YOSUA 8:27 - KITTA' MATANGKASA'

²⁷ Sikamma olo'-oloka siagang barang-barang niallea ri anjo kotaya, naallei tu Israel a'jari barang-baranna, situru' apa Napaua Batara mae ri Yosua.

YOSUA 8:27 ပူးပေါင်းရင်းမြစ်များ

PAMMUJI 50:10

saba' sikontu olo'-olo' niaka ri romang iNakke ngaseng pata, siagang olo'-olo' piara niaka ri assa'bu-sa'bua moncong.

PAMMILANGNGANG 31:22

Sikontu apa-apa attahanga ri pepe', kammayami bulaeng, pera', tambaga, bassi, tima kebo' siagang tima le'leng, musti nitangkasi ngasengi lalang ri pepeka. Nampa musti nitangkasi todong sikontu anjo barang-barang kammaya siagang je'ne' upacara pannangkasi sollanna tenamo nara'masa'. Sikontu barang maraengannaya, ia tenaya nattahang ri pepe', musti nitangkasi siagang je'ne' upacara pannangkasi.

PAMMILANGNGANG 31:26

“Ikau siagang Imang Eleazar, siagang ngaseng sikamma pamimping umma' Israel maraengannaya, musti nurekengi sikontu anjo barang-barang le'baka nurampasa', kammayatompa sikamma tunitahanga siagang olo'-oloka.

MATIUS 20:15

Apa takkullea' angngatoroki pa'barang-barangangku situru' apa nakaerokia nyawaku? Yareka assereatiko lanri lammoro' pa'maikka'?’ ”

PAOLE 3:7

Olo'-olo'na ke'nanga niallei siagang kota-kotana ke'nanga nirampasaki.

YOSUA 11:4

Na battu ngasemmo anjo sikammaya karaeng siagang massing tantarana ke'nanga ia sannaka jaina rapang kassika ri biring tamparanga. Manna jaranna siagang kareta pa'bundukanna ke'nanga sanna todong jaina.

YOSUA 8:2

Ai siagang karaenna nupareki nupasangkamma Yerikho siagang karaenna riolo. Mingka kamma-kamma anne, akkullei nualle barang-baranna siagang olo'-olo'na untu' nukammai. Sadia-sadia mako untu' ambunduki silalonnai anjo kotaya battu ri boko.”

YOSUA 8:28

Natunumi Yosua anjo kota Ai, nampa nalappassang a'jari rumbangngang sa'genna kamma-kamma anne.