YOSUA 22:5 - KITTA' MATANGKASA'

⁵ Siagang tutuko sollanna nukatutui hukkung naparentakanga Musa mae ri kau, iamintu: Mangngamaseangko mae ri Karaeng Allata'alanu, pinawangi ero'Na, turuki parenta-parentaNa, majarre' pa'maikko mae ri Ia, siagang pare' atai kalennu mae ri Ia lalang sikontu atinnu siagang sikontu nyawanu.”

YOSUA 22:5 ပူးပေါင်းရင်းမြစ်များ

PAMMUJI 106:3

Mate'nei tau mannurukia ri parenta-parentaNa, siagang tuli annabaya lalang tindakanna.

PAMMUJI 78:7

Lanri kammana anjo manrannuang tommi ke'nanga mae ri Allata'ala, tenamo nakaluppai panggaukanNa, mingka tuli mannuruki ri parentaNa,

KALAPPASSANG 15:26

Nakana Batara, “Mannuruki tojeng-tojeng mako mae ri Nakke, siagang gaukangi apa Kukanaya baji'; turuki sikamma parentaKu. Punna nugaukang anjo kammaya, tena nulaKuhukkung sangkamma garring le'baka Kupabattu mae ri tu Mesirka. INakkemi Batara ampamolleako.”

KALAPPASSANG 20:6

Mingka Kupappicinikangi pangngamaseangKu mae ri assa'bu-sa'bua jari-jarina tau mangngaia mae ri Nakke siagang mannurukia mae ri parentaKu.

KALAPPASSANG 23:13

Parhatikangi sikontu apa le'baka Kupau mae ri kau. Teako appakalompoi rewata-rewata maraeng, ba'lalo manna nutappua arenna tena todong nakkulle.”

KALAPPASSANG 23:25

Punna anynyombako ri Nakke, Karaeng Allata'alanu, laKubarakkakiko siagang kaparalluang kanrenu siagang inungannu, kammayatompa laKupakabellai sikontu garringa battu ri kau.

PANGNGEBARANG 4:23

Katutui bajiki atinnu, nasaba' atinnu ampattantui oloang tallasa'nu.

YESAYA 55:2

Untu' apa naniballi apa tenaya nappassukku' ri pa'mai', siagang nijama apa tenaya nabassori taua? Turukimi parentaKu, na nukanre apa bajika, siagang nukasia' kanre nyamang nipatalaya.

YEREMIA 12:16

Punna attojeng-tojeng pa'mai'na ke'nanga ero' antarimai agamana ummakKu siagang ero' assumpa angkana, ‘Lanri Batara mattallasaka,’ – sangkamma batena riolo ke'nanga angngajaraki ummakKu assumpa lanri Rewata Baal – la'jarimi ke'nanga golonganna ummakKu siagang la'jari kalumanynyangi ke'nanga.

MATIUS 22:37

Appialimi Isa Nakana, “Kamaseangi Karaeng Allata'alanu siagang sitepu atinnu, sitepu pa'mai'nu kammayatompa sitepu tallasa'nu.

MATIUS 4:10

Appialimi Isa Nakana, “A'lampako Billisi'! Nia' tattulisi' lalang ri Kittaka angkanaya: Sombai Batara, Allata'alanu, siagang Iaji bawang siratang tuli nupakala'biri'!”

MATIUS 6:24

“Takkulleai se'rea tau ampa'jari atai kalenna mae ri ruaya karaeng. Nasaba' nia' lanangai, nania' latanajampangia kananna. Yareka la'bi a'dakkikangngangi mae ri se'reanga na maraengannaya. Ikau kamma tommako anjo. Takkulleako lampa'jari atai kalennu mae ri Allata'ala, punna nupa'jari ata todong kalennu mae ri pa'barang-baranganga.

YOHANES 12:26

Inai-nai ero' a'jari palayang mae ri Nakke, musti amminawangi ri Nakke; sollanna kemae-kemae pammantangangKu akkulle tongi nia' palayangKu anrurungangA'. Inai-nai a'jari palayang ri Nakke, iami lanipakala'biri' ri ManggeKu.”

YOHANES 14:15

“Punna nukamaseangA', lanugaukangi sikontu parentaKu.

LAMPA-LAMPANA 11:23

Na ri wattunna battu Barnabas mange anjoreng, nacini'mi antekamma bateNa Allata'ala ambarakkaki ngasengi anjo taua. Sanna'mi rannuna Barnabas. Na napakainga'mo ke'nanga sollanna jarre' tojeng-tojeng tappa'na ke'nanga ri Batara.

LAMPA-LAMPANA 27:23

Nasaba' ri bangngia niaki malaeka'Na Allata'ala battu mae ri nakke, iamintu Allata'ala kusombaya, Allata'ala makoasaya mae ri kalengku.

ROMA 1:9

Punna appala' doanga' tuli kuu'ranginnu ngaseng. Allata'alami a'jari sa'bingku ma'nassana kammatojeng anne kukanaya. Iami Allata'ala kusombaya siagang sikontu pa'maikku, iamintu kupa'la'bangi Kabara' Bajika ri passala'na Ana'Na.

ROMA 12:9

Angngamaseangko siagang ci'nong pa'mai'. Musti nukabirisi gau' ja'dalaka, siagang anna'gala' jarrekko mae ri apa-apa bajika.

ROMA 8:28

Niassengi angkanaya Allata'ala ngaseng angngatoroki sikontu apa-apaya, sa'genna a'jari baji' mae ri sikamma tau angkamaseangai, iamintu sikamma tau Nakioka situru' ero' panggaukanNa.

PAOLE 10:20

Pakala'biriki Karaeng Allata'alanu, siagang Iaji bawang musti nusomba. Paralluko tuli majarre' pa'mai'nu mae ri Ia siagang lalang arenNa bawang nussumpa.

PAOLE 11:1

“Kamaseangi Karaeng Allata'alanu, siagang tuli mannurukiko ri sikontu parentaNa.

PAOLE 11:13

Jari turuki lalomi parenta-parenta kupabattua mae ri kau anne alloa; kamaseangi Karaeng Allata'alanu siagang gaukangi ibadanu mae ri Ia lalang sikontu batangkalennu siagang nyawanu.

PAOLE 11:22

Turuki siagang pa'mai' tamamminra sikontu hukkung kupabattua mae ri kau, iamintu: Kamaseangi Karaeng Allata'alanu, gaukangi sikontu apa Naparentakanga mae ri kau, siagang paralluko tuli tamamminra pa'mai' mae ri Ia.

PAOLE 13:4

Tau kammaya anjo musti nihukkung matei, lanri eroki ampasala oloangko battu ri oloang Naparentakanga Karaeng Allata'alanu mae ri kau. Anjo tau kammaya tau ja'dala', lanri nasuroko ambaliangi Karaeng Allata'alanu, Ia le'baka allappassangko battu ri Mesir, tampa' le'baka nupammantangngi nipare' ata. Jari musti nibunoi anjo tau kammaya, sollanna nipaccappu' anjo kaja'dallanga. Mingka ikau paralluko amminawang turu' ri Karaeng Allata'alanu siagang mappakala'biri' mae ri Ia; mannurukiko ri Ia siagang gaukangi sikontu parentaNa. Tuli majarre' pa'maikko ri Ia siagang nupare' ata kalennu mae ri Ia.

PAOLE 4:29

Nampa lanuboya Karaeng Allata'alanu; siagang punna attojeng-tojengko ri pa'mai'nu amboyai, lanugappai.

PAOLE 4:4

nampa ikau tuli majarreka tappa'na mae ri Karaeng Allata'alanu attallasa' ijako sa'genna kamma-kamma anne.

PAOLE 4:6

Majarrekko anggaukangi anjo kammaya. Punna nugaukang anjo kammaya, a'nyatami kacara'dekannu mae ri bansa-bansa maraenga. Punna nalangngereki ke'nanga ri passala'na anjo sikamma hukkunga, lanakana ke'nanga, ‘Teai sipato' cara'de'na siagang taranna ota'na anjo bansa lompoa!’

PAOLE 4:9

Parhatikangi siagang u'rangi baji'-baji', sollanna tena nanukaluppai apa le'baka nucini' kalennu lalang tallasa'nu. Caritai mae ri ana' cucunnu

PAOLE 5:10

Mingka Kupappicinikangi pangngamaseangKu mae ri assa'bu-sa'bua jari-jari ri tau mangngamaseanga ri Nakke siagang mannurukia ri parentaKu.

PAOLE 6:17

Turuki sikontu hukkung Napassareanga Karaeng Allata'alanu mae ri kau.

IBRANI 12:15

Jagai sollanna tena manna sitau ambokoi kabajikang pa'mai'Na Allata'ala; sollanna tena nania' a'jari sanrapang lamung-lamung niaka racunna ri tangnga-tangnganu sa'genna appa'nia' kasukkarang siagang jai tau napanraki siagang racunna.

YAKOBUS 1:12

Maupaki tau sa'baraka ri wattunna nataba paccoba. Nasaba' punna akkullemi attahang lalang ri anjo paccobaya, lanatarimami passawallanna, iamintu katallassang le'baka Napa'janjiang Allata'ala mae ri sikamma tau mangngamaseanga ri Ia.

YAKOBUS 2:5

U'rangi sikamma sari'battangku, sannaka kukarimangnginna! Ia tau nicini' kasi-asia ri anne linoa, iami nipilei ri Allata'ala untu' a'jari tu kalumanynyang lalang ri katappakkanga. Iaminjo tau kammaya la'jari Umma'Na Allata'ala situru' Napa'janjianga Allata'ala mae ri sikamma tau angkamaseangai.

YOSUA 23:8

Ba'lalo musti tuli tamamminrayai pa'mai'nu mae ri Batara, sangkamma le'bakamo nugaukang sa'genna kamma-kamma anne.

PAPPICINI' 15:3

Na nakelongammo ke'nanga kelong-kelonna Musa, atanNaya Allata'ala; kammayatompa kelong-kelonNa Ana' Gimbalaka. Kammaminne anjo kelong-kelonga, “Batara, Allata'ala Kaminang Koasaya, teai sipato' lompona siagang appakalannasa'na sikamma panggaukanTa! Karaenna sikontu bansaya, teai sipato' adele'na siagang annabana sikamma gautTa!

1 SAMUEL 12:20

Appialimi Samuel angkana, “Teako mallakki; manna pole le'ba'mi nugaukang anjo kaja'dallanga, teako a'bokoi battu ri Batara, passangalinna tuli anynyombako ri Ia situlusu'na atinnu.

1 SAMUEL 12:24

Pakala'biriki Batara, siagang anynyombako mae ri Ia siagang teako amminrai lalang sikontu atinnu. U'rangi sikamma panggaukang malompoNa, ia le'baka Nagaukang mae ri kau.

1 SAMUEL 7:3

Nakanamo Samuel ri umma' Israel, “Punna erokko ammotere' mae ri Batara siagang anynyomba ri Ia siagang sikontu atinnu, musti nupela' ngasengi sikontu rewata battu-battua siagang patunna Dewi Asytoret. Passareang tabasikali kalennu mae ri Batara, siagang anynyomba mako mae ri Ia bawang, na Nalappassangko battu ri tu Filistin.”