YOSUA 6:23 - KITTA' MATANGKASA'

²³ Jari a'lampami anjo ruaya mata-mata, nampa naerang assulu' Rahab siagang anrong manggena, sikamma sari'battanna, kammayatompa bija pammanakanna maraenga. Anjo sikontu kaluargana Rahab siagang sikamma atanna nierangi assulu' mange ri tampa' amanga ri ampi'na pakkemaanna tu Israel.

YOSUA 6:23 ပူးပေါင်းရင်းမြစ်များ

PA'JARIANG 12:2

LaKusareko bija majai, siagang laKupa'jari ke'nanga bansa lompo ri lino. LaKubarakkakiko siagang laKupa'jari masahoroki arennu, sa'gennu la'jari barakka'.

PA'JARIANG 18:24

Ebara' angkana nia' limampulo tau tena salana lalang ri anjo kotaya, maka tena taKipanrakina anjo kotaya Karaeng? Maka takkulleai Kipammopporang sollanna akkulle salama' anjo tau limampuloa?

PA'JARIANG 19:29

Kammaminjo kajarianna ri wattunna Napanraki Allata'ala anjo kota-kotaya, ri lappara' napammantangia Lot. Angngu'rangi Allata'ala ri Abraham, sa'genna natulummo Lot ampilari anjo tampaka.

PAMMILANGNGANG 31:19

Nampa ikau sikamma le'baka ammuno tau yareka anseroi mayaka, musti ammantangko ri pantaranganna kemaya lalang tuju allo sallona. Ri allo makatallu siagang makatujua, ikau ngaseng siagang sikontu anjo baine nutahanga musti nugaukangi upacara pannangkasi kalea.

LAMPA-LAMPANA 10:28

Le'baki anjo nakanamo ri ke'nanga, “Nuasseng ngasenji sari'battang, angkanaya situru' ajarang agamana tu Yahudia, tanipa'biangai ke'nanga angkunjungi balla'na bansa maraenga, yareka assileo' siagang bansa maraenga. Mingka le'ba'ma' Napabattuang Allata'ala, angkanaya takkulleai kucini' ra'masa' yareka harang tau maraenga.

LAMPA-LAMPANA 27:24

Nakana anjo malaekaka, ‘Teako mallakki Paulus! Nasaba' lamangeko andallekang ri Karaenga ri Roma. Lanri kabajikanNa Allata'ala mae ri kau, nasikontu anne tau nuaganga assombala', lanipasalama' ngasengi passabakkang ikau.’

1 KORINTUS 5:12

Memang, teai urusangku angngadeli tau tenaya na Karisteng. KalenNa Allata'ala langngadeli ke'nanga. Mingka ri sesena anggota-anggota jama'aka, sai musti kalenna tonji jama'aka angngadeli ke'nanga? Nia' tattulisi' lalang ri Kittaka angkanaya, “Bongkai tau ja'dalaka battu ri alla'nu.”

EFESUS 2:12

Anjo wattua tena nusse're siagang Almasi; a'jariko tau maraeng, tenaya nantama' ri umma' Napilea Allata'ala. Tena nuntama' ri janji le'baka Napare' Allata'ala siagang umma'Na. Tena panrannuannu siagang tena Allata'alanu ammantang ri anne linoa.

IBRANI 11:31

Lanri tappa'na todong, natanibunoa todong anjo baine pasundala' niarenga Rahab, siagang sikamma tau angngewayai Allata'ala; nasaba' natarima bajiki mata-matana tu Israelka.

IBRANI 11:7

Lanri tappa'na nanatarimamo Nuh pappakainga' Napassareanga Allata'ala mae ri ia; iamintu passala'na apa-apa lakajarianga tenaya nakkulle nacini' Nuh. Naturukimi Nuh kananNa Allata'ala. Jari appare'mi se're biseang lompo. Nama'nassa iaminjo biseang lompoa ampasalamaki kalenna siagang pole sikamma ana'na siagang tubai'-bainena. Jari nihukkummi linoa, mingka Nuh nipattojemmi ri Allata'ala nikana tau baji' lanri tappa'na.

YOSUA 2:16

Nakanamo Rahab ri ke'nanga, “A'lampako mange ri daera pa'monconganga, sollanna tena nijakkalakko ri tau nasuroa karaenga. Accokkoko anjoreng sa'genna tallungallo; punna ammotere'mo ke'nanga nampa mako akkulle ampannarrusuki lampanu.”

YOSUA 2:18

Mingka ia anne musti nugaukang. Punna battu sallang ikambe ambunduki pa'rasangannu, parallui anne otere' ejaya nupasikko' ri anne jandelaya, tampa'nu ampanaungi kambe. Anrong manggenu, sikamma sari'battannu, sikontu bija pammanakanna manggenu, parallui nupasse're anrinni ri balla'nu.

HAKING-HAKING 1:25

Nipaccinikkammi ke'nanga ri anjo taua agang antamaya ri anjo kotaya. Antama'mi tu Efraim siagang tu Manasye ri anjo kotaya. Na nabuno ngasemmo tuma'buttana, pantarangang anjo taua sumpaeng siagang bija pammanakanna.