ZAKHARIA 14:17 - KITTA' MATANGKASA'

¹⁷ Punna nia' bansa taeroka a'lampa mange ri Yerusalem untu' anynyomba ri Karaeng, Batara Kaminang Koasaya, talanatujuai bosi pa'rasanganna.

ZAKHARIA 14:17 ပူးပေါင်းရင်းမြစ်များ

PA'JARIANG 10:32

Ia ngasemmi anjo sossoranna Nuh, massing-massing bansa, situru' massing garisi' sossoranna ke'nanga. Iaminne ke'nanga nakabattui sikontu bansa-bansaya ri anne linoa, baku' le'ba'na kajariang a'ba lompoa.

PA'JARIANG 12:3

LaKubarakkaki sikamma tau ambarakkakiako siagang laKutunrai sikamma tau antunrayako. Siagang lanri ri kau nalaKubarakkaki sikontu bansaya ri lino.”

PA'JARIANG 28:14

Turungannu lasangkammai limbu'buka ri lino jaina. Lanapakaluaraki daerana ke'nanga mange ri kere-kere mae. Siagang tete ri kau siagang turungannu nalaKubarakkaki sikontu bansaya ri lino.

1 KARAENG-KARAENG 17:1

Nia' sitau na'bi niareng Elia. Assala'na tubattu ri Tisbe, iamintu se'reang kota ri daera Gilead. Ri se'reang allo battui mae ri Karaeng Ahab na nakana, “Lanri Batara, Allata'ala mattallasaka, Ia nasombaya tu Israel siagang Ia kulayania, kupabattuangki' angkanaya lalang ruampulo yareka tallumpulo taung labattua anne latena saliu' yareka bosi manna sike'de', pantaranganna punna kukanangi.”

1 KARAENG-KARAENG 8:35

Punna doraka ummatTa nampa Kihukkung ummatTa iamintu tena naKipaturung bosia, nampa toba' ke'nanga battu ri dosana siagang napakala'birikKi' salaku Batara, nampa andallekang ri Katte ri anne balla' passambayanganga kammayatompa appala' doang mae ri Katte,

2 PATTOTTORANG 6:26

Punna doraka ummatTa mae ri Katte nampa Kihukkung ke'nanga iamintu tena Kippaturung bosi, nampa toba' ke'nanga battu ri dosana siagang ammotereki ke'nanga ampakala'birikKi' salaku Batara, nampa andallekang mae ri anne BallatTa, siagang appala' doang ri Katte,

2 PATTOTTORANG 7:13

Punna tena Kuppaturung bosi yareka akkiringA' battu katimbang untu' ancappuki wassele' lamung-lamunga yareka appabattuA' garring mae ri UmmakKu,

YESAYA 18:7

Nia' sallang se're wattu nanipassareang passarea battu ri anjo pa'rasangang nilaloia ri sikamma binangaya mae ri Batara Kaminang Makoasaya, battu ri bansana makassaka siagang barania, battu ri sikamma tau tinggia siagang alusuka kalenna na nikamallakkanga ri sikontu linoa. Labattu ngasengi ke'nanga mange ri Bulu' Sion, ri tampa'Na Batara Kaminang Makoasaya nisomba.

YESAYA 45:23

INakke le'ba' a'janji, na janjingKu tena nalasala-salang; lanri KalengKu na Kuassumpa: Tunggala' taua lakkulantuki ri dallekangKu, lalang massing bahasana a'janji massing talamamminraya mae ri Nakke.

YESAYA 5:6

LaKubalang parekangi natimboi ruku'-ruku' liara'. Tena nalaKuparakai poko' anggoro'na, siagang tena nalaKusangkoi. Ba'lalo Kubalang parekangi nitongko' ri ruku' siagang rompo' akkatinting, ba'lalo Kupisangkai rammanga ampitu'guri bosi.”

YESAYA 60:12

Bansaya siagang kakaraengang tenaya natundu' ri kau, laancuruki siagang lalanynyaki.

YEREMIA 10:25

Pa'bettese'mi larroTa mae ri bansa-bansa tenaya naaniKi' siagang tenaya naero' anynyomba ri Katte. Nasaba' le'ba'mi napanraki taba sikali ummatTa siagang naancuru' pa'rasanganna ikambe.

YEREMIA 14:22

Rewata-rewatana bansa-bansaya takkulleai appaturung bosi ri lino. Manna langika takkulle todong ampaturungi bosia siagang koasa kalenna. IKatteji bawang panrannuanna ikambe. IKatte ampa'jari ngasengi anjo sikammaya.

YEREMIA 14:3

Sikamma palayanna tau kalumanynyanga nisuroi a'boya je'ne' ri kere-keremae; a'lampai ke'nanga mange ri sikamma bungunga mingka la'busu' ngasemmi je'neka. Tena bonena bongkia naeranga ke'nanga ammotere'. Lussa'mi natappu' minasa ke'nanga siri'-siriki ke'nanga na natongko' rupanna.

YEREMIA 14:4

Taturungai bosia siagang kalotoro' sikali buttaya; natongkoki rupanna pamarria lanri la'bana nyawana.

AMOS 3:2

“Battu ri sikontu bansaya ri lino, ikaumi se're-se'rea bansa Kuassenga siagang Kuparhatikanga. Iaminjo saba'na nalompo dosanu, siagang ma'nassa laKuhukkung ngasengko.”

ZAKHARIA 14:16

Nampa sikontu tau niaka ija attallasa' ri alla'na anjo bansa-bansa ambundukai Yerusalem, la'lampai mange ri anjo kotaya untu' anynyomba ri Karaeng, Batara Kaminang Koasaya, siagang untu' ampakalompoi Passua'-suarrang Pa'ballakang Leko'-Lekoka.

ZAKHARIA 14:9

Na Batara lammarenta salaku Karaeng ri sikontu linoa; tunggala' taua lanynyombai ri Ia salaku Allata'ala siagang naassengi arenNa lalang areng sangkammaya.

PAOLE 11:17

Punna nudakkai anjo parentaNa, lalarroi Batara mae ri kau. Tena Nalappaturung bosi; la'jari kalotoro' taba sikali buttanu sa'genna tenamo wassele'na lamung-lamunnu. Jari tasalloami numate ri butta coppong Napassareanga Batara mae ri kau.

YAKOBUS 5:17

Anjo Elia, tau biasa tonji kamma ikatte. Attojeng-tojengi appala' doang sollanna tena naturung bosia; apaji natena tojemmo naturung bosia tallun taung assitangnga sallona.

PAPPICINI' 11:6

Nia' kakoasanna ke'nanga untu' antongkoki langika sollanna tena naturung bosia ri wattu napa'la'banna ke'nanga biritta battua ri Allata'ala. Nia' todong kakoasanna ke'nanga mae ri sikontu timbuseng je'neka, untu' ampinrai je'neka a'jari cera'. Siagang nia' todong kakoasanna untu' antunrungi buttaya siagang a'rupa-rupa bala, kere-kere wattu punna ero' ke'nanga anggaukangi.