YOSUA 23:15 - KITTA' MATANGKASA'

¹⁵ Mingka sangkamma NarupainNa ngaseng janjinNa mae ri kau, kamma tomminjo mattantuna laNagaukang ngaseng tongi panggaratta'Na mae ri kau.

YOSUA 23:15 ပူးပေါင်းရင်းမြစ်များ

1 KARAENG-KARAENG 14:15

laNahukkummi Batara tu Israel sa'genna sanrapang apa-apa ta'ronang-ronanga nianyukkang ri je'ne'. Lanipasuluki ra'ya' Israel ri Batara battu anrinni ri anne pa'rasangang bajika ia le'baka nipassareang ri boe-boena ke'nanga. Lanipatassia'-siaraki ke'nanga anta'leanna Binanga Efrat, lanri napabattuna ke'nanga larroNa Batara, iamintu lanri appare'na ke'nanga patung-patung rewata baine Asyera.

1 KARAENG-KARAENG 8:56

“Nipujimi Batara ia assareai kaamangngang umma'Na sangkamma le'baka Napa'janjiang tete ri Musa atanNa. Sikontu apa-apa baji' le'baka Napa'janjiang le'ba'mi Narupai.

YESAYA 24:6

Lanri kammana anjo Natunraimi Batara buttaya siagang Nahukkummi pandudu'na lanri panggaukanna ke'nanga. Nipa'jari ammutungi ke'nanga siagang sike'de' mami battu ri ke'nanga salama'.

YEREMIA 32:24

Le'ba'mi nabangung tu Babel tembo'-tembo' angkurungai attammulili kotaya untu' angngallei, na kamma-kamma anne a'bakkami ke'nanga. Pa'bundukang, kacipurang, siagang garring la'jari saba' ri anne kotaya natu'guru' mae ri limanna musua. Kiciniki angkanaya sikontu apa Kipaua a'rupa ngasemmi.

YEREMIA 32:42

Antekamma bateKu le'ba' appabattu bala mae ri anne bansaya, kammatommi anjo laKusarei ke'nanga sikontu apa baji' le'baka Kupa'janjiang mae ri ke'nanga.

YEREMIA 35:17

Lanri kammana anjo, naiNakke, Batara Kaminang Koasaya, iamintu Allata'alana Israel, lappabattuA' mae ri kau – tu Yehuda siagang Yerusalem – sikontu bala le'baka Kupattantu untu' ikau ngaseng, sangkamma le'baka Kupau. Anjo kammaya Kugaukangi lanri tenana nuero' mappilangngeri punna a'bicarA' mae ri kau, siagang lanri tenana nuero' appiali ri wattunnu Kukio'.”

KAIMANGNGANG 26:3

Punna nuturuki paratorang-paratorangKu siagang parenta-parentaKu lalang tallasa'nu,

1 TESALONIKA 2:16

Ba'lalo nahalang-halangimi ikambe untu' ambirittakangi mae ri bansa-bansa maraenga anjo biritta akkullea ampasalamaki ke'nanga. Lanri kammana, anjo tu Yahudia pila' tuli natambaimi dosa-dosana, sa'genna a'jari sukku'mo jaina dosana ke'nanga. Nakala'busanna, kamma-kamma anne nitujumi ke'nanga ri pangngalarroiNa Allata'ala.

HAKING-HAKING 13:1

Dorakami pole umma' Israel ri Batara jari nibalang parekangi ri Batara, na nikoasai ke'nanga ri tu Filistin, patampulo taung sallona.

HAKING-HAKING 3:12

Dorakami pole umma' Israel mae ri Batara. Sa'genna Napa'jari la'bi kassakangammo Batara karaeng battu ri Moab niarenga Eglon. La'bi kassakangammi na umma' Israel.

HAKING-HAKING 3:8

Jari larromi Batara mae ri umma' Israel. Nibalang parekammi ke'nanga nanibeta ri Karaeng Kusyan-Risyataim battua ri pa'rasangang Mesopotamia. Sagantuju taungi anjo karaenga angkoasai ke'nanga.

HAKING-HAKING 6:1

Sikalipi pole, dorakamiseng umma' Israel mae ri Batara. Sa'genna nibalang parekang ke'nanga nikoasai ri bansa Midian tuju taung sallona.