YOSUA 7:26 - KITTA' MATANGKASA'

²⁶ Le'baki anjo natambungimi ke'nanga anjo tampaka siagang batu sannaka jaina, ia niaka ija anjoreng sa'genna anne alloa. Iaminjo saba'na naniarengija anjo tampa' Ka'bung Kasusaang. Nampa naummo larroNa Batara.

YOSUA 7:26 ပူးပေါင်းရင်းမြစ်များ

2 SAMUEL 18:17

Nampa niangka' maya'na Absalom siagang nipasambila antama' ri bungung lantanga lalang romang. Anjo bungunga natambungi ke'nanga siagang batu sa'genna tinggi. Sikontu pasukang Israel massing naerammi kalenna lari mange ri balla'na.

2 SAMUEL 21:14

Nampa nitarawang anjo buku-bukunna Saul siagang Yonatan kammayatompa buku-bukunna anjo tujua tau lalang ri jera'na Kish manggena Saul ri Zela ri daerana suku Benyamin. Ri le'ba'na ngasemmo nigaukang situru' parentana karaenga, niturukiammi pappala' doanna ke'nanga ri Allata'ala untu' anjo pa'rasanganga.

2 PATTOTTORANG 29:10

Kamma-kamma anne erokka' appare' parjanjiang siagang Batara, Allata'alana Israel, sollanna ammarimo larro mae ri katte.

EZRA 10:14

Kisaremi ising sikamma pamimpinna ikambe ammantang ri Yerusalem untu' angngurusuki anne passalaka. Nampa inai-nai tau niaka ri kotana ikambe, ia niaka bansa maraeng bainenna, musti battui ri allo nipattantua, siagang sikamma pamimping siagang sikamma hakinga massing ri kota-kotana. Lanri kammana anjo talalarroami pole Allata'ala mae ri katte lanri passabakkang anjo passalaka.”

PAMMUJI 85:4

Tenamo naKikalarroi ke'nanga; taKipa'jariami pangngalarroi lompoTa.

KALAPPASSANG 32:12

Punna Kiancuruki ke'nanga, lanakanamo tu Mesirka angkana Kipimpingi anjo bansaya assulu' battu ri Mesir sollanna akkulle Kibuno ke'nanga ri monconga siagang Kiancuru' taba sikali ke'nanga. TeaKi' appakammai, o Batara; Kipinra laloi anjo pattujunTa ero' ancilakai anjo bansaya.

YESAYA 40:2

Pakasannangi atinna tu Yerusalem, pauangi angkanaya lakala'busammi nipare' ata. Kupammopporammi salana, le'ba'mi Kuhukkung a'lappi rua sikamma dosana ke'nanga.”

YESAYA 65:10

UmmakKu lanynyombai ri Nakke; gimbala'na siagang sapina ke'nanga la'rukuki ri Lappara'na Saron siagang Ka'bung Akhor.

PIRAUNG 3:53

Napela' attallasaka' antama' ri bungung kalotoro' nampa natambungia' ke'nanga batu.

HOSEA 2:15

Koko-koko anggoro'na laKupoterangi mae ri ia, siagang Ka'bung Kasusaanga laKupinrai a'jari pakke'bu' panrannuang. Anjoreng lanaruppaiA' sangkamma ri wattu lolona, ri wattu beru assulu'na battu ri Mesir.

HOSEA 2:17

Tenamo nalaKupa'biang antappui arenna Baal, sa'genna nakaluppaimo taua anjo arenga.

YO"EL 2:13

Teako pakeannu nukae-kae mingka atinnu.” Assaile mako mae ri Karaeng Allata'alanu. Sarro sa'baraKi siagang lompo panynyayang lammoro' pa'maiKi na mangngamaseang. Nangai appamopporang siagang taNangaiyai anghukkunga.

YO"EL 2:18

Nampa Naparhatikang Batara buttaNa, siagang Nakamaseang umma'Na.

YUNUS 1:15

Nampa napasambila ke'nanga Yunus antama ri tamparanga. Apaji nammarimo bombanga a'jallo'.

ZAKHARIA 6:8

Nampa akkio' anjo malaekaka mae ri nakke angkana, “Anjo jarang a'lampaya mange ri Babel napanaummi larroNa Batara.”

PAMMILANGNGANG 25:8

nampa naondang anjo bura'nea siagang bainea antama' ri kemaya. Nampa nacoka anjo ruaya tau siagang anjo pokea. Sikali ammarimi anjo balaya ri tangnga-tangngana tu Israel.

PAOLE 13:17

Anjo sikamma barang-barang nitunraia takkulleai nuboli' untu' kaparalluang kalennu, mingka musti niancuru' taba sikali. Jari lanaummi larroNa Batara siagang laNapappicinikammi pangngamaseanNa mae ri kau. Lamalammoro' pa'maiki mae ri kau siagang laNapa'jariko bansa malompo, sangkamma Napa'janjianga mae ri boe-boenu,

PAOLE 13:18

assala' nuturuki sikamma parentaNa kupabattua mae ri kau anne alloa, siagang nugaukang sikontu apa Nakaerokia.”

YOSUA 10:27

Ri wattunna labumo alloa, situru' parentana Yosua, nipanaummi anjo sikamma mayaka nampa nipasambila antama ri anjo kali'bong batu le'baka napammantangngi ke'nanga accokko. Nampa nijempang siagang batu-batu lompo bawana anjo kali'bong batua. Sa'genna kamma-kamma anne nia' iji anjo batu-batua anjoreng.

YOSUA 7:24

Nampa nijakkala'mo anjo Akhan ri Yosua siagang ri sikontu tu Israel, siagang nierangi mange ri Ka'bung Kasusaang nipasierang siagang sikontu ana'na, olo'-olo' sapi, keledai, gimbala', kema, siagang sikontu apa-apa napatanga, kammayatompa anjo peraka, jubaya siagang bulaeng nalukkaka.

YOSUA 8:29

Karaenna anjo kotaya nagentungi ri se'reang benteng, nampa nalappassang ammantang anjoreng sa'genna karueng. Ri wattunna labu alloa, nasuromi Yosua taua angngallei anjo mayaka nampa napela' ri dallekang pakke'bu' lompona kotaya. Nampa nitambungi anjo tampaka siagang jai sikali batu. Anjo batu-batua nia' iji anjoreng sa'genna kamma-kamma anne.