YOSUA 6:18 - KITTA' MATANGKASA'

¹⁸ Takkulleako angngalle apa-apa battu ri anjo sikontu apa mustia niancuru'. Punna nuallei, lanitujui pakkemaanna Israel siagang cilaka na bala.

YOSUA 6:18 ပူးပေါင်းရင်းမြစ်များ

2 SAMUEL 21:1

Ri wattu ammarentana Daud, le'baki naalle cipuru' lompo taua tallun taung sallona. Nampa appala'mo pangngunju' Daud mae ri Batara lanri anjo passalaka, na Nakanamo Batara, “Anjo bala kacipuranga passabakkang kasalanna Saul siagang kaluargana, iamintu lanri nabunona tu Gibeon.”

KATO'BA 9:18

A'matu-matuangngangi kacara'dekanga kala sanjataya, mingka silisere' tai balao anra'massi je'ne' sigumbang.

YUNUS 1:12

Appialimi Yunus angkana, “Buanga' antama ri tamparanga, ma'nassa lammari anging lompoa. Nasaba' kamma-kamma anne kuassemmi angkanaya passabakkang inakke nanatuju ngasengko anne bombang lompoa.”

ROMA 12:9

Angngamaseangko siagang ci'nong pa'mai'. Musti nukabirisi gau' ja'dalaka, siagang anna'gala' jarrekko mae ri apa-apa bajika.

2 KORINTUS 6:17

Lanri kammana, bokoimi anjo tau tenaya namangngasseng ri Allata'ala, siagang pakabellami kalennu battu ri ke'nanga. Tea' laloko sikarapiki siagang apa-apa ra'masaka, nampa Kutarimako mae ri KalengKu.

EFESUS 5:11

Teako katuru'-turukangi ri taua anggaukangi gau'-gau' tenaya matu-matunna nagaukanga tau ammantanga lalang ri kasassanganga. Passangalinna parallui nusolarri gau'-gau' kammaya anjo. (

PAOLE 13:17

Anjo sikamma barang-barang nitunraia takkulleai nuboli' untu' kaparalluang kalennu, mingka musti niancuru' taba sikali. Jari lanaummi larroNa Batara siagang laNapappicinikammi pangngamaseanNa mae ri kau. Lamalammoro' pa'maiki mae ri kau siagang laNapa'jariko bansa malompo, sangkamma Napa'janjianga mae ri boe-boenu,

PAOLE 23:10

Punna nia' tau a'jari ra'masa' lanri assulu'na je'ne' kebo' katauanna ri wattunna tinro, musti nabokoi kemaya nampa pantara' ammantang.

PAOLE 7:26

Teako ammoliki patung barhala lalang balla'nu, sollanna anjo pattunra antujuai tena natuju tongko. Anjo apa kammaya musti numusui siagang musti nupakatunai, lanri nitunrai ri Batara.”

YAKOBUS 1:27

Tutu situlusu'na siagang sitojennaya ri agamaya situru' paccini'Na Allata'ala, iamintu annulunga ana'-ana' kukang siagang janda-janda kasi-asi, kammayatompa mangngatutui ri kale sollanna tena nanipanraki ri anne linoa.

YOSUA 7:1

Le'ba'mi Naparentakang Batara mae ri umma' Israel angkanaya battu ri sikontu apa-apa mustia niancuru' ri Yerikho, tena sikali apa-apa akkulle nialle. Mingka anjo parentaya tena nanituruki. Nia' sitau bura'ne niareng Akhan andakkai anjo parentaya, sa'genna sanna' larroNa Batara mae ri umma' Israel. (Manggena Akhan niarengi Karmi siagang toana niarengi Zabdi, battu ri golongang bijanna Zerah lalang ri suku Yehuda.)

YOSUA 7:13

Kamma-kamma anne ambangungko nai' Yosua! Tangkasi umma' Israel siagang suroi ke'nanga ampasadiai kalenna untu' andallekang ri Nakke. Parentakangi mae ri ke'nanga sollanna sadia-sadia ammuko, saba' iNakke Karaeng Allata'alana Israel, laKupabattui anne mae ri ke'nanga angkanaya: ‘E, ikau ngaseng tu Israel! Anjo barang-barang Kuparentakanga mae ri kau sollanna nuancuruki, niaki sipa'gang ri kau. Lalang tenana nanupelaki anjo barang-baranga, tena nulattahang andallekangi musunnu!’

YOSUA 7:15

Nampa anjo tau nijo'joka siagang a'nyatami angkanaya ammoliki barang-barang anjo nipappisangkanga, musti nitunui sa'genna cappu' siagang sikamma kaluargana kammayatompa sikontu barang-barang napatanga; nasaba' iami anjo taua andakkai parjanjianga siagang le'baka anggaukangi kaja'dallang lompoa ri tangnga-tangngana umma' Israel.”

YOSUA 7:25

Nampa nakanamo Yosua mae ri Akhan, “Angngapa nuppabattu kasusaang mae ri katte ngaseng? Kamma-kamma anne lappabattui Batara kasusaang mae ri kau!” Jari Akhan siagang sikamma kaluargana nisambilaimi batu ri sikontu tu Israel sa'genna mate. Sikontu barang-baranna, kammayatompa barang-barang nalukkaka nitunu ngasemmi sa'genna cappu'.

1 YOHANES 5:21

Sikamma ana'-anakku, pakabellai kalennu battu ri sikamma barhalaya!