YUDAS 1:25 - KITTA' MATANGKASA'

²⁵ Iami Allata'ala, tenaya ruanNa; Iami ampasalamakki' tete ri Isa Almasi Batarata. Iami Allata'ala Mala'birika, Malompoa, Makoasaya, kammayatompa Magassinga battu riolo sa'genna kamma-kamma anne kammayatompa sa'genna satunggu-tungguna! Aming.

YUDAS 1:25 ပူးပေါင်းရင်းမြစ်များ

1 PATTOTTORANG 29:11

Malompo tojengKi' siagang makoasaKi'. Mala'birikKi', kabarra-barraKi', siagang ri Kattemi kalompoanga. Sikontu apa-apa niaka ri langi' siagang ri buttaya iKatte ngaseng pata, iKatte Karaeng Lompo, makoasaya mae ri sikontu-kontuna.

PAMMUJI 104:24

Tamaka jaina bate paretTa, o, Batara, yangasenna Kipa'jari lanri bajitTa; rassi buttaya siagang bate paretTa.

PAMMUJI 147:5

Tamaka lompona siagang heba'Na Batarata, kacara'dekanNa tenanjorenganna.

PAMMUJI 78:20

Memang Natunrungi moncong batu kassaka, sa'genna assolong sarring je'neka. Mingka maka lakkulle tongi Napasadiang roti siagang Nasare dageng umma'Na?”

YESAYA 12:2

Tojeng, anjo Allata'ala Mappasalamakku, inakke tappaka' mae ri Ia. Tena kumalla', saba' Napakajarreka'. Mappasalamakku iamintu Allata'ala, makkelonga' mae ri Ia.

YESAYA 45:21

Pamajumi parkaranu, paridallekammi butti-buttina, iyo, boli'mi kamma appare' ke'nanga passitujuang. Inaika angkabarrangi anjo passalaka siagang le'ba' ampaui baku' battu riolo iji? Sai iNakke, Bataraya? Tena allata'ala pantaranganna iNakke. INakkemi Allata'ala adeleka siagang Mappasalamaka, tena maraeng pantaranganna iNakke!

DANIEL 4:37

Jari kamma-kamma anne, inakke Nebukadnezar, kupuji, kupakatinggi siagang kupakala'biriki Karaenga ri Suruga. Sikontu Nagaukanga annabai siagang adeleki, siagang akkullei Napakatuna tau tampoa panggaukanna.

MATIUS 6:13

TeaKi' balang parekangi ikambe nibeta ri paccobaya passangalinna Kipakabellai ikambe battu ri maja'dalaka [IKattemi Karaeng makoasaya siagang kaminang mala'birika satunggu-tungguna. Aming!]’

LUKAS 1:47

nama'rannu-rannu nyawaku kalanri Allata'ala Mappasalamakku.

YOHANES 4:22

Ikau ngaseng tu Samariaya, apa-apa tenaya nuassengi nualle nusomba. Mingka ikatte tu Yahudia, anynyombaki' mae ri Allata'ala niassenga, nasaba' battu lalangi ri tu Yahudia lammumba kasalamakkanga.

YOHANES 5:44

Antekammako lakkulle tappa' punna erokko nipalece ri parannu tau, mingka taerokako a'boya pammuji battu ri Allata'ala Tenaya Ruanna?

ROMA 11:33

Teai sipato' heba'na kakalumanynyanganNa Allata'ala! Teai sipato' tinggina kacara'dekanNa siagang pangngamaseanNa! Maka inai akkulle ampappilajari sikamma apa le'baka Napattantu? Maka inai akkulle ampahangi cara-caraNa anjama?

ROMA 11:36

Allata'ala ampa'niaki sikontu apa-apa niaka. Sikontu apa-apaya battu ri Allata'ala kabusuki assala'na siagang untu' Allata'ala kabusu'. Nipujimi Allata'ala sa'genna satunggu-tungguna! Aming.

ROMA 16:27

Iami Allata'ala tenaya ruanna, kaminang bajika siagang annabaya. Poro Iami nipakalompo sa'genna satunggu-tungguna, lalang ri Isa Almasi! Aming! Sallangku, Paulus, atanNa Isa Almasi

EFESUS 1:8

Teai sipato' lompona pangngarimangnginNa Allata'ala, le'baka Napa'laboang mae ri katte situru' kabajikang siagang pangngassengang.

EFESUS 3:10

PattujunNa Allata'ala iamintu sollanna tete ri jama'aka kamma-kamma anne, akkullemi naasseng sikontu tau anna'galaka koasa ri lino, antekamma pangngassenganNa Allata'ala ilalang sikontu apa Nagaukanga.

EFESUS 3:21

Poro nipakala'biri'mi Allata'ala sa'genna a'lapi'-lapisi' sossorang lalang ri jama'aka, tete ri Isa Almasi. Nipujimi Allata'ala satunggu-tungguna! Aming.

1 TIMOTIUS 1:17

Siratangi nipakalompo siagang tuli nipuji Allata'ala, Karaenna sikontu jammanga, lanri Iami mannannungang, tenaya nakacinikang siagang tenaya ruanna! Aming.

1 TIMOTIUS 2:3

Iaminjo kammaya baji' siagang akkullea ampakasannangi atinNa Allata'ala, Batara Mappasalamatta.

TITUS 2:10

yareka a'lukka'. Parallui tuli napappicinikang sipa' baji'na siagang tamamminrana ke'nanga; sollanna akkulle napuji taua pangngajarang battua ri Allata'ala, Mappasalamatta, lanri yangasenna anjo apa nagaukanga ke'nanga.

TITUS 2:13

Kamma-kamma anne nitayammi anjo Allo niminasaya; anjo Alloa lanacini'mi bonena linoa kala'biranNa Isa Almasi, iamintu Allata'ala Kaminang Lompoa siagang Karaeng Mappasalamatta.

TITUS 3:4

Mingka Napappicinikang maki' pangngamaseanNa siagang kabajikang pa'mai'Na Allata'ala Mappasalamatta.

IBRANI 13:8

Tuli kammana Isa Almasi, baji' na riolo, kamma-kamma anne, siagang sa'genna satunggu-tungguna.

1 PETRUS 4:11

Inai-nai appabattu biritta, musti napabattui biritta battua ri Allata'ala; inai allayani ri paranna tau, musti allayani situru' kagassingang battua ri Allata'ala; sollanna ilalang yangaseng-ngasenna, akkullemi nipakala'biri' Allata'ala tete ri Isa Almasi. Iami Makoasa siagang siratanga nipakala'biri' sa'genna satunggu-tungguna. Aming.

2 PETRUS 1:1

Natarimai sikamma sari'battangku, le'bakamo anggappa katappakkang sangkammaya baji'na katappakkanna ikambe. Le'ba' maki' Nasare katappakkang Isa Almasi, Iamintu Allata'ala siagang Karaeng Mappasalamatta, lanri Nagaukanna apa annabaya. Anne suraka battu ri nakke, iamintu Simon Petrus, atanNa siagang tunisuroNa Isa Almasi.

2 PETRUS 3:18

Poro pila' nukasia' lalo passare lammoro'Na Batara, Karaeng Mappasalamatta iamintu Isa Almasi, siagang poro pila' tappa' laloko mae ri Ia. Poro Iami nipuji, ri kamma-kammaya anne sa'genna satunggu-tungguna! Aming. Sallangku, Petrus

PAPPICINI' 1:6

Nampa Napa'jariki' se're bansa imang-imang, allayania mae ri Allata'ala, ManggeNa. Iaminjo Isa Almasi malompoa siagang makoasaya sa'genna satunggu-tungguna. Aming!