ZAKHARIA 14:2 - KITTA' MATANGKASA'

² LaNapa'rappung ngasengi Batara sikontu bansaya untu' ambunduki Yerusalem. Laniallei anjo kotaya, laniellaki sikamma balla'na, siagang lanigau' bawangi sikamma tubai'-bainena. Tawaruanna pandudu'na laniengkaki mange ri butta pammelakkanga, mingka la'binna lammantangi anjoreng ri kotaya.

ZAKHARIA 14:2 ပူးပေါင်းရင်းမြစ်များ

YESAYA 13:16

Lanaciniki ana' lolonna ke'nanga nilica', balla'na ke'nanga niella', siagang sikamma bainenna ke'nanga nigau' bawang.”

YESAYA 4:3

Sikamma tau ammantanga ri Yerusalem, iamintu tau nipilea ri Allata'ala untu' nipasalama', lanikanai tau matangkasa'.

YESAYA 5:26

LaNakioki Batara bansa bellaya na labattu ke'nanga linta'!

YESAYA 65:18

Rannu mako siagang atte'ne pa'mai' mako satunggu-tungguna lanri apa Kupa'jaria. LaKupa'jari Yerusalem beru rassia karannuang, siagang pandudu'na atte'ne-te'ne pa'maiki.

YEREMIA 21:4

ampabattui mae ri Karaeng Zedekia angkanaya Batara, Allata'alana Israel, akkana kammai anne, “Zedekia, laKubetai pasukannu a'bunduka angngewai karaeng Babel siagang pasukanna. Sikamma sanjatana tantaranu laKupa'gompoi ri tangnga-tangngana kotaya.

YEREMIA 34:1

Ri wattunna Nebukadnezar karaeng Babel siagang pasukanna nibantua ri pasukang-pasukang battu ri sikontua bansa siagang bansa tunduka irawanganna, battumi ambunduki Yerusalem siagang kota-kota niaka ri tammulilina, a'bicarami Batara mae ri nakke.

PIRAUNG 1:10

Sikontu barang-baranna niallemi ri musu-musunna. Ba'lalo musti nacini'mi ke'nanga antama ri Balla'Na Allata'ala, panggaukang tenaya Nikellai ri Batara punna teai umma'Na.

YEHEZKIEL 5:8

Jari iNakke, Batara Kaminang Tinggia, Kupa'nassai angkanaya iNakke musunnu. LaKuhukkungko ri dallekanna bansa-bansa maraenga.

YO"EL 3:2

Sikontu bansaya laKupasse'rei nampa Kuerang mange ri Ka'bung Pangadelanga. Nampa Kuadeli ke'nanga anjoreng lanri kaja'dallanna ke'nanga mae ri ummakKu, iamintu lanri nabage-bagena butta Israel nampa napela' ummakKu mange ri a'rupa-rupa pa'rasangang.

YO"EL 3:9

Pa'la'bangi pabattu anne passalaka mae ri bansa-bansaya, angkanaya: Sadiako untu' a'bundu siagang ampa'lappoi kagassingannu! Pagioki sikamma tubaraninu siagang tuporea karenanna; passe'rei sikontu tantaraya, siagang maju mako!

AMOS 7:17

Nakana Batara angkanaya la'jari pasundalaki bainennu ri agang-agang kotaya, siagang sikamma ana'nu lanibunoi lalang pa'bundukang. Buttanu lanipa'bage-bageangi mae ri tau maraenga, nampa ikau kalennu lamateko ri pa'rasanganna tau tenaya natappa' ri Batara. Pandudu'na Israel ma'nassa laniengkaki mange ri pammelakkanga, bella battu ri pa'rasangang kalenna.”

ZAKHARIA 12:2

“LaKupa'jari Yerusalem sanrapang piala niaka anggoro'na; sikamma pa'rasangang singngampi'na lanainungi anjo anggoroka nampa ta'royong-royong rapang tau nasa'ringa. Na punna nitammulili Yerusalem ri musua, sikamma kota-kota niaka ija ammantang ri pa'rasangang Yehuda lanitammulili tongi ri musu.

ZAKHARIA 12:3

Mingka punna ta'rapi'mo anjo alloa, laKupa'jari Yerusalem sanrapang batu battalaka; manna pole bansa battu kemae ancobai angngangkaki langgappai bala. Sikontu bansaya ri lino lanapa'jari se'rei kalenna untu' ambunduki Yerusalem.

ZAKHARIA 12:9

Anjo alloa laKuancuruki sikamma bansa eroka ampaccoba-cobai ambunduki Yerusalem.

MATIUS 22:7

Nalangngere'na Karaenga anjo kajarianga teaimi sipato' larrona. Nakirimmi tantarana nanasuro buno ngaseng anjo tau le'baka ambunoi pala'-palayanna. Kammayatompa kotana ke'nanga nasuro tunu tongi.

MARKUS 13:14

“Nia' sallang lanucini' ammenteng ‘Kaja'dallang Lammanra'-manrakia’ ammenteng ri tampa' tasiratanga napammentengi. (Tau ammacaya parallui napahang apa battuanna anne!) Anjo wattua, tau niaka ri Yudea parallui lari nai' ri buluka.

MARKUS 13:19

Ri wattu battuna anjo allo-allo appakamalla'-mallaka, labattumi susa lompo dudua, tenayapa nale'ba' kajariang baku' Napa'jarina Allata'ala linoa sa'genna kamma-kamma anne, siagang tenayamo nalakajariang pole ribokoanganna.

LUKAS 2:1

Anjo wattua Karaeng Agustus ammarenta ri pa'rasangang Roma. Sitabangi nisuro bilang ngaseng sikontu tuma'buttaya niaka lalang parentana.