YOSUA 22:19 - KITTA' MATANGKASA'

¹⁹ Punna ra'masa' anjo daeranu siagang tena nasiratang nipa'jari tampa' ibada mae ri Batara, a'lette' mako mae anrinni, ri daeraNa Batara, ri tampa' niaka KemaNa Batara. Palaki sipa'gang daerana ikambe, mingka teako angngewai mae ri Batara yareka teako ewai ikambe lanri nutambaina tampa' pakkoro'bangnganga nampa nia'mo tampa' pakkoro'bangnganNa Karaeng Allata'alata.

YOSUA 22:19 ပူးပေါင်းရင်းမြစ်များ

2 PATTOTTORANG 11:13

Imang-imanga siagang tu Lewi battua ri sikontu daera Israel battu kabusu' ampasse'rei kalenna siagang Rehabeam.

KALAPPASSANG 15:17

Nampa Kiantara' tu Israel mange ri tampa' Kipilea untu' pammantanganTa. Ammantang tulimi ke'nanga ri bulu' matangkasatTa, ri Balla' Kibangunga KalenTa.

DANIEL 10:13

Malaeka' pajagana kakaraengang Persia naewa' nia' ruampulo asse're allonna. Nampa Mikhael, kalase'renna pamimping malaekaka, battu antulunga'. Kubokoimi anjoreng, ri Persia.

AMOS 7:17

Nakana Batara angkanaya la'jari pasundalaki bainennu ri agang-agang kotaya, siagang sikamma ana'nu lanibunoi lalang pa'bundukang. Buttanu lanipa'bage-bageangi mae ri tau maraenga, nampa ikau kalennu lamateko ri pa'rasanganna tau tenaya natappa' ri Batara. Pandudu'na Israel ma'nassa laniengkaki mange ri pammelakkanga, bella battu ri pa'rasangang kalenna.”

YOSUA 18:1

Le'baki nabeta tu Israel anjo pa'rasangang Napa'janjianga Batara, asse'remi ke'nanga ri Silo, nampa nabangung ke'nanga Kema KahaderanNa Batara.

YOSUA 22:11

Nalangngere'mi tu Israel maraenga akkana julu bansana, “Le'ba'mi suku Ruben, Gad, siagang Manasye bageang irayaya ambangung se're tampa' pakkoro'bangngang ri Gelilot ri ampi'na Binanga Yordan lalang daerata.” Jari asse'remi ke'nanga ri Silo, ero' ambunduki suku-suku Israel ammantanga ri bageang rayanganna anjo Binanga Yordan.