ZEFANYA 3:10 - KITTA' MATANGKASA'

¹⁰ Ba'lalo battu ri pa'rasangang Sudan bellaya, anjo ummakKu tassia'-siaraka laniaki battu siagang assare koro'bang mae ri Nakke.

ZEFANYA 3:10 ပူးပေါင်းရင်းမြစ်များ

PAMMUJI 68:31

Kiga'gara' laloi tu Mesir, anjo olo'-olo' sekkeka ri tangngana ruku' tinggia. Kikalarroi bansa-bansaya, pa'rappungang tedong romanga siagang ana'-ana'na, massing sionjo'-onjokanga untu' anggappa pera'. Napasimbungi Allata'ala bansa-bansa nangaia a'bundu'.

YESAYA 11:11

Anjo alloa laNapakei pole sikalipa kakoasanNa Batara siagang Naerang umma'Na niaka tassesa battu ri Asyur siagang battu ri Mesir, ri pa'rasangang-pa'rasangang Patros, Sudan siagang Elam, ri Babel, Hamat siagang pulo-pulo bellaya.

YESAYA 11:12

Lappanaiki Batara se're bandera untu' bansa-bansaya. Iaminjo pammatei angkanaya laNapasse'rei ammotere' bansa Israel siagang Yehuda ia tassiaraka mae ri sikontu buttaya, nampa naerang ke'nanga ammotere'.

YESAYA 18:1

Battu ba'le ri se'reang pa'rasangang ba'leanna binanga-binanga Sudan, nia' kalangngerang sa'ra kape'-kape'na olo'-olo' anri'babaka.

YESAYA 18:7

Nia' sallang se're wattu nanipassareang passarea battu ri anjo pa'rasangang nilaloia ri sikamma binangaya mae ri Batara Kaminang Makoasaya, battu ri bansana makassaka siagang barania, battu ri sikamma tau tinggia siagang alusuka kalenna na nikamallakkanga ri sikontu linoa. Labattu ngasengi ke'nanga mange ri Bulu' Sion, ri tampa'Na Batara Kaminang Makoasaya nisomba.

MALEAKHI 1:11

NipakalompoA' ri sikamma bansa-bansaya ri sikontu linoa. Kere-keremae nitunui dupaya untu' ampakalompoi arengKu siagang nipassareangi sikamma koro'bang siratanga, ba'lalo sikontu bansaya napakalompoA'.

YOHANES 7:35

Nakana ngasemmo tukoasana tu Yahudia, massing para ia, “La'lampa kemaei anne taua nitakkullea ambuntuluKi? Apa eroKi a'lampa mange ri tu Yahudi pantarang pa'rasanganga, ri pa'rasanganna tu Yunania, naero' Naajara' tu Yunania?

LAMPA-LAMPANA 24:17

Le'baki pirang taung are kubokoi Yerusalem, ammotere'ma' mange anjoreng angngerang doe' bantuang mae ri bansaku, siagang ero' angngerang koro'bang mae ri Allata'ala.

LAMPA-LAMPANA 8:27

A'lampami Filipus. Anjo wattua nia' sitau pagawe balla' lompoa ri Etiopia, sitabang lalang pa'lampanna ammotere' mange ri pa'rasanganna. Anjo taua pagawe tinggi, anta'galakai sikontu pa'barang-baranganna Kandake, karaeng bainea ri Etiopia. Anjo taua battumi ri Yerusalem, untu' anynyomba ri Allata'ala. Na anjo wattua ammotere'mi siagang ratei a'dongko' ri karetana. Lalang ammempona rate ri karetana, sitabangi nabaca Kitta'na Na'bi Yesaya.

ROMA 15:16

Napa'jarima' palayanNa Isa Almasi, sollangku nisuro mae ri bansa pantaranganna bansa Yahudia, iamintu bansa-bansa maraenga. Nipa'jarima' imang sollanna kubirittakang Kabara' Baji' battua ri Allata'ala mae ri ke'nanga, sollanna akkulle ke'nanga nitarima a'jari koro'bang mae ri Allata'ala. Kuminasai ke'nanga nanitangkasi ri RohNa Allata'ala, sollanna akkulle a'jari koro'bang matangkasa' mae ri Allata'ala.

1 PETRUS 1:1

Natarimai sikamma sari'battangku, umma' Napilea Allata'ala, niaka tassiara' ri bori' bellaya, iamintu ri daera-daera Pontus, Galatia, Kapadokia, Asia, siagang Bitinia. Anne suraka battu ri nakke, Petrus, tunisuroNa Isa Almasi; kuminasai ri Allata'ala sollannu Nasare ngaseng alla'bi-la'bi barakka' siagang kasalewangang. Nipileiko a'jari Umma'Na Allata'ala situru' ero' laNagaukanga Allata'ala Manggea. Siagang nipa'jari mako matangkasa' ri RohNa Allata'ala sollannu a'jari Umma' KalenNa Allata'ala, siagang sollannu mappilangngeri ri Isa Almasi siagang nitangkasi ri cera'Na.