YOSUA 6:27 - KITTA' MATANGKASA'

²⁷ Nirurungangi Yosua ri Batara, siagang a'jari masahoroki arenna Yosua ri sikontu anjo pa'rasanganga.

YOSUA 6:27 ပူးပေါင်းရင်းမြစ်များ

PA'JARIANG 39:21

Mingka nitulungi Yusuf ri Batara, siagang tuli nikamaseangi. Sa'genna ningai ri kapala balla' tarungkua.

2 SAMUEL 7:9

Le'ba' mako Kururungang manna pole kemae lampanu, siagang sikontu musunnu le'ba'mi Kutumpasa' ri wattunnu a'bundu'. LaKupa'jariko masahoro' sangkamma pamimping-pamimping kaminang lompoa ri lino.

1 PATTOTTORANG 14:17

Jari masahoro'mi arenna Daud ri kere-keremae, siagang nipa'jari malla' ngasemmi anjo sikontu bansaya ri Batara mae ri Daud.

ESTER 9:4

Ri sikontu kakaraenganga naasseng ngasengi taua angkana anjo Mordekhai sanna' lompona pangaruna ri balla' karaenga siagang pila' lompomi koasana.

MATIUS 14:1

Anjo wattua, Herodes a'jari karaeng ri pa'rasangang Galilea. Nalangngere'mi Herodes kabara'Na Isa.

MATIUS 18:20

Nasaba' kemae nia' rua yareka tallu tau a'rappungang nasaba' iNakke, laniakKa' hadere' ri tangnga-tangngana ke'nanga.”

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

MATIUS 4:24

Tassiara'mi kabara'Na Isa mange ri pa'rasangang Siria, sa'genna pila' jaimi tau ambattui. Massing angngerammi ke'nanga tau garring. A'rupa-rupami tau garring siagang tau susa nierang mae ri Ia. Tau nisosoka ri setang, tau mate-mate jangang, tau peso', na maraengannaya, Naballei ngasemmi Isa sa'genna baji' memang silalonna.

PAOLE 31:6

Paralluko majarre' pa'mai' siagang barani! Teako mallakki mae ri ke'nanga! Karaeng Allata'alanu KalenNa lantulungko. Tena nalaNapassalasako siagang tena nalaNabokoiko.”

2 TIMOTIUS 4:17

Mingka Narurunganga' Batara. Nasarea' kagassingang sa'gengku akkulle ambirittakangi sikontu anjo Kabara' Bajika, sollanna akkulle nalangngere' ngaseng bansa-bansa maraenga. Siagang ta'lappasa'ma' battu ri bahayana kamateanga.

2 TIMOTIUS 4:22

Poro nirurungangko ri Batara. Poro nibarakkaki ngasengko ri Batara! Sallangku, Paulus

YOSUA 1:5

Manna sitau tania' lakkulle ambetako, Yosua, lalang tallasa'nu. Nasaba' iNakke latuli anrurungangko ri sa'rinnu sangkamma riolo iNakke anrurungangi Musa ri sa'rinna. Tena nalaKubokoiko.

YOSUA 1:9

U'rangi, angkanaya le'ba'mi Kuparentakang mae ri kau sollannu tappa' tojeng-tojeng siagang barani! Teako mallakki yareka teako naungi sumanga'nu, nasaba' iNakke Karaeng Allata'alanu anrurungangko ri sa'rinnu, manna pole kemae lampanu.”

YOSUA 9:1

Tassiaraki anjo kabara'-kabara' pammetanna tu Israel sa'genna mae ri sikontu karaeng niaka ilaukanna Binanga Yordan, iamintu niaka ri daera pa'monconganga, ri bangkenna monconga, ri lappara' a'la'bua ri birinna Tamparang Tangngaya sa'genna mange ri Moncong Libanon bellana ri bageang wara'; kammayatompa karaeng-karaeng tu Het, tu Amori, tu Kanaan, tu Feris, tu Hewi siagang karaenna tu Yebus.

YOSUA 9:3

Mingka anjo tu Gibeon battua ri bansa Hewi le'ba'mi nalangngere' apa le'baka nagaukang Yosua mae ri kota Yerikho siagang Ai.

YOSUA 9:9

Appialimi ke'nanga angkana, “Battu ri pa'rasangang bella dudui ikambe karaeng, lanri nalangngere'namo ikambe ri passala'na Karaeng Allata'ala kisombaya. Nalangngere'mi ikambe sikontu apa Nagaukanga ri Mesir,

1 SAMUEL 18:14

Nakullemi nagaukang anjo sikontu tugasa'na, lanri nitulungi ri Batara.

1 SAMUEL 2:30

INakke, Karaeng Allata'alana Israel, riolo le'ba'Ma' a'janji angkanaya kaluarganu siagang turungannu la'jari palayang mae ri Nakke, salaku imang sa'genna satunggu-tungguna. Mingka kamma-kamma anne tenamo naKuero' ri anjo kammaya! Nasaba' inai-nai ampakala'biriKa' iami laKupakala'biri', na inai-nai anghina' iami laKuhina.