ZAKHARIA 9:13 - KITTA' MATANGKASA'

¹³ Yehuda laKupake a'jari salaku pana tubarani, siagang Israel salaku ana' pana sadiaya lanipabuccu'. Pandudu'na Sion laKupake salaku pa'dang; anjo pa'danga laKupake ambuccuki sikontu tu Yunani.”

ZAKHARIA 9:13 ပူးပေါင်းရင်းမြစ်များ

PAMMUJI 144:1

Battu ri Daud. Pujimi Batara pa'la'langangku! Ia angngajaraka' a'bundu', siagang allatia' assiba'ji.

PAMMUJI 149:6

Boli'mi kamma assa'ra lompo umma'Na mammuji ri Allata'ala, anna'gala' pa'dang le'ba' kantisi'

PAMMUJI 45:3

Ikaumi kaminang gammara' ri alla'na sikontu rupataua, kana-kanannu rassi kabajikang, lanri kammana minjo naNabarakkakiko Allata'ala sa'genna satunggu-tungguna.

YESAYA 49:2

Napa'jari tarangi kana-kanangku rapang pa'dang, lima KalenNa anjagaia'. Napa'jaria' rapang ana' pana nikantisika, nakuNaboli' lalang ri tongkaya nipasadia untu' nipake.

YEREMIA 51:20

Nakana Batara, “Babel, ikau rapangko palu-palu, sanjataKu untu' a'bundu'. Kupakeko antunrungi bansa-bansaya siagang sikamma kakaraenganga.

PIRAUNG 4:2

Riolo ana'-ana' rungkana Kota Sion rapangi bulaeng tinggia anggaranna, mingka anne kamma nipare' mami rapang uring butta bawang.

AMOS 2:11

Le'ba'mi Kupilei siapa are battu ri ana'-ana'nu untu' a'jari na'bi, siagang siapa are turungka untu' a'jari tu Pangawasa'. Sai anjo kammaya annabai, he tu Israel? INakke, Batara, anne akkana.

OBAJA 1:21

Pandudu'na Yerusalem porea lanabunduki Edom nampa nabeta. Nampa iNakke Batara lammarenta salaku karaeng.”

ZAKHARIA 1:21

Akkuta'namma' angkana, “Apa ero' kabattuanna ke'nanga?” Appialimi angkana, “Untu' ampata'bangkai siagang untu' anggulungi bansa-bansa le'baka angngancu'-ancuruki Yehuda kammayatompa ampatassimbung-simbungi pandudu'na.”

EFESUS 6:17

Allei anjo kasalamakkanga a'jari sanrapang topi baja; siagang kana-kananNa Allata'ala sanrapang pa'dang RohNa Allata'ala.

2 TIMOTIUS 4:7

Le'ba'ma' sanrapang amminawang appa'lumba sibaji'-baji'na, siagang anrapi'ma' battu mae ri bassika. Tuli anna'gala' majarreka' lalang tappakku mae ri Isa sanggenna kale'bakkanna.

IBRANI 4:12

Anjo kananNa Allata'ala, iami kana-kana assarea katallassang siagang kagassingang; la'bi tarangi na pa'dang tarang pimbalia. Anjo kana-kanaya anno'doki sa'genna antama' ri atia siagang nyawaya; narapiki pa'leso-lesoanga siagang buku-bukua, sa'genna naasseng ngaseng pikkiranna siagang nawa-nawanna rupataua.

PAPPICINI' 1:16

Lima kananNa anna'galaki tuju bintoeng, na battu ri bawaNa nia' assulu' pa'dang sannaka taranna, siagang tarang pimbali-balia. RupanNa accayai sangkamma matanna alloa ri wattu tangngana alloa.

PAPPICINI' 17:14

La'bunduki ke'nanga angngewai anjo Ana' Gimbalaka. Mingka lanibetai anjo sikamma karaenga ri anjo Ana' Gimbalaka siagang sikamma taunNa tamamminraya le'baka Nakio' siagang Napile; nasaba' Ia minjo Ana' Gimbalaka Batarana sikamma tumalompoa, siagang Karaenna sikamma karaenga.”

PAPPICINI' 19:15

Battu ri bawaNa nia' assulu' pa'dang tarang; siagang iaminjo pa'danga laNapake ambetai bansa-bansaya, nampa laNaparenta ke'nanga siagang takkang bassi. LaNapaccoki anggoroka lalang ri pammaccokang anggoro' kalarroanNa Allata'ala Kaminang Koasaya.

PAPPICINI' 19:21

Nampa nibuno ngaseng tantarana ke'nanga siagang pa'dang assuluka battu ri bawana anjo padongko' jarang keboka. Nabattu ngasemmo jangang-janganga angkanrea tojengi assinna anjo ke'nanga nibunoa.

PAPPICINI' 2:12

“Untu' mae ri malaeka'na jama'ah Pergamus, tulisiki kamma anne: Iaminne pappasang battu ri Ia anna'galaka pa'dang tarang pimbalia.