ZEFANYA 3:13 - KITTA' MATANGKASA'

¹³ Tu Israel niaka ammantang tassesa, tenamo nala'gau' ja'dala' pole manna ri nai; tenamo nala'balle-balle ke'nanga siagang tena tommo nalannipu. Lakalumanynyangi na salewangang tallasa'na ke'nanga, siagang tenamo nalamalla' manna pole ri nai.”

ZEFANYA 3:13 ပူးပေါင်းရင်းမြစ်များ

2 PATTOTTORANG 20:30

Iami anjo saba'na nakkullemo ammarenta Yosafat siagang amang, siagang nisaremi kasannangngang ri Batara sikontu pa'rasanganga.

AYUB 11:19

Tena nulamalla' mae ri musua; jai tau lappala' tulung mae ri kau.

PAMMUJI 119:3

Mate'nei tau attallasaka situru' ero'Na Batara, siagang tenaya nagaukangi kaja'dallanga.

PAMMUJI 120:2

O, Batara, pasalamaka' battu ri paballe-ballea siagang patipua.

PAMMUJI 120:3

He patipu, apa laNagaukang Allata'ala mae ri kau? Apa laNahukkungangko?

PAMMUJI 23:2

Napara'bai kalengku ri parang ruku' moncongbuloa. Naulua' mange ri je'ne' attallasa' sannanga.

YESAYA 17:2

Lanibokoimi kota-kota niaka ri Siria sa'genna satunggu-tungguna, siagang la'jari mami pammantangngang olo'-olo'; tena manna sitau lambongkai ke'nanga.

YESAYA 35:8

Anjoreng lania' agang lompo, “Oloang mangea ri kasalamakkang” arenna. Tau dorakaya talammaloai anjoreng, tau toloa talanapa'linguai tau angngoloa anjoreng.

YESAYA 54:14

Nibangungko irate ri kaadelang, nipakabellako battu ri mallaka siagang panjallakkanga.

YESAYA 6:13

Ba'lalo lalanna sampuloa tau na nia' ija sitau ammantang ri anjo pa'rasanganga, anjo sitaua lanipanraki todong. Mingka rapang poko' kayu karama' punna nita'bangi nia' ija ammantang tonasa'na, kamma tomminjo lania' ija tassesa anjo bansaya, la'jaria pappokokanna umma' matangkasaka.”

YESAYA 60:21

Lannabai tindakanna pandudu'nu, lanapatangi ke'nanga pa'rasanganga satunggu-tungguna. Rapangi ke'nanga lamungang Kucangkoka KalengKu, untu' ampa'nyatai kala'birangKu.

YESAYA 63:8

Nakana Batara, “Tojeng, anjo ke'nanga ummakKu, ana'-ana' tenaya nappakala'ba pa'mai'.” Na Ia a'jari Mappasalama'na ke'nanga,

YESAYA 65:10

UmmakKu lanynyombai ri Nakke; gimbala'na siagang sapina ke'nanga la'rukuki ri Lappara'na Saron siagang Ka'bung Akhor.

YEREMIA 23:4

LangngangkaKa' pamimping untu' amparakai ke'nanga. Tenamo nalamalla' yareka annekkere' ummakKu; tenamo manna sitau ke'nanga latappela'. INakke, Batara, anne akkana.”

YEREMIA 30:10

UmmakKu Israel, teako mallakki! AtangKu Yakub, teako annekkereki! Ikau siagang jari-jarinu laKupasalamakko battu ri pa'rasangang bella, tampa'nu nipela'. Lammoterekko siagang lammantangko ri pa'rasangannu siagang amang. Lasannangko lalang tallasa'nu; tena parallu nukamallakkang.

YEREMIA 31:33

Iaminne parjanjiang beru laKupareka siagang umma' Israel: Hukkung-hukkungKu laKuboliki ri ati mailalanna ke'nanga, Kutulisiki ri pa'mai'na ke'nanga. INakke la'jari Allata'alana ke'nanga, siagang ke'nanga la'jari ummakKu.

YEHEZKIEL 39:26

Punna sannangi pole ke'nanga ammantang ri pa'rasangang kalenna, tena manna sitau lakkulle anggarattaki ke'nanga; jari lanakaluppaimi ke'nanga antekamma batena le'ba' nipakasiri' ke'nanga lanri dorakana mae ri Nakke.

YO"EL 3:17

“He Israel, kamma-kamma anne lanuassemmi, angkanaya iNakke Karaeng Allata'alanu. AmmantangA' ri Sion, bulu' matangkasakKu. Na Yerusalem a'jari tongi kota matangkasa', talantamakkami bansa maraenga.

KAIMANGNGANG 26:6

LaKujagai kaamananna pa'rasangannu sa'gennu akkulle tinro sannang siagang tena numalla' manna pole ri nai. LaKupa'lanynyaki sikamma olo'-olo' sekkeka battu ri pa'rasangannu, siagang latenamo pa'bundukang ri pa'rasangannu.

MIKHA 4:4

Tunggala' taua laamangi siagang salewangang lalang tallasa'na ri tangnga koko anggoro'na siagang koko poko' arana; tenamo lampakamallaki, iaminjo janjinNa Batara Kaminang Koasaya.

MIKHA 4:7

Nipa'jarimi ke'nanga rapang tau peso' siagang bella battu ri butta passolongang cera'na. Mingka, battu ri anjo sikamma tau tassesaya laKupakaramulai se're turungang beru. La'jari ke'nanga bansa lompo siagang kassa'. INakke lammarenta ri ke'nanga ri Bonto Sion sa'genna satunggu-tungguna.”

MIKHA 7:14

O Batara, Kikalawaki laloi ummatTa, iamintu umma' nipileTa. Ammantangi ke'nanga bella ri parang lompoa, ri tangnga-tangngana butta copponga. Lappassammi ke'nanga anggappa kanre ri parang ruku'na Basan siagang ri Gilead sangkamma jammang riolo.

ZEFANYA 2:7

Pandudu'na Yehuda akkullea ta'lappasa' lanaempoi anjo daeranu. Lakkalawaki olo'-olo' ke'nanga anjoreng ri tampaka, siagang punna bangngi latinroi ke'nanga ri balla'na tu Askelon. Nasaba' Batara, iamintu Allata'alana ke'nanga, lanjagai pole ke'nanga siagang laNapa'jari ke'nanga akkalumanynyang poleang.

ZEFANYA 3:5

Mingka nia' iji Batara ri anjo kotaya; tuli Nagaukangi apa annabaya siagang tale'bakai sala. Tunggala' bari'basa' mattantu Nasarei kaadelang umma'Na. Mingka, tau tenaya naassengi kaadelanga ri anjo kotaya, tuli tenana siri'na a'gau' ja'dala'.

ZAKHARIA 8:12

Lappakioroki bine ke'nanga siagang amang. La'rappoi poko'-poko' anggoro'na ke'nanga, lanisarei wassele' ke'nanga battu ri buttaya, siagang laturungi alla'bi-la'bi bosia. Sikontu anjo barakkaka Kupassareangi mae ri sikamma tau attallasaka ija battu ri anne bansaya.

ZAKHARIA 8:16

Iaminne parenta-parenta mustia nugaukang: Punna a'bicarako mae ri parannu tau, a'bicarako sitojennaya. Angngalleko kaputusang adele' ri pangadelanga siagang angngeranga passiamakkang.

ZAKHARIA 8:3

LammoterekKa' mange ri Yerusalem, anjo kota matangkasakKu, nampa ammantang anjoreng. Laniassengi Yerusalem salaku kota tamamminraya, siagang bontoNa Batara Kaminang Koasaya lanigallaraki Bonto Matangkasa'.

MATIUS 13:41

LaNasuroi malaeka'-malaeka'Na Ana' Ma'rupataua ampasse're ngasengi sikontu tau a'jari passabakkanga na'gau' dosa taua, kammayatompa sikontu tau a'gau' ja'dalaka.

YOHANES 1:47

Nacini'mi Isa nia' battu Natanael; na Napaumo passala' ri batangkalenna Natanael Nakana, “Ciniki, iaminjo tu Israel tojeng-tojenga. Tena apa-apa palassu lalang ri batangkalenna.”

KOLOSE 3:9

Teako assiballe-ballei, nasaba' le'ba'mi nubokoi sipa'-sipa' katallassang sallonu.

1 PETRUS 3:14

Mingka manna pole musti nukasia' kasessanga lanri nugaukanna apa-apa bajika, ikau upa' mako! Teako mallakki manna pole ri nai, siagang teako bata-batai.

1 YOHANES 5:18

Niassengi angkanaya sikontu tau a'jariamo ana'-ana'Na Allata'ala, tenamo natuli a'gau' dosa ija; nasaba' nijagai ri Ana'Na Allata'ala siagang takkulleami I Ja'dala' a'gau' apa-apa mae ri ia.

PAPPICINI' 14:5

Tale'bakai a'balle-balle ke'nanga, siagang tena callanna ke'nanga manna sike'de'.

PAPPICINI' 21:27

Mingka tau anggaukangai apa appakaringi'-ringika, tau a'balle-ballea, bodona kana, sikontu apa-apa ra'masaka tena sikali nakkulle antama' anjoreng. Ia lanipa'biang antama' iamintu tau niaka bawang tattulisi' arenna lalang ri kitta'Na anjo Ana' Gimbalaka, iamintu Kitta'na Tau Attallasaka.

PAPPICINI' 21:8

Mingka tau balloranga, tau a'bali' ballanga, tau bambalaka pabuno-bunoa, tau pagau' bawanga, tau ammakea pangngissengang siagang baca-baca, tau anynyombaya barhala, kammayatompa sikontu tau paballe-ballea, lanipelaki antama' ri tamparang pepeka siagang bara a'rinra-rinraya, iamintu kamateang makaruaya.”