ZEFANYA 2:1 - KITTA' MATANGKASA'

¹ He bansa tenaya nangngasseng siri', angngu'rangiko,

ZEFANYA 2:1 ပူးပေါင်းရင်းမြစ်များ

2 PATTOTTORANG 20:4

Battu ri sikontu kota niaka ri Yehuda nia' taua battu mange ri Yerusalem untu' appala' tulung mae ri Batara.

NEHEMIA 8:1

Narapiki bulang tuju nia' ngasemmi tu Israelka ammantang tuli ri massing-massing kotana. Ri tanggala' se're anjo bulanga a'rappung ngasengi ke'nanga ri kota Yerusalem, ri paranglakkeng niaka ri dallekanna Pakke'bu' lompo Je'ne'. Napalaki ke'nanga sollanna naalle Imang Ezra Kitta' Hukkunga. Anjo Ezra se're tucara'de' ri passala'na Hukkung Napassareanga Batara mae ri Israel tete ri Musa.

NEHEMIA 9:1

Ri tanggala' ruampulo angngappa' anjo todong bulanga, a'rappungammi ra'ya' Israel. Appuasai ke'nanga untu' pammatei ri assesse' lalanna lanri dosa-dosana ke'nanga. Nasa'la'mi kalenna ke'nanga battu ri bansa-bansa maraenga. Untu' a'jari pammatei ri si'nana pa'mai'na ke'nanga, ammakemi ke'nanga kaeng karung siagang nakiorimi butta ulunna ke'nanga. Nampa ammenteng siagang namangakui dosana ke'nanga siagang dosana boe-boena ke'nanga.

ESTER 4:16

“Passe'rei sikontu tu Yahudi niaka ri kota Susan untu' ampappala' doanganga'. Teako angnganrei siagang teako angnginungi lalang tallungallo tallumbangngi. Inakke kalengku siagang sikamma tulolo palayangku lappuasa ngaseng tonga'. Le'baki anjo, erokka' mange andallekang ri karaenga, manna nakudakkai undang-undanga. Punna padeng musti matea' passabakkang anjo, boli'mi kamma nakumate!”

YEREMIA 3:3

Lanri kammana minjo natattahang je'neka battu ri langi', siagang tena battu-battuna bosia ri wattu baraka. Sanrapangko pasundala', siagang tena siri'nu.

YEREMIA 6:15

Mustina siri'-siriki ke'nanga lanri le'ba'na nagaukang ngaseng anjo panggaukang tunaya. Mingka kapala' rupai siagang tena siri'na ke'nanga. Lanri kammana, latu'guruki ke'nanga sangkamma tau maraenga; cappu'mi riwaya'na ke'nanga punna Kuhukkungi ke'nanga. INakke, Batara, anne akkana.”

YO"EL 1:14

Parentakangi umma'nu untu' appuasa, pappiassengangi passibuntulang lompoa! Kioki sikamma pamimpinga siagang tutoa-toaya, kammayatompa sikontu pandudu'na Yehuda, sollanna battu mae ri Balla'Na Allata'ala, untu' akkio' appala' tulung mae ri Ia.

ZEFANYA 3:5

Mingka nia' iji Batara ri anjo kotaya; tuli Nagaukangi apa annabaya siagang tale'bakai sala. Tunggala' bari'basa' mattantu Nasarei kaadelang umma'Na. Mingka, tau tenaya naassengi kaadelanga ri anjo kotaya, tuli tenana siri'na a'gau' ja'dala'.

ZAKHARIA 11:8

Nia' tallu pakalawaki angkabirisia' nanapaccappu' kasa'barangku. Kubongkai ke'nanga lalang wattu sibulang.

MATIUS 18:20

Nasaba' kemae nia' rua yareka tallu tau a'rappungang nasaba' iNakke, laniakKa' hadere' ri tangnga-tangngana ke'nanga.”