ZEFANYA 3:3 - KITTA' MATANGKASA'

³ Sikamma tumalompona anjo kotaya rapangi singa ammarrung-marrunga sa'ranna. Sikamma hakinga rapangi serigala-serigala cipuruka; sanna' angngoana ke'nanga, sa'genna manna sipappaka buku tenamo nasesa untu' ammuko.

ZEFANYA 3:3 ပူးပေါင်းရင်းမြစ်များ

PANGNGEBARANG 28:15

Tau ja'dalaka ammarenta ri tau kakuranganga, sanrapangi singa ammarrunga sa'ranna yareka beruang a'bakkaya.

YESAYA 1:23

Sikamma pamimpinnu angngewami mae ri Nakke siagang assikongkolo'mi palukka'; nangai ke'nanga annarima hadia siagang doe' pammuccu'. Taerokai ke'nanga angngalleangangi ana' kukanga ri pangadelanga; taerokai ke'nanga ampilangngeri tuntutanna sikamma janda-jandaya.

YESAYA 5:29

Ammarrungi sa'ranna tantarana rapang sa'ranna singaya, beru le'baka angngokko' apa najakkala', nampa naerang lari, nampa tena akkulle allappassangi.

YEREMIA 22:17

Mingka ikau, Yoyakim, maraengi. Ikau kaparalluang kalennu bawang nuboya. Nubunoi tau tenaya salana, siagang nujallakkangi ra'yaka nukapallakki.

YEREMIA 23:11

Nakana Batara, “Na'bia siagang imanga taerokai mannuruki ri Nakke. Ba'lalo Kurapikangi ke'nanga a'gau' ja'dala' ri BallakKu.

YEREMIA 5:6

Lanri kammana minjo nalanibuno ke'nanga ri singa battua ri romanga, siagang nikae-kae ri serigala battua ri parang lompoa. A'dete'mi mange-mange macang a'ballanga amboyai lanakanrea ri ampi'na kota-kotana ke'nanga, na sikamma tau assuluka nabakkai ngaseng nakanre. Kajariang ngasengi anjo sikammaya lanri jainamo dosana ke'nanga, siagang a'mole-molemi nabokoi Allata'ala.

YEHEZKIEL 22:6

Sikontu pamimpinna tu Israel napattoangi kagassingang kalenna siagang nagaukangi ammunoa.

YEHEZKIEL 33:26

Nupattoangi pa'dannu. Panggaukannu appakaringi'-ringiki. Kabusu'nu anggaukangi a'gau' bawanga. Maka barani ijako angngani angkana anne buttaya ikau pata?

HABAKUK 1:8

Jaranna la'bi gassingi lari na macanga, siagang la'bi sekkeki na serigala cipuruka. Pasukang a'jaranna battui ri pa'rasangang-pa'rasangang bellaya; battui ke'nanga rapang balangkoa' antamberoi apa najakkalaka.