YOSUA 8:19 - KITTA' MATANGKASA'

¹⁹ Kamma naangka'na limanna Yosua, ammenteng ngasemmi linta' anjo pasukang accokkoa nampa a'bakka antama' ri anjo kotaya, nampa naempoi. Natunu memanji ke'nanga anjo kotaya.

YOSUA 8:19 ပူးပေါင်းရင်းမြစ်များ

YOSUA 8:18

Nampa Nakanamo Batara ri Yosua, “Angkaki pokenu siagang pa'dalle' mangei matanna ri kota Ai; kamma-kamma anne Kupassareangi anjo kotaya mae ri kau.” Nagaukammi Yosua anjo apa Naparentakanga Batara.

YOSUA 8:2

Ai siagang karaenna nupareki nupasangkamma Yerikho siagang karaenna riolo. Mingka kamma-kamma anne, akkullei nualle barang-baranna siagang olo'-olo'na untu' nukammai. Sadia-sadia mako untu' ambunduki silalonnai anjo kotaya battu ri boko.”

YOSUA 8:20

Assailemi tu Ai mae ri boko, siagang nacini'mi ke'nanga umbua nai' ri langika. Nacini' tommi Yosua siagang pasukanna anjo umbua, siagang naassemmi ke'nanga angkanaya nipantamakkimi anjo kotaya ri anjo pasukang maraenga. Jari nagilimmi kalenna Yosua siagang pasukanna untu' a'bakka ambunduki siagang ambunoi tu Ai. Nampa battu tommi tu Israel niakamo anjoreng ri kota Ai amminawang ambunduki ke'nanga, sa'genna nilipummi tu Ai siagang tenamo kalappassanna untu' lari. Tena manna sitau ri ke'nanga ta'lappasa'; yangasenna nibuno ngasengi ri tu Israel,

HAKING-HAKING 20:33

Ri wattunna ammunduru' pasukang lomoro' se'rena tu Israel, na nasusung pole barisang pasukanna ri Baal-Tamar, anjo pasukanna ke'nanga niaka naboli' ri ampi'na Gibea, assulu'mi linta' battu ri paccokkoanna ke'nanga ri daera pantaranganna kotana.

HAKING-HAKING 20:37

Anjo sikamma tau accokkoa akkaro-karoi antama' nabunduki Gibea; nabagei kalenna ke'nanga ri kere-keremae lalang ri kotaya na nabuno sikontu tau niaka anjoreng.