1 Peeteli 2:21 - ULufingo uLupwa

²¹ Mʉkwanzɨwa kʉtɨ mujimbililaje shɨnɨɨsho, kʉnongwa ye uKilisiti wʉʉyo áyimbile kʉnongwa yiinyu. Khabhɨlɨ akhabhaleshela ɨshɨkholanyo, kʉtɨ mwenyezyaje kʉbhomba zye ábhombile.

1 Peeteli 2:21 ပူးပေါင်းရင်းမြစ်များ

1 Yookhani 2:6

umuntu we akʉtɨ alɨ nʉ wʉpeeka nʉ Mʉlʉngʉ, akhondeeye kʉtɨ ayɨkhalaje anza she uYeesu akhɨkhalaga.

Mataayi 16:24

Pe uYeesu akhabhabhʉʉzya abhalandati bhaakwe akhatɨ, “Umuntu wowonti we akwanza kʉndandata ɨne, akwanzɨwa ayɨkhaane wʉʉyo, apɨmbe ɨshɨkhobhenhanyo shaakwe, andandate ɨne.

Yookhani 13:15

Imbalanjile ɨshɨkholanyo, ɨnga nɨɨmwe mʉbhombelanaje anza she ɨne nabhabhombelaga ɨmwe.

Bhaefeeso 5:2

Mʉgananaje anza she uKilisiti átuganile ɨtwe, akhayifumwa kʉnongwa yɨɨtʉ. Áyifumwizye kʉbha mfinjile ɨya kʉlʉngʉlɨzya ye yikununshiilila akhinza, kwe kʉtɨ imfinjile ye yɨkʉmʉkhondezya ʉMʉlʉngʉ.

1 Yookhani 3:16

Ɨtwe tulumanyile ʉlʉgano, kʉnongwa ye uKilisiti áfumwizye uwuumi waakwe kʉkwɨtʉ. Nɨɨtwe shɨnɨɨsho, tʉkhondeeye kʉtɨ tufumwaje uwuumi wɨɨtʉ kʉ bhanholo bhɨɨtʉ mʉ lwɨtɨkho.

1 Peeteli 2:24

UKilisiti wʉʉyo ápimbile imbiibhi zyɨtʉ mʉ mʉbhɨlɨ waakwe pa shɨkhobhenhanyo. Ábhombile shɨnɨɨsho ɨnga ɨtwe tʉtatabhaalwe winza ni mbiibhi, lyoli tʉbhe nʉ wɨɨkhalo ʉwa wugolosu. Ʉweene bhámuvwalaziizye, ɨnga ɨmwe mʉpone.

1 Bhakolinso 11:1

Shɨnɨɨsho mwenyezyaje kʉkwanɨ, anza she nɨɨne ɨnkwenyezya kwa Kilisiti.

1 Peeteli 4:1

Kʉnongwa ye uKilisiti áyimbile mʉ mʉbhɨlɨ, nɨɨmwe mʉyɨlɨnganyaaje kʉyɨmba na kʉbha nɨ nsɨɨbho anzɨ yaakwe. Ɨnkʉlonga shɨnɨɨsho kʉnongwa ye umuntu we áyimbile ʉmʉbhɨlɨ atangatabhaalwa winza ni mbiibhi.

Bhafiliipi 2:5

Mʉbhanje nɨ nsɨɨbho yɨnɨɨyo ye áamɨle nayo uYeesu Kilisiti.

Mataayi 11:29

Mʉkwataje iniila yaanɨ, mʉmanyɨlaje kʉkwanɨ kʉnongwa ye ɨne ne mutonsu, khabhɨlɨ ɨne inkuyiisya mʉ mwoyo, nɨɨmwe mʉtɨtʉʉzye mʉ mooyo giinyu.

Bhaluumi 8:29

Kʉnongwa ye bhanaabho ʉMʉlʉngʉ ábhamanyile kufuma kʉwandɨlo, ábhasabhʉʉye bhakholane nʉ mwana waakwe, ɨnga ʉMwana abhe wa kʉwandɨlo mʉ bhaana bhonti abha Mʉlʉngʉ.

Mbombo zya Bhasundikwa 14:22

Kukuula poponti paala pe bhakʉbhala bhakhabhagomwaga abhalandati amooyo, bhakhabhabhʉzyaga kʉtɨ bhayɨgomwaje mʉ manyɨzyo ɨzya lwɨtɨkho. Bhakhabhabhʉzyaga kʉtɨ, “Kwinjila mʉ wʉmwene wa Mʉlʉngʉ, yɨkhondeeye kʉshɨlɨla mʉ mayɨmba aminji.”

1 Peeteli 3:18

Woope uKilisiti áyimbile, akhafwa kheeka kheene kʉnongwa yi mbiibhi zyɨtʉ, kwe kʉtɨ umugolosu áfuuye kʉnongwa ya bhe te bhagolosu, ɨnga atʉkhomaanye nʉ Mʉlʉngʉ. Bhakhamʉgoga we alɨ nʉ mʉbhɨlɨ ʉwa muntu, ɨleelo kʉ makha ga Mupepu uMufinjile akhazyʉkha.

Mataayi 10:38

Khabhɨlɨ umuntu we atakʉpɨmba ɨshɨkhobhenhanyo shaakwe na kʉndandata, wʉnʉʉyo atanhondeeye.

1 Peeteli 3:9

Mʉtatabhʉlɨzyaje kʉbhomba uwubhiibhi kʉ bhe bhakʉbhabhombela imbiibhi, awe indigo ku ndigo, lyoli mʉbhabhombelaje inyinza. Shɨnɨɨsho she ʉMʉlʉngʉ akwanza mʉbhombaje, ɨnga abhasaye ɨmwe.

Yookhani 16:33

Imbabhuziizye zyonti zɨnɨɨzyo ɨnga mʉbhe nu wutengaanu we mʉlɨ mukaasi yaanɨ. Mʉ nsɨ mʉtɨgaagaje amayɨmba, ɨleelo mʉyɨgomwaje ʉmwoyo, kʉnongwa ye ɨne inzitolile ɨzya mʉ nsɨ.”

Wukuwi wa Yookhani 12:11

Bhoope bhamutolile kwɨ bhanda ɨlyɨ Nyaana yɨ Ngoole, na kwi zwi ɨlya wukeeti waabho. Bhanaabho bhatakhawʉgana ʉwɨɨkhalo waabho, khabhɨlɨ bhatógopile kufwa.

Bhaebulaniya 2:10

Pe shɨnɨɨsho, yákhondeeye kʉtɨ ʉMʉlʉngʉ we ápelile ivintu vwonti, na kʉvɨsʉnga, akhamʉbhɨɨkha uYeesu kʉbha mukwilizu kwɨ dala ɨlya kʉyɨmba. Ábhombile shɨnɨɨsho ɨnga uYeesu abhaleete abhaana abhinji kʉsangaanɨla uwumwamu waakwe. Kʉnongwa ye uYeesu we akʉbhalongola abhantʉ bhawaaje uwuposhi.

2 Tiimoti 3:12

Bhonti bhe bhakwanza kʉmʉsʉʉbhɨla na kumutinikha ʉMʉlʉngʉ kwɨ dala ɨlya Yeesu Kilisiti, bhoope bhatɨyɨmbaje.

1 Peeteli 1:20

UKilisiti wʉnʉʉyo ʉMʉlʉngʉ ámʉsabhʉʉye kʉlandatana nʉ lʉbhaatɨkho lwakwe we ɨnsɨ yɨshɨɨlɨ kʉpelwa. Ɨleelo akhagʉʉlɨla kufishila akhabhalɨlo ɨkha akha kʉmpeleela, pe akhamʉleeta na kʉmʉlolesya apazelu kʉ bhantʉ bhonti mʉ nsɨ. Ziniizi ábhombile kʉnongwa yiinyu.

1 Bhatesalonike 4:2

Ɨmwe mumanyile akhinza ɨndajɨlo zye twábhapiiye kwɨ taawa lya Mwene uYeesu.

1 Bhatesalonike 3:3

Twábhombile shɨnɨɨsho kʉtɨ umuntu wowonti atakhakhatampe kʉnongwa ɨya mayɨmba ɨga. Ɨmwe mumanyile kʉtɨ ɨtwe tubhalandati bha Yeesu tʉkwanzɨwa kʉshɨlɨla mʉ mayɨmba.

Mbombo zya Bhasundikwa 17:3

ɨnga abhalɨnganɨzye na kʉbhalanga apazelu kʉtɨ uKilisiti akhondeeye kʉyɨmba na kʉzyʉkha mʉ bhafwe. ɄPaʉlo akhabhabhʉʉzya akhatɨ, “UYeesu wʉnʉʉnʉ we ɨnkʉmʉlʉmbɨɨlɨla kukwinyu we wu Kilisiti.”

Mbombo zya Bhasundikwa 9:16

Ɨne nʉneene ɨntɨmʉlanje she yɨkwanzɨwa kʉtɨ ayɨmbe nhaani kʉ zyɨ taawa lyanɨ.”

Luuka 24:26

Bhátɨlɨ yɨkhanzɨwaaga kʉtɨ uKilisiti ashɨlɨle mʉ mayɨmba gaala gonti, pɨlongolela ayinjile mu wumwamu waakwe.”

1 Peeteli 4:13

Lyoli mʉseshelaje kʉtɨ mʉkʉsangaana mʉ mayɨmba ga Kilisiti, ɨnga mʉkhabhe nʉ lʉseshelo mʉ khabhalɨlo khe uwumwamu wa Kilisiti wʉkhayɨsakʉlwa apazelu.