ZEFANYA 2:5 - KITTA' MATANGKASA'

⁵ Nitunrai ngasengko, he tu Filistin, bansa ammantanga ri biring tamparanga. Le'ba'mi Napattantu Batara hukkunganga mae ri kau. LaNapanraki ngasengko, tena manna sitau battu ri kau lakkulle ta'lappasa'.

ZEFANYA 2:5 ပူးပေါင်းရင်းမြစ်များ

YESAYA 14:29

He bansa Filistin, tepo'mi palu-palu eroka nipake untu' ampalu-paluiko. Mingka teako rannui, lanri punna nia' ulara' mate, nia' labattu ulara' maraeng, la'bi sekkeka, untu' ansambeangi, siagang bayao ulara' bo'boka a'jari naga akka'nyi'.

YESAYA 14:30

Lanitujuko ri kacipurang lompo, na sikamma tau ammantanga tassesa lanibuno ngasengi. Kabalekanna, tau kaminang kasi-asia battu ri umma'Na Batara langgappai kanre, siagang tau tenaya kullena lattallasaki siagang amang na salewangang.

YEREMIA 47:7

Mingka maka akkullei sannang punna le'ba'mo Kuparentakang untu' ambunduki Askelon siagang pandudu'na ri biring tamparanga?”

YEHEZKIEL 25:16

Lanri kammana anjo laKupa'la'bangi Kupau angkanaya iNakke lambunduki tu Filistin siagang ampanraki ke'nanga. Sikamma niaka tassesa ri daera pa'birinna Filistin laKubunoi.

AMOS 3:1

Pilangngeri anne pasanNa Batara, he Bansa Israel le'baka nierang assulu' battu ri Mesir ri Batara! Nakana Batara,

AMOS 5:1

Pilangngeri he umma' Israel! Erokka' ampakkelongangko se're kelong-kelong susa, kammaya anne:

ZEFANYA 1:11

Appiraungko siagang angngarru' mako ri wattu nulangngere'na anjo sa'ra kammaya, he pandudu' kota bageang irawaya, nasaba' sikontu padangganga siagang tau appappinranga doe' le'ba' kabusu'mi nibuno!

ZEFANYA 3:6

Nakana Batara, “Jaimi bansa le'ba' Kupa'lanynya'; Kuancuruki kota-kotana ke'nanga, siagang tembo'-tembo'na kammayatompa menara-menarana ke'nanga Kupa'jari loro-loroi. Kota-kotana ke'nanga a'jari sinoi tena bonena siagang agang-aganga sino kabusuki.

ZAKHARIA 1:6

Tete ri sikamma anjo na'bi atangKu ngaseng, Kupabattumi sikamma parentaKu siagang sikamma pappakaingakKu mae ri boe-boenu. Mingka tena najampangi ke'nanga sa'genna musti natanggongi ke'nanga kale'bakkang kajariang kodina. Nampa assesse' lalammo ke'nanga, siagang mangakumi ke'nanga mae ri Nakke angkanaya iNakke, Batara Kaminang Koasaya, le'ba' anghukkungi ke'nanga situru' kasalanna ke'nanga, siagang sangkamma apa le'baka Kupattantu.”

MARKUS 12:12

Nalangngere'na pamimping-pamimpinna tu Yahudia anjo pangngebaranga naassemmi angkanaya kalenna ke'nanga nataba anjo pangngebaranga. Jari usahami ke'nanga ero' ambunoi Isa. Mingka mallaki ke'nanga ri tau jaia. Jari a'lampami ke'nanga ambokoi Isa.

YOSUA 13:2

sikontu daera Filistin siagang Gesur,

YOSUA 13:3

kammayatompa sikontu daera Awi a'lampa timboro'. (Daera battu ri Binanga Sikhor ri pa'baeng-baenna Mesir sa'genna mange ri pa'baeng-baenna Ekron ri bageang wara', yangasenna anjo antamaki daerana bansa Kanaan; siagang karaeng-karaenna tu Filistin ammantangi ri Gaza, Asdod, Askelon, Gat siagang Ekron.)

HAKING-HAKING 3:3

Ia bansa-bansa niaka ija ammantang ilalang ri limaya kotana Filistin, sikontu bansa Kanaan, bansa Sidon siagang bansa Hewi ammantanga ri moncong-monconna Libanon appakkaramula battu ri Moncong Baal-Hermon sa'genna mange ri agang a'lampa mangea ri Hamat.

1 SAMUEL 30:14

Le'baki ikambe battu ambunduki tu Kreti ri bageang timboranna Yehuda siagang daera bijanna Kaleb, kammayatompa le'ba'mi nitunu sa'genna la'busu' kota Ziklag.”