YOSUA 23:12 - KITTA' MATANGKASA'

¹² Punna tena namajarre' pa'mai'nu siagang punna assileokko siagang bansa-bansa niaka ija ammantang ri alla'nu, kammayatompa punna a'buntingko siagang ke'nanga,

YOSUA 23:12 ပူးပေါင်းရင်းမြစ်များ

PA'JARIANG 2:24

Iaminjo saba'na nanabokoi bura'nea anrong manggena, nampa a'jari se're siagang bainenna, na'jari se'remo anjo ruaya tau.

PA'JARIANG 34:3

Mingka sanna'mi ero'na ri Dina, sa'genna tu'guru' pangngai ri ia. Nausahaimi sollanna ero' todong anjo tuloloa ri kalenna.

1 KARAENG-KARAENG 11:2

Le'ba'mi Naparentakang Batara angkanaya takkulleai tu Israel assicampuru' a'bunting siagang anjo bansa-bansaya, nasaba' ke'nanga sallang a'jari passabakkang nanynyomba tu Israel mae ri rewata-rewata maraenganga. Mingka manna nakamma anjo, a'nikka tonjia Salomo siagang bai'-baine battu pantaraka.

1 KARAENG-KARAENG 11:4

sa'genna ri wattu toana akkullemi ninyonyo' ri ke'nanga anynyomba ri rewata-rewata maraenga. Daud, manggena Salomo, majarreki mae ri Batara, Allata'alana. Mingka Salomo tena nasangkamma manggena.

PAMMUJI 125:5

Mingka tau a'gau' jekkonga poro nihukkung laloi ri Batara siagang tau ja'dalaka. Poro salewangang lalo ummatTa!

PAMMUJI 36:3

Nakanai kalenna sanna' heba'na, sa'genna tanaassenga kasalanna, siagang tena nakabirisi.

YESAYA 1:4

Cilakako kau bansa dorakaya, tau panraka siagang ja'dalaka! Ta'loposo' ngaseng mako lanri dosa-dosanu. Nutollaki Batara siagang nubokoi Allata'ala Kaminang Matangkasaka, siratanga musti nusomba.

YEHEZKIEL 18:24

Mingka punna nia' tau baji' natenamo nagaukangi bajika, ba'lalo appakkaramulami nagaukang kaja'dallanga siagang sikontu panggaukang appakaringi' biasaya nigaukang ri tau ja'dalaka, maka lakkullei tuli attallasa'? Tena! Battu ri sikamma anjo panggaukang-panggaukang baji'na, tena manna se're laniu'rangi poleang. Lamatei lanri nagaukanna dosaya siagang lanri tenana namajarre' mae ri Nakke.

ZEFANYA 1:6

LaKupanraki ke'nanga tau tenaya nabattu mae ri Nakke yareka tenaya naero' Kururungang kammayatompa ma'bokoa mae ri Nakke siagang tenayamo naero' amminawang mae ri Nakke.”

MATIUS 12:45

Jari a'lampami pole nampa battu angngerang tuju roh ja'dala' maraeng, ja'dallanganga na ia. Nampa antama' ke'nanga ammantang ri kalenna anjo taua. Kale'bakkanna a'jari sannakkangammi kodina anjo taua na ri uru-uruna. Ia tomminjo lakajariang ri katallassanna taua ri anne jammanga.”

YOHANES 6:66

Pakkaramula anjo wattua jaimi ana'-ana' gurunNa a'lampa ambokoi, siagang taerokami pole amminawang ri Ia.

ROMA 12:9

Angngamaseangko siagang ci'nong pa'mai'. Musti nukabirisi gau' ja'dalaka, siagang anna'gala' jarrekko mae ri apa-apa bajika.

PAOLE 6:15

Punna anynyombako mae ri rewata-rewata maraenga, lanitujuko ri pangngalarroiNa Karaeng Allata'alanu siagang lanipanrakiko taba sikali, lanri anjo Karaeng Allata'alanu niaka ri tangnga-tangnganu taerokai nipasangkamma siagang apa-apa maraenganga.

PAOLE 7:3

Takkulleako a'bunting siagang ke'nanga, siagang teako pa'biangngi ana'-ana'nu a'bunting siagang ke'nanga,

PAOLE 7:4

sollanna tena nanipakabella ana'-ana'nu ri ke'nanga battu ri Batara, untu' anynyomba ri rewata-rewata maraenga. Punna anynyombako mae ri rewata-rewata maraenga, larroi Batara siagang laNaancuru' memangko silalonna.

YOSUA 23:11

Lanri kammana anjo, angngu'rangiko untu' mangngamaseang mae ri Karaeng Allata'alanu.

1 YOHANES 2:9

Inai-nai nakana kalenna niaki lalang ri singaraka mingka nakabirisi sari'battanna, ma'nassa niaki lalang ri sassanga sa'genna kamma-kamma anne.

HAKING-HAKING 14:3

Mingka nakanamo tau toana, “Angngapa numusti a'lampa a'boya baine ri tu Filistin, tu tenaya nantama ri golongang umma'Na Batara? Tenaka tulolo baji' lalang ri golonganta todong, yareka lalang ri bansata?” Appialimi Simson ri manggena, angkana, “Mingka kaiaminjo tulolo Filistin kukaeroki. Nakuminasai nakimangemo ampassuroanga'.”

HAKING-HAKING 3:6

A'bengkoro'mi umma' Israel a'bunting siagang anjo bansa-bansaya, siagang amminawang turu' anynyomba ri rewata-rewatana ke'nanga.