YOSUA 6:25 - KITTA' MATANGKASA'

²⁵ Mingka anjo Rahab siagang sikontu bija pammanakanna nilappassangi attallasa' ri Yosua, lanri le'ba'na nabantu anjo ruaya mata-mata nasuro Yosua mange ri Yerikho. (Sa'genna anne alloa nia' ija jari-jarina Rahab ri Israel.)

YOSUA 6:25 ပူးပေါင်းရင်းမြစ်များ

LAMPA-LAMPANA 2:21

Anjo wattua, inai-nai akkio' mae ri Batara iami lanipasalama'.’

IBRANI 11:31

Lanri tappa'na todong, natanibunoa todong anjo baine pasundala' niarenga Rahab, siagang sikamma tau angngewayai Allata'ala; nasaba' natarima bajiki mata-matana tu Israelka.

YAKOBUS 2:25

Cini' tongi anjo Rahab, iamintu baine pasundalaka. Nitarima bajiki ri Allata'ala lanri panggaukanna, iamintu ri wattunna natarima ri balla'na mata-matana bansa Israelka siagang natulunna ke'nanga lari ri oloang maraenga.

YOSUA 2:1

Nampa battu ri pakkemaanga ri Sitim, nasuromi Yosua rua mata-mata a'lampa mange ri Kanaan. Naparentakangi anjo ruaya tau untu' accokko-cokko ansalidiki Kanaan, lomoro' se'rea iamintu kota Yerikho. Jari a'lampami ke'nanga mange ri anjo kotaya, nampa a'bangngi ri se'reang balla' baine pagau' bawang, niarenga Rahab.

YOSUA 2:18

Mingka ia anne musti nugaukang. Punna battu sallang ikambe ambunduki pa'rasangannu, parallui anne otere' ejaya nupasikko' ri anne jandelaya, tampa'nu ampanaungi kambe. Anrong manggenu, sikamma sari'battannu, sikontu bija pammanakanna manggenu, parallui nupasse're anrinni ri balla'nu.

YOSUA 2:4

Appialimi Rahab angkana, “Memang nia' tau battu mae ri ballakku, mingka tena nakuassengi angkana battu kemaei ke'nanga. A'lampami sumpaeng ke'nanga ri wattu appakaramulana sassanga ri tenanapa nike'buki pakke'bu' lompona kotaya. Nampa tena nakukuta'nangi ke'nanga angkana la'lampa kemaei ke'nanga; mingka punna niondangi linta', akkulle iji kapang nirapi' ke'nanga.” (Nampa sitojenna le'baki nacokko Rahab anjo ruaya mata-mata irawanganna raramea ri pammakkang balla'na.)

YOSUA 4:9

Anjoreng ri tangnga-tangngana anjo Binanga Yordan, nasusummi Yosua anjo sampuloa anrua batu, ri tampa' pammentenganna le'ba' sikamma imang ambulekai anjo Patti Parjanjianga. (Anjo batu-batua nia' iji anjoreng sa'genna kamma-kamma anne.)