YOSUA 24:13 - KITTA' MATANGKASA'

¹³ Anjo butta Kupassareanga mae ri kau ngaseng nutarimai natanukaresoi. Siagang anjo kota-kota Kupassareanga mae ri kau, teai ikau ambangungi. Mingka kamma-kamma anne ikaumi ammantang anjoreng, siagang ikau ngaseng tommi angkasiaki rappo anggoro'na siagang rappo zaitunna, nampa teai ikau allamungi.’ ”

YOSUA 24:13 ပူးပေါင်းရင်းမြစ်များ

KALAPPASSANG 6:8

Sikontu anjo pasanNa Batara napabattui Musa mae ri bansa Israel, mingka taerokai ke'nanga anjampangi Musa, lanri tappu' minasami ke'nanga napakamma anjo sessanamo ke'nanga nipare' ata.

PANGNGEBARANG 13:22

Tau bajika ammoliki warisi' kakalumanynyangngang mae ri ana' cucunna; kakalumanynyangnganna tau dorakaya niboliki untu' tau lambusuka ri tallasa'na.

PAOLE 19:1

“Punna le'ba'mo niancuru' anjo bansa-bansaya ri Karaeng Allata'alanu, siagang nipassareammi pa'rasanganna mae ri kau, kammayatompa punna nuallemo kota-kotana siagang sikamma balla'na nampa ammantangko anjoreng,

PAOLE 8:7

Karaeng Allata'alanu angngerangko mange ri pa'rasangang copponga buttana; pa'rasangang jaia binangana siagang timbuseng je'ne'na, niaka je'ne' a'lo'loro' rawanganna buttana, assolonga mae ri sikamma ka'bunga siagang buluka.

YOSUA 11:13

Mingka kota-kota nibangunga irate ri rumbangnganga, tena manna se're natunu tu Israel, pantaranganna kota Hazor nitunua ri kalenna Yosua.

YOSUA 21:45

Narupai sikamma janjinNa Batara mae ri umma' Israel; tena manna se're taNarupai.