YOSUA 9:22 - KITTA' MATANGKASA'

²² Nampa nikio'mo ri Yosua anjo sikamma tu Gibeon. Nakana Yosua ri ke'nanga, “Angngapa nuballe-ballei ikambe na nukana bella sikali pa'rasangannu, nampa anrinniji padeng?

YOSUA 9:22 ပူးပေါင်းရင်းမြစ်များ

PA'JARIANG 29:25

Nampami ammukona bari'basa' nanaasseng Yakub angkanaya Lea anjo nabuntingia. Mangemi Yakub ri Laban na nakana, “Angngapa nakipakamma' anjo purina? Sai anjama' untu' ikatte sollanna kugappa Rahel? Angngapa kiballe-balleia?”

2 KORINTUS 11:3

Mingka ranggaselai pa'maikku, gassingka nigodai pikkirannu sa'genna tenamo nujarre' ri janjinnu mae ri Almasi. Sangkamma todong Hawa riolo, nigoda tongi ri kacara'dekanna ularaka.

YOSUA 9:16

Mingka nampami a'nassa, iamintu ri makatalluna allo ri baku' le'ba'na nipare' anjo parjanjianga, battumi tu Israel mange ri kota-kota Gibeon, Kefira, Beerot siagang Kiryat-Yearim ri daerana anjo tau naaganga le'ba' appare' parjanjiang. Nampami kaassengang angkanaya tenaja nabella pammantanganna ke'nanga battu ri Gilgal.

YOSUA 9:3

Mingka anjo tu Gibeon battua ri bansa Hewi le'ba'mi nalangngere' apa le'baka nagaukang Yosua mae ri kota Yerikho siagang Ai.

YOSUA 9:6

Kammaminjo kaadaanna ke'nanga na'lampa mange ri Yosua niaka ri pakkemaang ri Gilgal. Nampa nakana ke'nanga mae ri Yosua siagang tu Israel, “Ikambe anne battui ri pa'rasangang bellaya, ero' appare' parjanjiang siagang ikatte ngaseng karaeng.”