉlɨndɨɨlɨla, ʉmʉbhomba mbiibhi uSeetani atangamʉbhomba naalimo.