YOSUA 23:10 - KITTA' MATANGKASA'

¹⁰ Tunggala' taua battu ri kau akkullei nabeta tau assa'bua, nasaba' KalenNa Karaeng Allata'alanu a'bundu' untu' ikau, sangkamma le'baka Napa'janjiang.

YOSUA 23:10 ပူးပေါင်းရင်းမြစ်များ

2 SAMUEL 23:8

Iaminne areng-arenna perwira tantarana Daud ia masahoroka: Uru-urua iamintu Ishbaal, tu Hakhmoni, pamimpinna “Pa'gompoang Tallua”. Le'baki lalang se'reang pa'bundukang kale-kalenna angngewa sagantuju bilangngang tau nanabuno kabusu' anjo musunna siagang pokena.

1 PATTOTTORANG 5:20

Anjo tantaraya tappaki ri Allata'ala siagang appala' tulungi mae ri Ia, naniturukiang pappala'na ke'nanga iamintu nisarei pammetang ke'nanga mae ri anjo tu Hagri siagang agang-aganna.

PAMMUJI 35:1

Pammujina Daud. O, Batara, Kiewai tau angngewaya', Kibunduki tau ambundukia'.

PAMMUJI 46:7

A'gunturu'mi Allata'ala, na ancuru' taba sikali linoa; gegere'mi bansa-bansaya, runtummi sikamma karaenga.

KALAPPASSANG 14:14

KalenNa Batara la'bundu' untu' ikau, na ikau tena apa-apa parallu lanugaukang.”

YESAYA 30:17

Sisa'bu tau lalari nasitauja musu ambakkai, siagang limaji tau ambakkaiko nulari ngasemmo. Battu ri sikontu pasukannu se're mami benteng bandera ammenteng rate ri coppo' bulu'.

KAIMANGNGANG 26:7

Lakkullei nubeta musu-musunnu;

KAIMANGNGANG 26:8

poro lima bawang tau nakkulle nabeta musua sibilangngang siagang sibilangngang tau akkullei nabeta sampuloa sa'bu musu.

ZAKHARIA 12:8

Anjo alloa iNakke lalla'langngi pandudu'na Yerusalem; siagang manna kaminang lammaya ri alla'na ke'nanga la'jari kammai gassinna Daud. Laniului ke'nanga ri jari-jarina Daud sanrapang niulu ri malaekakKu, ba'lalo sanrapang KalengKu angngului.

ROMA 8:31

Apamo lanikana kamma-kamma anne ri passala' kammaya ngaseng anjo? Punna Narurungangki' Allata'ala, maka inai akkulle angngewaki'?

PAOLE 20:3

‘Sikamma sari'battangku, pilangngeri anne! Anne alloa erokko maju a'bundu'. Teako mallakki yareka teako ca'di pa'maikki, yareka teako lingui.

PAOLE 20:4

Karaeng Allata'alanu lamminawang untu' antulungko, siagang Ia lassareko pammetang.’

PAOLE 28:7

Punna nibundukiko, Batara lambetai musunnu. Bajiki batena angngatoroki pa'bakkana ke'nanga, mingka lari ke'nanga nipasimbung.

PAOLE 3:22

Teako mallakki mae ri ke'nanga, lanri Karaeng Allata'alanu labarjuang untu' ikau.”

PAOLE 32:20

Nakana, ‘Tena naKujampangi; ciniki mami apa lakajarianga. Nasaba' anjo bansaya kapala batui, tena sikali namajarre' pa'mai'na ke'nanga.

PAOLE 32:30

Kemae lakkulle sitau langngondang tau sisa'bu, siagang rua tau langngondang sampulo sa'bu tau? Batara, Allata'alana ke'nanga, le'ba' ambalukangi ke'nanga, nibokoimi ke'nanga ri Allata'ala malompoa.

YOSUA 10:42

Lalang sikali bawang pa'bundukang na nabeta ngaseng Yosua sikamma anjo karaenga siagang naalle daera-daera kakoasanna ke'nanga, lanri Batara, Allata'alana Israel a'bundu' untu' tu Israel.

YOSUA 23:11

Lanri kammana anjo, angngu'rangiko untu' mangngamaseang mae ri Karaeng Allata'alanu.

YOSUA 23:3

Le'ba'mi kucini' ngaseng sikontu apa Nagaukanga Karaeng Allata'alanu mae ri sikontu bansa niaka anrinni lanri untu' ikau ngaseng. KalenNa Karaeng Allata'alanu barjuang untu' ikau.

HAKING-HAKING 15:15

Nia'mo nabuntulu' se're buku gigi keledai, beru dudu iji. Narappummi anjo bukua, nampa napake a'jallo', ampalu-palui taua. Sa'genna nia' 1.000 tau mate nabuno.

HAKING-HAKING 3:31

Pamimping ri bokoangannaya iamintu niarenga Samgar, ana'na Anat. Barjuang tommi na nalappassang tu Israel. Nia' 600 tu Filistin nabuno. Natakkang pakkalawaki sapi bawang napake ambunoi anjo ke'nanga.

1 SAMUEL 14:6

Nakanamo Yonatan ri anjo turungkaya, “Umba kimange ri balla' jagana anjo tu Filistin kapereka. Gassingka ero'ji Batara antulungki'. Nasaba' akkullei Nasare Batara pammetang taua, baji' napunna jai tau kammayatompa lalang sike'de'na tau.”