1 Yookhani 2:3 - ULufingo uLupwa

³ Ɨnga tukuzitinikha ɨndajɨzyo zya Mʉlʉngʉ, pe tʉtɨbhe nu lusimishizyo kʉtɨ tumumanyile.

1 Yookhani 2:3 ပူးပေါင်းရင်းမြစ်များ

Luuka 6:46

“Khooni khe mʉkʉntekha kʉtɨ, ‘Mwene, Mwene,’ ɨleelo mʉtakʉbhomba zye ɨnkʉbhabhʉʉzya?

Yookhani 14:15

UYeesu akhajendeelela kʉbhabhʉʉzya abhalandati bhaakwe akhatɨ, “Ɨnga munganile, mʉtɨzɨleme ɨndajɨzyo zyanɨ.

Yookhani 15:10

Ɨnga mwazɨlema ɨndajɨzyo zyanɨ, mʉtɨyɨɨkhale mʉ lʉgano lwanɨ, anza she nɨɨne inzilemile ɨndajɨzyo zya Taata waanɨ na kwɨkhala mʉ lʉgano lwakwe.

Yookhani 15:14

Ɨmwe mwe bhamanyani bhaanɨ ɨnga mʉkʉbhomba zye imbalajiziizye.

Yookhani 17:3

Uwuumi ʉwa wiila na wiila we wu wuuwu, bhakʉmanye ɨwe we ʉlɨ wʉmwene, wʉ Mʉlʉngʉ ʉwa nalyoli, khabhɨlɨ bhamʉmanye uYeesu Kilisiti we wámusonteleziizye.

2 Bhakolinso 4:6

ɄMʉlʉngʉ we álonjile átɨlɨ, “Ʉlʉkhozyo lʉlame mu khiisi,” we álamile mʉ mooyo gɨɨtʉ, na kuutupa uwumanyi ʉwa wumwamu waakwe we wʉkʉlama kumiiso kwa Yeesu Kilisiti.

Bhaebulaniya 5:9

We amʉbhɨɨkha kʉbha mugolosu kwɨ dala lɨnɨɨlyo, ʉMʉlʉngʉ ámupiiye ʉwʉpɨtɨ ʉwa mupuutili ʉmʉpɨtɨ kʉ shɨkholanyo sha Melikizeedeki. Ɨpo pe akhaabhapa abhantʉ bhonti bhe bhakʉmwɨtɨkha uwuposhi ʉwa wiila na wiila.

1 Yookhani 2:13

Inkubhasimbila ɨmwe mʉbhataata, kʉnongwa ye mumumanyile uYeesu Kilisiti, we álɨɨpo kufuma kʉwandɨlo. Inkubhasimbila ɨmwe mubhatunta, kʉnongwa ye mumutolile ʉmʉbhomba mbiibhi uSeetani.

1 Yookhani 3:14

Ɨtwe tumanyile kʉtɨ twepile mʉ makha ga wufwe, na kwinjila mu wuumi ʉwa wiila, kʉnongwa ye tʉkʉbhagana abhanholo bhɨɨtʉ mʉ lwɨtɨkho. Umuntu we atalɨ nʉ lʉgano asyalile mu wufwe.

1 Yookhani 3:19

Kʉbhagana abhamwɨtʉ shɨnɨɨsho, tʉngabha nu lusimishizyo kʉtɨ tʉkʉlandata uwanalyoli, khabhɨlɨ amooyo gɨɨtʉ gakʉtengaana pamiiso ga Mʉlʉngʉ.

1 Yookhani 3:6

Ishi wowonti we akʉjendeelela kʉbha nʉ wʉpeeka nu Kilisiti, atakʉjendeelela kʉbhomba imbiibhi. Woope we akʉjendeelela kʉbhomba imbiibhi, atakʉzyaganya kʉtɨ uKilisiti wu naanu, khabhɨlɨ atamumanyile.

1 Yookhani 4:13

Tumanyile kʉtɨ tʉkwɨkhala mʉ wʉpeeka nʉ Mʉlʉngʉ, woope ʉMʉlʉngʉ akwɨkhala mʉ wʉpeeka nɨɨtwe. Tumanyile shɨnɨɨsho kʉnongwa ye atupiiye uMupepu waakwe.

1 Yookhani 4:7

Bhaganwa bhaanɨ, tʉgananaje, kʉnongwa ye ʉlʉgano lukufuma kwa Mʉlʉngʉ. Umuntu wowonti we akʉbhagana abhamwabho, apapiilwe nʉ Mʉlʉngʉ, khabhɨlɨ we amumanyile ʉMʉlʉngʉ.

1 Yookhani 5:19

Tumanyile kʉtɨ ɨtwe twe bhaana bha Mʉlʉngʉ, na kʉtɨ abhantʉ abhanjɨ bhonti bhakʉtabhaalwa nʉ mʉbhomba mbiibhi uSeetani.

1 Yookhani 5:2

Ishi she tʉkʉmanya kʉtɨ tubhaganile abhaana bha Mʉlʉngʉ: kwɨ dala ɨlya kʉmʉgana ʉMʉlʉngʉ, na kuzitinikha ɨndajɨzyo zyakwe.

1 Yookhani 5:3

Kʉmʉgana ʉMʉlʉngʉ kwe kʉtɨ, tuzitinikhaje ɨndajɨzyo zyakwe. Khabhɨlɨ ɨndajɨzyo zyakwe te mwamu.

Wukuwi wa Yookhani 12:17

Pe ɨyokha likhamuviitilwa nhaani ʉmwantanda wʉnʉʉyo, lɨkhasogola na kʉbhala kulwa ibho na bhaana bhaakwe abhanjɨ bhe bhásyalile. Abhaana bhanaabho bha bhaala bhe bhakʉzɨlema ɨndajɨzyo zya Mʉlʉngʉ na kuyifumwa kʉlonga ɨzya Yeesu.

Wukuwi wa Yookhani 14:12

Kʉ ganaago pe yɨkwanzɨwa abhafinjile bhaala bhe bhakʉzɨlandata ɨndajɨzyo zya Mʉlʉngʉ na kʉmwɨtɨkha uYeesu, bhabhe nu wujimbiilizu.

Wukuwi wa Yookhani 22:14

Bhasayiilwe bhanaabho bhe bhakʉkhanda amenda gaabho, kʉtɨ bhɨtɨshɨlwe kwinjila mʉ nhaaya kʉshɨlɨla mʉ malyango gaakwe, na kulya amatunda agi kwi ɨlya wuumi.