1 Bhakolinso 14:4 - ULufingo uLupwa

⁴ We akʉlonga ɨndongo impwa, akʉyɨgomwa wʉʉyo mʉ lwɨtɨkho lwakwe, ɨleelo we akufumwa uwukuwi akʉgomwa ɨshɨbhanza.

1 Bhakolinso 14:4 ပူးပေါင်းရင်းမြစ်များ

1 Bhakolinso 14:22

Pe shɨnɨɨsho, kʉlonga kʉ ndongo impwa shɨlolesyo, te kʉ bhe bhitishile lyoli kʉ bhe bhatitishile. Ɨleelo kufumwa uwukuwi shɨlolesyo te kʉ bhe bhatitishile, lyoli kʉ bhe bhitishile.

1 Bhakolinso 14:26

Bhanholo bhaanɨ mʉ lwɨtɨkho, tʉlonje tʉtɨ bhʉlɨ? We mubhungaanile peeka, ʉmo akwɨmba ʉlwɨmbo, ʉwamwabho akʉmanyɨzya, ʉwamwabho akwilulanya, ʉwamwabho akʉlonga ɨndongo impwa, ʉwamwabho akwilulanya zye zɨkʉlongwa. Zɨnɨɨzyo zyonti zɨbhombekhaje kʉkʉzya ɨshɨbhanza.

Maalika 16:17

Abhantʉ bhaala bhe bhakwɨtɨkha kʉmʉsʉʉbhɨla ʉMʉlʉngʉ, bhakhayɨbhombaga ɨvɨlolesyo. Bhakhayɨbhɨngaga amapepu amabhiibhi mʉ bhantʉ kwɨ taawa lyanɨ, bhakhayɨlongaga kʉ ndongo impwa.

1 Bhakolinso 14:12

Shɨnɨɨsho nɨɨmwe, kʉnongwa ye mʉkwanza nhaani kʉbha nɨ vɨkʉnjɨlwa ɨvwa Mupepu uMufinjile, mʉyɨkʉngʉle nhaani kʉbha nɨ vɨkʉnjɨlwa vwe vɨkʉkʉzya ɨshɨbhanza.

1 Bhakolinso 14:5

Ɨne ɨnkwanza ɨmwe mwenti mʉlongaje ɨndongo impwa, inhaani ɨnkwanza mufumwaje uwukuwi. Kʉnongwa ye umuntu we akufumwa uwukuwi mʉpɨtɨ kʉshɨla we akʉlonga ɨndongo impwa. Lyoli ɨnga alɨɨpo umuntu we akwilulanya zye akʉlonga, ɨshɨbhanza shɨkʉkʉla mʉ lwɨtɨkho.

1 Bhakolinso 14:3

Ɨleelo we akufumwa uwukuwi, akʉlonga na bhantʉ amazwi aga kʉbhagomwa mʉ lwɨtɨkho, aga kʉbhakhobhosya na kubhajinjizya ʉmwoyo.

1 Bhakolinso 13:2

Khabhɨlɨ poope ɨnga inkufumwa uwukuwi na kʉzyaganya zyonti zye zɨlɨ kukwilu nu wumanyi wonti, poope ɨngabha nʉ lwɨtɨkho ʉlʉpɨtɨ ʉlwa kʉsaamwa amagamba, ɨleelo ɨnga ɨntalɨ nʉ lʉgano, yɨtakwavwa naakhamu.

Bhaluumi 14:19

Pe ɨnga zɨlɨ shɨnɨɨsho, tʉyɨkʉngʉlaje nhaani kʉbhomba ziila zye zɨkʉleeta uwutengaanu na zye zɨkʉtwavwa kʉgomanya mʉ lwɨtɨkho.

1 Bhakolinso 12:10

ʉwamwabho ɨshɨkʉnjɨlwa ɨsha kʉbhomba amayele, ʉwamwabho kufumwa uwukuwi, ʉwamwabho kʉmanya uwuleganu ʉwa Mupepu wa Mʉlʉngʉ na mapepu amabhiibhi, ʉwamwabho kʉlonga ɨndongo impwa, ʉwamwabho kwilulanya ɨndongo zɨnɨɨzyo.

1 Bhakolinso 12:28

ɄMʉlʉngʉ abhiishile mʉ shɨbhanza abha kwanda, bhasundikwa, abha wʉbhɨlɨ bhakuwi, abha wʉtatʉ bhamanyizyi, na bhe bhakʉbhomba amayele, bhe bhalɨ nɨ vɨkʉnjɨlwa ɨvwa kʉponɨa, bhe bhalɨ nɨ vɨkʉnjɨlwa ɨvwa kwavwana, bhe bhalɨ nɨ vɨkʉnjɨlwa ɨvwa kʉlongozya, na bhe bhalɨ nɨ vɨkʉnjɨlwa ɨvwa kʉlonga ɨndongo impwa.

1 Bhakolinso 13:1

Poope ɨngalonga kʉ ndongo ɨzya bhantʉ nɨ zya bhakhabhɨzya, ɨleelo ɨnga ɨntalɨ nʉ lʉgano, ɨnkʉbha ngatɨ shongo shɨ debe lye lɨtalɨ na khantʉ awe ɨshongo ishi jomvu.