YOSUA 24:26 - KITTA' MATANGKASA'

²⁶ Sikontu anjo hukkunga siagang paratorang-paratoranga natulisiki lalang ri Kitta' HukkunNa Allata'ala. Nampa angngalle se're batu lompo, na napaenteng irawanganna poko' kayu lompoa ri tampa' nisa'laka untu' Batara.

YOSUA 24:26 ပူးပေါင်းရင်းမြစ်များ

PA'JARIANG 31:45

Angngallemi Yakub se're batu nampa napaenteng untu' a'jari batu pangngu'rangi.

PA'JARIANG 35:4

Nampa napassareammo ke'nanga sikamma patung niaka ri ke'nanga mae ri Yakub, iamintu patung rewata tumaraenga. Kammayatompa anting-antinna ke'nanga napassareang ngaseng tommi. Yangasenna anjo barang-barang kammaya nalamungammi Yakub ri rawanganna poko' kayu lompoa ri ampi'na kota Sikhem.

PA'JARIANG 35:8

Anjoreng tommi mate Debora, iamintu baine angngurusukai Ribka. Nitarawammi ri rawanganna poko' kayu lompoa ri bageang timboranna anjo kotaya. Iaminjo saba'na naniareng anjo poko' kayua “Poko' Pangngarrukang”.

KALAPPASSANG 24:4

Le'baki anjo natulisi'mi Musa anjo sikontu parentaNa Batara. Ammukona ri bari'basaka, ambangummi se're tampa' pakkoro'bangngang siagang sampulo anrua batu napaenteng, ri bangkenna anjo monconga; tunggala' anjo batu nipaentenga nawakkeli kalase'renna sikamma suku Israel.

HAKING-HAKING 9:6

A'rappungammi sikontu tau ammantanga ri Sikhem siagang Bet-Milo. Nampa a'lampa ke'nanga mange ri poko' terpentin karamaka ri Sikhem. Anjoremmi niangka' Abimelekh ri ke'nanga a'jari karaeng.

1 SAMUEL 7:12

Le'baki anjo appaentemmi Samuel se're batu, ri pa'baeng-baenna Mizpa siagang Sen. Nakanamo, “Natulung maki' Batara siganna'na.” Nampa naareng anjo batua “Batu Pannulungang”.