YOSUA 22:25 - KITTA' MATANGKASA'

²⁵ Ciniki, Napa'niaki anne Binanga Yordan ri tangnga-tangngata lanri untu' ampasisa'laki ikambe siagang ikau tu Ruben siagang tu Gad. Ma'nassa tena tojeng apa-apa passisambungannu siagang Batara.’ Jari apamo lakajariang sallang? Mattantu jari-jarinu sallang lanapammarimi jari-jarina ikambe untu' anggaukangi ibadaya mae ri Batara.

YOSUA 22:25 ပူးပေါင်းရင်းမြစ်များ

2 SAMUEL 20:1

Ri kota Gilgal nia' sitau apparicu niareng Seba. Anjo taua ana'na Bikri, battu ri suku Benyamin. Ri wattunna battu Daud siagang sikamma tau naaganga a'rurung, appasa'rami tarompe' Seba nampa ammarrang angkana, “Tena passisambunganta siagang Daud. Apa saba'na kilamminawang mae ri ia? He tu Israel, umba kimmotere' ngaseng!”

1 KARAENG-KARAENG 12:16

Nacini'na ra'yaka angkanaya tena naero' karaenga ampilangngeri pappala'na ke'nanga, ammarrammi ke'nanga angkana, “Apa paralluna nipaduli Daud siagang turunganna! Tena apa-apa le'ba' nagaukang ke'nanga untu' ikatte. Ikau ra'ya' Israel umba kimmotere'. Lappassammi anjo Rehabeam naurusu' kalenna!” Jari ammotere'mi ra'ya' Israel,

1 KARAENG-KARAENG 14:16

Lanibokoi Israel ri Batara lanri dorakanamo Yerobeam siagang a'jaria passabakkang nadoraka todong tu Israel.”

1 KARAENG-KARAENG 15:30

Dorakai Yerobeam siagang iami passabakkang nadoraka tommo tu Israel. Lanri kammana anjo napakanassumi Yerobeam Batara, Ia nasombaya tu Israel.

NEHEMIA 2:20

Appialima' angkana, “Allata'ala, makoasaya ri suruga, iami lassarei ikambe pakkulle sa'genna a'jari anne jama-jamanna ikambe. Ikambe anne atanNa siagang lappakkaramulai ambangung ikambe. Mingka ikau ngaseng antu, tena ha'nu siagang tena apa-apannu ri Yerusalem. Ba'lalo punna a'bicara taua ri passala'na Yerusalem, talanitappuai arennu kau.”

PAMMUJI 16:5

O, Batara, iKatteji bawang Bataraku; Kisarea' sikontu apa kuparalluanga, sarengku niaki lalang limanTa.

LAMPA-LAMPANA 8:21

Tena ha'nu kau lamminawang lalang ri jama-jamanna ikambe, nasaba' talambusai atinnu mae ri Allata'ala.

YOSUA 22:24

Teai kammaya anjo pattujunna ikambe, sari'battang! Na nabangung ikambe anjo tampa' pakkoro'bangnganga, lanri bata-batai ikambe angkana gassingka ri bokoangallo nakana jari-jarinu mae ri jari-jarina ikambe, angkana, ‘Ikau tena passisambungannu siagang Batara, Allata'alana Israel!

YOSUA 22:26

Jari, nanabangung ikambe anne tampa' pakkoro'bangnganga, teai untu' koro'bang nitunu yareka untu' passarena ikambe,

YOSUA 22:27

mingka untu' a'jari pammatei mae ri katte ngaseng, siagang mae ri jari-jarita ri allo ri boko, angkana kammatojengi ikambe anne nigaukangi ibadaya mae ri Batara ri Kema KahaderanNa, koro'bang nitunu, passare-passare siagang koro'bang passari'battangngang. Lanri kammana anjo, tenamo nalanakana jari-jarinu angkanaya anjo jari-jarina ikambe tena passisambunganna siagang Batara.

1 SAMUEL 26:19

O, karaeng, kipilangngeri sai sombanna anne atanta. Ebara' angkana Batara assuroi karaengku angngewai atanta, akkullei passare koro'banga ampanaungi pangngalarroinNa mae ri atanta. Mingka ebara' angkana rupatau ansuroi karaengku, tapporo nihukkung laloi ke'nanga ri Batara! Nasaba' lanri panggaukanna anjo ke'nanga nanibongkamo atanta battu ri buttaNa Batara, siagang tarpassa musti a'lampai mange ri pa'rasangang maraeng namusti anynyomba anjoreng atanta mae ri rewata-rewata tenaya niassengi.