YOSUA 6:12 - KITTA' MATANGKASA'

^12-13 Ammukona ri bari'basa' dudua, ambangummi Yosua, nampa a'barrisi'mi makapinruanna sikamma imanga siagang tantaraya angnginroi anjo kotaya; susunna anjo barisanga sangkammai ri allo makase'rea: uru-uruna barisang pangawala' ri dallekang, nampa tujua patui' tarompe', nipinawang ri imang-imang a'buleka Patti Parjanjiang, nampa kala'busanna iamintu barisang pangawala' bageang ri bokoa. Lalang kammana anjo nipasa'ra turusmi tarompeka.

YOSUA 6:12 ပူးပေါင်းရင်းမြစ်များ

PA'JARIANG 22:3

Ammukona bari'basa', ammisa'-misa'mi kayu Abraham untu' lanapake angngerang koro'bang nampa nasikko' anjo kayua irate ri dongko'na keledaina. A'lampami siagang Ishak kammayatompa rua surona mange ri tampa' Napaua Allata'ala ri ia.

PAOLE 31:25

Ri wattunna le'ba'mo, nakanamo mae ri sikamma imang Lewi nisarea tugasa' untu' angngurusuki Patti Parjanjianga,

YOSUA 3:1

Ammukona, ambangung bari'basa' dudumi Yosua siagang sikontu umma' Israel, nampa nabokoi tampa' pakkemaanna ke'nanga ri Sitim, siagang a'lampa mange ri Binanga Yordan. Anjoreng akkemami ke'nanga siagang attayammi wattu untu' a'limbang.

YOSUA 6:11

Kammaminjo nanasuromo Yosua tantarana angngerangi Patti Parjanjianga angnginroi anjo kotaya sikali, nampa ammotere' mange ri pakkemaanna ke'nanga siagang a'bangngi anjoreng.

HAKING-HAKING 20:19

Ammukona bari'basa' a'lampami ke'nanga nampa akkema ri ampi'na kota Gibea.