1 Peeteli 5:8 - ULufingo uLupwa

⁸ Mʉyɨjelaje na kʉbha amiiso akhabhalɨlo khonti. Ʉmʉlʉgʉ wiinyu uSeetani akwanza umuntu ʉwa kʉmʉgoga mʉ lwɨtɨkho, anzɨ nsama ye yɨkʉtama, yɨkʉmʉbhendeela umuntu ɨnga yimulye.

1 Peeteli 5:8 ပူးပေါင်းရင်းမြစ်များ

Bhaefeeso 6:11

Kwataji ɨvɨlwɨlo vwonti vwe ʉMʉlʉngʉ akʉʉbhapa, kʉtɨ mʉkhole kuyidinda na madala amabhiibhi aga Seetani.

Yaakobo 4:7

Pe shɨnɨɨsho, mumutinikhaje ʉMʉlʉngʉ. Mʉmʉkhaanaje uSeetani, woope atɨbhashɨmbɨle.

Bhaefeeso 4:27

Mʉtakhamwɨtɨshɨzye uSeetani kʉtɨ abhatole.

1 Peeteli 1:13

Pe shɨnɨɨsho, mʉyɨlɨnganyaaje na kʉyɨjela, mʉbhɨɨkhaje ʉlʉsʉʉbhɨlo lwinyu mu wiila we mʉkhayɨposheela akhabhalɨlo khe uYeesu Kilisiti akhayɨlolekha.

1 Peeteli 4:7

Ʉwʉmalɨlɨshɨlo ʉwɨ mbombo zyonti wʉpalamɨɨye, pe shɨnɨɨsho mʉyɨjelaje na kʉbha amiiso mu zyonti zye mʉkʉbhomba, ɨnga mʉkhole kupuuta.

Luuka 21:36

Ishi, mʉbhe amiiso akhabhalɨlo khonti, mʉmʉlaabhaje ʉMʉlʉngʉ kʉtɨ, abhapanje amakha kʉshɨlɨla mu zyonti zye zikufumila, kʉtɨ mʉkhondele kwɨmɨɨlɨla pɨlongolela pa Mwana wa Muntu.”

Luuka 22:31

UYeesu akhatɨ, “Siimoni, Siimoni! Ʉmanye akhinza kʉtɨ uSeetani amulaabhile ʉMʉlʉngʉ na ayitishiliilwe kʉbhalɨnga ɨmwe, anzu muvuni ʉwɨ ngano she akʉkhoma na kugulusya ɨngano yaakwe.

Tiito 2:12

Uwiila wʉnʉʉwo wʉkʉtʉmanyɨzya kʉzɨlekha zyonti zye te zya Mʉlʉngʉ, nɨ nsʉngʉkho ɨzya mʉ nsɨ. We tʉkwɨkhala mʉ nsɨ umu, tʉyɨjelaje, tʉbhanje twe bhasunde, na kwɨkhala kwɨ dala lye lɨkhondeeye pamiiso ga Mʉlʉngʉ.

Wukuwi wa Yookhani 12:12

Ishi pe seshelaji, ɨmwe mʉbhakhabhɨzya, na mwe mʉkwɨkhala kʉmwanya kwa Mʉlʉngʉ! Mwasheela ɨnsɨ nʉ sʉmbɨ! Kʉnongwa ye uSeetani ayiikha kukwinyu nʉ mʉlakha ʉmʉpɨtɨ nhaani, amanyile kʉtɨ alɨ na khabhalɨlo khashe bhʉʉlo.”

Yookhani 8:44

Ɨmwe mwe bhaana bha taata wiinyu uSeetani, khabhɨlɨ mʉkwanza kʉbhomba ɨnsʉngʉkho zya taata wiinyu. Ʉweene mugoji kufuma kʉwandɨlo, atawuganile uwanalyoli, kʉnongwa ye uwanalyoli wʉtalɨɨpo mukaasi yaakwe. Ɨnga akʉlonga ɨlenga, yɨnɨɨyo ye mwata yaakwe, kʉnongwa ye ʉweene wɨ lenga, khabhɨlɨ we wʉ taata wɨ lenga.

Mataayi 13:39

Ʉmʉlʉgʉ we áyinzile kʉpesa ɨndezya mʉbhomba mbiibhi uSeetani. Kuvuna lisiku ɨlya kʉmpeleela ɨlya kʉlongwa ɨnsɨ, abhavuni bhabhakhabhɨzya bha Mʉlʉngʉ.

Wukuwi wa Yookhani 12:9

UMikaeli na bhakhabhɨzya bhaakwe bhakhalɨsʉmba paasɨ ɨyokha peeka na bhakhabhɨzya bhaakwe. Ɨyokha lɨnɨɨlyo lye njokha ɨyɨ maandɨ, lye Lilumanyi awe uSeetani, lye lɨkʉbhakhopela abhantʉ bhonti mʉ nsɨ.

Mataayi 24:42

Mʉbhe amiiso kʉnongwa ye mutamanyile isiku lye akhayɨnza ʉMwene wiinyu.

Wukuwi wa Yookhani 20:10

Woope uMulumanyi we akhabhakhopelaga, akhayɨsʉmbwa mwa sʉmbɨ we akwakha ʉmwoto umukhali. Mʉnʉʉmwo mwe shɨlɨ ɨshɨkhanʉ shiila nu mukuwi ʉwɨ lenga, bhoope bhakhayɨyɨmba shawusiku na shamʉsanya, wiila na wiila.

Luuka 21:34

“Mʉbhe amiiso, kʉtɨ mʉtakhaalemwe nɨ nsʉngʉkho imbiibhi, nu wumwezi, na mayɨmba aga mʉ nsɨ umu, isiku lɨnɨɨlyo ɨlya kʉmpeleela lɨkhayɨbhɨnzɨla kwɨ dala ɨlya kʉgandʉshɨzya.

Tiito 1:8

Lyoli akhondeeye kʉtɨ abhe muntu we muteti ku bhajeni, azɨganaje zye nyinza, ayɨjelaje, abhombaje ɨzya wugolosu, na kʉbha muntu umufinjile we alɨ nʉ lʉbhaatɨkho.

2 Tiimoti 4:17

Ɨleelo poope, ʉMwene áamɨle peeka nɨɨne, akhampa amakha. Ɨnhalʉmbɨɨlɨla iNtumi iNyinza mʉ bhantʉ bhe te Bhayahuudi, zikhabhafishila bhonti bhakhɨmvwa. Peeka na zɨnɨɨzyo, akhamfwʉla kʉ bhe bhánsitaakile kʉtɨ, bhangoje anza kʉfwʉla akhantʉ mwi lomu lyɨ nsama.

Tiito 2:6

Abhasakhaala abhatunta bhoope, ubhasundaje kʉtɨ bhayɨjelaje.

Tiito 2:2

Abhasakhaala abhagoosi, ʉbhamanyɨzye kʉtɨ bhabhe bhantʉ bha lʉbhaatɨkho mu lutinikho. Bhayidindaje kʉtɨ bhatakhabhombe imbiibhi. Bhagomaje mʉ lwɨtɨkho, mʉ lʉgano, na mu wujimbiilizu.

1 Tiimoti 2:15

Ɨleelo ʉmwantanda wʉnʉʉyo na bhantanda abhanjɨ bhakhayɨwaaga uwuposhi kwɨ dala ɨlya kʉpaapa ʉmwana, ɨnga bhakʉjendeelela kʉbha nʉ lwɨtɨkho nʉ lʉgano, nɨ njendo ɨzya wufinjile.

Wukuwi wa Yookhani 20:2

Akhalɨlema ɨyokha liila, ɨnjokha ɨyɨ maandɨ, kwe kʉtɨ uMulumanyi awe uSeetani, akhalɨkʉnga kʉ khabhalɨlo akha manha ielufu yeeka (1,000).

Tiito 2:4

ɨnga bhabhasunde abhantanda abhatunta kʉtɨ, bhabhaganaje abhalʉme bhaabho na bhaana bhaabho.

1 Tiimoti 3:11

Abhashɨ bha bhaavwi, bhoope bhakhondeeye kʉtɨ abhantʉ bhabhashindikhaje. Bhatabhanje bhantanda bhe bhalɨ na miibhi, lyoli bhayɨjelaje. Bhabhanje mu wusunde ku zyonti.

1 Tiimoti 2:9

Bhoope abhantanda, ɨnkwanza kʉtɨ, bhabhe nu wutengulizu kʉkwata amenda, kʉbhe kwɨ dala lye lɨkhondeeye nu lushindikho. Kʉyɨbhɨngʉlanya kwabho kʉtakhabhe kʉtabha insisi, awe kʉkwata amapambo ge gakumeetukha, awe vwe vikufumilana ni zahaabu, awe amenda agɨ nhela ɨmpɨtɨ.

Mataayi 4:1

Pe panaapo uYeesu akhalongolwa nu Mupepu uMufinjile kʉbhala mu shilozu ɨnga uSeetani amʉlɨnje.

1 Tiimoti 3:2

Kwe kʉtɨ, we akwanza kʉbha mwimiilili wa shɨbhanza, bhatamʉdwegaje ni mbiibhi naazimo. Abhe nʉ mʉshɨ weeka mwene, atasʉngʉkhaje abhantanda abhanjɨ. Abhe muntu we alɨ nʉ lʉbhaatɨkho, we akʉyɨjela, na we abhantʉ bhakumushindikha. Abhe muntu we muteti ku bhajeni. Amanye kʉmanyɨzya.

Mataayi 25:41

“Pe akhayɨbhabhʉʉzya bhaala bhe bhalɨ kʉmbalɨ yaakwe ɨya kʉmongo akhayɨtɨ, ‘Yeepi ɨpa ɨmwe mwe muguniilwe! Bhalaji kʉ mwoto we wutakuzima naalumo, we abhishiliilwe uSeetani na bhakhabhɨzya bhaakwe.

Mataayi 4:11

Pe uSeetani akhamʉlekha uYeesu, abhakhabhɨzya bha Mʉlʉngʉ bhakhɨnza kʉmʉsʉnga.

Maalika 4:15

She abhantʉ bhamu bhakʉtejeelezya izwi lya Mʉlʉngʉ, bhakʉkholanywa ni mbeyu ye yálendeeye mwɨ dala. Ɨbha bhe bha bhaala bhe ɨnga bhɨmvwa bhʉʉlo izwi lya Mʉlʉngʉ, uSeetani akwɨnza, akwefwa izwi liila mʉ mooyo gaabho.

2 Bhakolinso 2:11

ɨnga uSeetani atakhatʉtole, kʉnongwa ye tuwumanyile uwushevu waakwe.

Wukuwi wa Yookhani 12:10

Pe ɨnhɨmvwa izi ɨlya kʉdandɨzya kufuma kʉmwanya lɨkʉtɨ, “Ishi, ʉMʉlʉngʉ wɨɨtʉ abhatuulile abhantʉ bhaakwe! Alolesya ʉwaamʉlo waakwe na kʉtala ʉwʉmwene! Khabhɨlɨ uKilisiti waakwe alolesya ʉwaamʉlo waakwe! Kʉnongwa ye uMikaeli na bhakhabhɨzya bhaakwe bhámusumbile paasɨ umulonjeeleli ʉwa bhanholo bhɨɨtʉ mʉ lwɨtɨkho, ʉweene we akʉbhalonjeelela kwa Mʉlʉngʉ wɨɨtʉ, shawusiku na shamʉsanya.