ZAKHARIA 8:17 - KITTA' MATANGKASA'

¹⁷ Teako appareki rancana ja'dala' mae ri parannu tau. Teako appasuluki sumpa a'balle-balle. INakke birisikka' mae ri balle-ballea siagang mae ri tenaya naadele' kammayatompa ri katerassanga.”

ZAKHARIA 8:17 ပူးပေါင်းရင်းမြစ်များ

PAMMUJI 10:3

A'bicara borroi tu ja'dalaka untu' kaerokang ja'dala'na, tau angngoaya natunrai siagang natollaki Batara.

PAMMUJI 101:3

tena nalakubalang parekang kaja'dallanga. Kukabirisi panggaukanna tau ta'gilinga, siagang tena kuero' siurusu' siagang ke'nanga.

PANGNGEBARANG 3:29

Teako rancanai apa-apa lappakarugia mae ri parannu tau ia niaka ri ampi'nu siagang tappaka mae ri kau.

PANGNGEBARANG 6:14

Pikkirang botto'na rassi siagang rancana ja'dala' siagang appaumba pa'beserang ri kere-keremae.

PANGNGEBARANG 8:13

Punna nipakala'biri' Batara, battuanna nikabirisi kaja'dallanga; takungaiyai kaborroanga siagang katampoanga. Kukabirisi gau'-gau' ja'dalaka siagang kana-kana annipua.

YEREMIA 4:14

Yerusalem, pelaki kaja'dallanga battu ri atinnu sollannu nipasalama'. Siapapi sallona anjo pikkirang-pikkirang ja'dalaka lanuboli' ri atinnu?

YEREMIA 4:2

Punna assumpako lanri arengKu siagang lambusukko nuadele' siagang tojeng lalang tallasa'nu, lanapalaki sikontu bansaya sollanna Kubarakkaki ke'nanga, kammayatompa lamammuji ke'nanga mae ri Nakke.”

YEREMIA 44:4

Tulusu' Kusuroi battu ata-atangKu sikamma na'bia mae ri kau, ampisangkaiko anggaukangi anjo kaja'dallang tenaya Kungai.

HABAKUK 1:13

Mingka antekamma bateTa akkulle attahang anciniki tau ja'dala' palla' kammaya anjo? Sai iKatte sanna' matangkasatTa untu' anciniki kaja'dallanga? Sai iKatte lanreki anciniki gau' tenaya naadele'? Jari, angngapa natena apa-apa Kikana ri wattunna niancuru' tau bajika ri tau dorakaya?

ZAKHARIA 7:10

Teako jallakkangi sikamma jandaya, ana'-ana' kukanga, bansa maraeng battua ammantang ri tangnga-tangnganu, yareka inai-nai mamo niaka lalang kasusaang. Siagang tea tongko appareki rancana ja'dala' mae ri parannu tau.’

ZAKHARIA 8:18

Napassareangi Batara Kaminang Koasaya anne pasanga mae ri nakke untu' umma'Na, angkana,

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

MATIUS 12:35

Tau bajika, tuli apa baji' todong lanapau, nasaba' bajiki lalang atinna. Mingka tau ja'dalaka tuli apa-apa ja'dala' napau, nasaba' ja'dalaki lalang atinna.

MATIUS 15:19

Nasaba' battu lalammi ri atia ammumba pikkirang-pikkirang ja'dalaka, a'jaria saba' nammuno taua, a'gau' salimara', a'gau' bawang, a'lukka', siagang appitina.

MATIUS 5:28

Mingka anne kamma Kukana ri kau ngaseng: Inai-nai accini' baine nabattumo cinnana a'gau' salimara', a'gau' salimara'mi siagang anjo bainea ilalang ri nyawana.