ZEFANYA 2:3 - KITTA' MATANGKASA'

³ Ammotere' mako mae ri Batara, he sikontu tau tuna pa'maika ri anne pa'rasanganga, siagang sikontu tau anturukiai parenta-parentaNa. Appanggaukang mako situru' ero'Na Batara, siagang pakatunai kalennu ri dallekanNa. Inai angngassengi gassingka lata'lappasa' jako battu ri hukkunganga ri allo Napa'nyatana kalarroanNa Batara.

ZEFANYA 2:3 ပူးပေါင်းရင်းမြစ်များ

2 SAMUEL 12:22

Appialimi Daud angkana, “Iyo, memang appuasa' siagang angngarruka' lalang attallasa'na ija anjo anaka lanri kupikkiriki angkanaya: Gassingka lamangngamaseangi Batara mae ri nakke siagang Naerokangi attallasa' anjo anaka.

PAMMUJI 105:4

Appalakko kagassingang battu ri Ia, tuli sombai.

PAMMUJI 149:4

Mangngellai Batara mae ri umma'Na; Ia assarei pammetang tau tuna pa'maika.

PAMMUJI 22:26

Ri tangnga-tangngana passe'reanna ummaka mammujia' mae ri Katte, lanri sikontu apa le'baka Kigaukang. Ri dallekang umma' mappilangngeria kupassareang koro'bang le'baka kupa'janjiang.

PAMMUJI 31:20

Tamaka alla'bi-la'bina kabajikanTa Kipasadiaya mae ri tau mappilangngeria! Sikamma taua nacini' ngasengi kabajikang Kigaukanga, mae ri sikamma tau ma'la'langa mae ri Katte.

PAMMUJI 45:4

Sele'mi pa'dannu ri aya'nu, he ikau karaeng barania, sanna' malomponu siagang accayanu!

PAMMUJI 57:1

Untu' pamimping pakelong. Situru' lagu: TeaKi' papossoki. Pammujina Daud, ri wattunna lari antama' ri kali'bong batua alliliangi Saul.

PAMMUJI 76:9

Battu ri langika Kipa'nyata kaputusanTa; mallaki linoa na'mereki.

PAMMUJI 91:1

Sikamma tau a'la'langa mae ri Kaminang Tinggia, ammantanga lalang ri pa'la'langanNa Kaminang Koasaya,

KALAPPASSANG 12:27

Musti appialiko angkana, ‘Anne koro'bang Paska untu' ampakalompoi Batara, lanri Nalaloi sikamma balla'na tu Israel ri Mesir, ri wattunna Nabuno sikamma ana' toa bura'nena tu Mesir, nampa ikatte nalappassangki' attallasa'!’ ” Jari akkulantu'mi tu Israel siagang anynyomba.

PANGNGEBARANG 18:10

Anjo Batara sanrapangi menara kassaka; Iami namangei tau lambusuka nanggappa tampa' amang.

YESAYA 1:17

appilajara' mako anggaukangi bajika. Paentengi kaadelanga siagang pa'rapusuki tau anjallakkanga; sarei ha'na ana' kukanga siagang alleangangi parkarana sikamma jandaya.”

YESAYA 11:4

Tu kasi-asia naadeli siagang adele', tau tamakkullea nabantui siagang lambusu'; nahukkungi tau salaya lanri parentana, tau ja'dalaka natumpassangi.

YESAYA 61:1

KoasaNa Batara Kaminang Tinggia niaki ri nakke; Napilea' siagang Nasuroa' untu' angngerang kabara' baji' mae ri tau kasi-asia siagang ampammollei tau ancuruka pa'mai'na; untu' ampa'la'bangi mae ri tau nitahanga angkanaya tasalloami nanilappassang ke'nanga, siagang mae ri sikamma tau nitarungkua angkanaya lanipasulu'mi ke'nanga.

YEREMIA 39:18

Tena nulanibuno, lanri laKupasalamakko. Lasalamaki nyawanu lanri tanjengko mae ri Nakke. INakke Batara, anne akkana.”

YEREMIA 45:5

Angngapa nuero' nipa'la'biangngang? Teako appakammai, Barukh! Sikontu umma' rupataua Kuhukkungi siagang bala, mingka ri sesena ikau, kaminang sike'de'na ikau lasalamakko. Manna kemae lampanu, latuli attallasakko. INakke, Batara, anne akkana.”

YEHEZKIEL 13:5

Tena ke'nanga najagai tembo'-tembo' runtunga, siagang tena todong napakabajiki anjo tembo'-temboka. Jari, takkulleai nipartahangkang Israel punna kajariang bunduka ri allo battuKu anghukkungi.

HOSEA 10:12

Kukana, ‘He Israel! Apparekko koko beru untu' kalennu, kiori siagang bine kaadelang, siagang akkatto mako barakka' naerang poleanga mattojeng-tojenna pangngainu mae ri Nakke. Nasaba', narapi'mi wattunnu untu' amboyA', Bataranu. LabattuA' untu' ampaturungangko bosi barakkakKu.’

HOSEA 7:10

A'nassai nicini' katampoanna tu Israel siagang iaminjo a'jari butti mae ri kasalanna ke'nanga. Manna pole nakajariang ngasemmo anjo sikammaya, tena tongijapa naboyA' ke'nanga yareka ammotere' mae ri Nakke, Karaeng Allata'alana ke'nanga.

YUNUS 3:9

Barang ero'ji Allata'ala ampinrai ero'Na siagang tenamo Nalarro sa'genna tenamo ninjari panra'!”

ZAKHARIA 8:19

“Puasa nigaukang lalang bulang makaappa', makalima, makatuju, siagang makasampulo la'jari passua'-suarrang appakarannua siagang appakasannanga mae ri pandudu'na Yehuda. Mangngaiko ri katojengang siagang passiamakkang!”

MATIUS 5:5

Mate'nei tau tuna pa'maika; nasaba' iami langgappai apa le'baka Napa'janjiang Allata'ala!

1 TESALONIKA 4:1

Lanri kammana, sikamma sari'battangku, paralluko angngalle conto battu ri kambe, antekamma batenu musti attallasa' sollanna nupakasannang pa'mai'Na Allata'ala. Memang kamma-kamma anne sangkammami anjo katallassannu. Mingka kamma-kamma anne lalang koasaNa Batara Isa, napala' tojeng-tojengi ikambe siagang kisekeki ngasengko sollannu pila' appattujuang pole ilalang ri anjo passalaka!

1 TESALONIKA 4:10

Na anjo passalaka le'ba'mi nupappicinikang mae ri sikamma sari'battang julu tappatta ri sikontu butta Makedonia. Jari, sari'battangku ngaseng, napala' tojeng-tojengi ikambe mae ri kau ngaseng, sollannu pila' a'jari la'bi baji' lalang ri katallassannu.

1 PETRUS 1:22

Lanri mappilangngerinnu mae ri pangngajaranNa Allata'ala, parallui nutangkasi kalennu siagang nukamaseang julu tappa'nu situlusu'na pa'mai'nu. Lanri kammana, paralluko massing sikamaseang lalang sikalepu pa'mai'nu,

1 PETRUS 3:4

Mingka, anjo kaga'gannu parallui battu lalang ri ati mailalannu, battu ri panggaukang baji'nu, siagang tunanu ri pa'mai'; yangasemmi anjo kaga'gang satunggu-tunggua, sannaka lompona anggaranna ri paccini'Na Allata'ala.

2 PETRUS 3:18

Poro pila' nukasia' lalo passare lammoro'Na Batara, Karaeng Mappasalamatta iamintu Isa Almasi, siagang poro pila' tappa' laloko mae ri Ia. Poro Iami nipuji, ri kamma-kammaya anne sa'genna satunggu-tungguna! Aming. Sallangku, Petrus