YOSUA 7:20 - KITTA' MATANGKASA'

²⁰ Nakanamo Akhan, “Kammatojengi, le'ba'ma' a'gau' dosa mae ri Batara, Allata'alana Israel. Iaminne kugaukanga:

YOSUA 7:20 ပူးပေါင်းရင်းမြစ်များ

PA'JARIANG 42:21

Nampa nakanamo massing para ia ke'nanga, “Kamma-kamma anne nihukkung maki' passabakkang salanta mae ri anditta pirangngalloang; appala' tulungi mingka tena nijampangi, manna nasessamo nicini'. Iaminjo saba'na nakianggappamo sessa ri kamma-kammaya anne.”

AYUB 33:27

Na lanakanamo ri dallekanna tau jaia, ‘Lompoi dosaku, lanri ja'dalaka kukana baji', mingka tena Nahukkunga' Allata'ala.’

AYUB 7:20

He Pajagaku, apaka rugiKi' lanri dosaku? Angngapa na inakke Kipare' pallio-lio ri panaTa? Battala' sikalika dosaku antujuKi'?

PAMMUJI 38:18

Punna a'biringa' tu'guru', tulusu' pa'risi'na kusa'ring.

KALAPPASSANG 10:16

Akkaro-karomi karaenga angkioki Musa siagang Harun nampa nakana, “Dorakama' mae ri Karaeng Allata'alanu siagang mae ri kau sipa'rua.

KALAPPASSANG 9:27

Nampa nakio'mi karaenga anjo Musa siagang Harun, na nakana, “Dorakama'. Batara annaba, inakke siagang ra'yakku a'gau' ja'dala'.

PAMMILANGNGANG 22:34

Appialimi Bileam angkana, “Dorakama'. Tena kuassengi angkana ikatte ammenteng ri tangngana aganga untu' anrompai ikambe. Mingka kamma-kamma anne, punna turu' ri panggappata tabajikai punna kupatulusuki anne pa'lampangku, lammoterekka'.”

MATIUS 26:9

Akkullei nibalukang ka'jala' anjo minynya'-minynyaka nampa nipassareang ballinna mae ri tau kasi-asia!”

MATIUS 27:4

Nakanamo ri ke'nanga, “Dorakama' kubalukangi tau tenaya salanna, sa'genna nihukkung mate!” Appialimi ke'nanga angkana, “Ikatte tena naparallu kijampangi; anjo urusannu kau!”

YOSUA 7:19

Nakanamo Yosua ri Akhan, “Na', mangakuimi siagang paumi silambusu'na anrinni ri dallekanNa Batara, Allata'alana Israel, apa le'baka nugaukang. Pauamma', teako cokkoi.”

YOSUA 7:21

Ri alla'na barang-barang niallea, nia' kucini' juba sanna' ga'gana, pare' Babilonia, pera' kira-kira nia' rua kilo battala'na, siagang bulaeng sipolong kira-kira la'bi sitangnga kilo battala'na. Ero' dudua' ri anjo barang-baranga, jari kuallemi siagang kucokkoi lalang ri buttaya ri kemaku; rawa dudui pera'na kuboli'.”

1 SAMUEL 15:24

Nalangngere'na anjo, mangakumi Saul ri Samuel, angkana, “Memang dorakama'. Kudakkaimi parentaNa Batara siagang takujampangiami pitunjutta bapa'. Mallaka' ri ana' buaku nakuturukiang pappala'na ke'nanga.

1 SAMUEL 15:30

Appialimi Saul angkana, “Dorakama'. Mingka kitulunga' bapa', ammotere' maki' siagang inakke sollangku akkulle assambayang ri Karaeng Allata'alata. Lalang kammana, kipakalompoma' ri dallekanna sikamma pamimpinna bansaku siagang ri dallekanna sikontu tu Israel.”