YOSUA 9:15 - KITTA' MATANGKASA'

¹⁵ Appare'mi Yosua parjanjiang passari'battangang siagang anjo tu Gibeon, siagang a'janjimi angkanaya tena nalanabuno ke'nanga. Kammayatompa sikamma pamimpinna umma' Israel, assumpa tommi angkanaya lanarupai anjo parjanjianga.

YOSUA 9:15 ပူးပေါင်းရင်းမြစ်များ

2 SAMUEL 21:2

(Anjo tu Gibeon teai tu Israel; anjo ke'nanga golongang ca'di lalang ri tu Amori. Le'baki a'janji tu Israel angkanaya lanala'langngi ke'nanga, mingka Saul eroki naputta ke'nanga lanri nanawa-nawana kaparalluanna tu Israel siagang tu Yehuda.) Nampa nakio'mo Daud anjo tu Gibeon,

KALAPPASSANG 23:32

Teako appareki parjanjiang siagang anjo taua yareka siagang rewata-rewatana ke'nanga.

YOSUA 10:1

Nalangngere' kabara'mi Adoni-Zedek, iamintu karaenga ri Yerusalem, angkanaya le'ba'mi nabeta siagang naancuru' taba sikali Yosua kota Ai, kammayatompa nabunoi karaenna sangkamma le'baka nagaukang mae ri Yerikho siagang karaenna. Nalangngere' tommi kabara'na angkanaya le'ba'mi tu Gibeon appare' parjanjiang passari'battangngang siagang tu Israel kammayatompa ammantammi ri tangnga-tangngana ke'nanga.

YOSUA 10:4

“Maeko nanubantua' ambunduki Gibeon, nasaba' le'ba'mi taunna appare' parjanjiang passari'battangngang siagang Yosua na tu Israel.”

YOSUA 11:19

Battu ri sikontu kota-kota niaka ri anjo daeraya, tena manna se're kota appare' parjanjiang passari'battangang siagang tu Israel, pantaranganna Gibeon, kotana bansa Hewi. Sikontu kota maraenga nibetai lalang pa'bundukang.

YOSUA 9:16

Mingka nampami a'nassa, iamintu ri makatalluna allo ri baku' le'ba'na nipare' anjo parjanjianga, battumi tu Israel mange ri kota-kota Gibeon, Kefira, Beerot siagang Kiryat-Yearim ri daerana anjo tau naaganga le'ba' appare' parjanjiang. Nampami kaassengang angkanaya tenaja nabella pammantanganna ke'nanga battu ri Gilgal.