YOSUA 22:15 - KITTA' MATANGKASA'

¹⁵ Nabattumo ke'nanga mange ri tampa'na suku Ruben, suku Gad siagang suku Manasye rayaya ri daera Gilead.

YOSUA 22:15 ပူးပေါင်းရင်းမြစ်များ

1 PATTOTTORANG 21:3

Appialimi Yoab angkana, “Poro Napa'lappi-lappi Batara ra'ya' Israel sa'genna a'lappi sibilangngang jaina battu ri niaka ri kamma-kammaya anne. O karaeng, sai ma'nassami angkanaya tundu'mi ke'nanga mae ri katte? Angngapa namusti nisuro bilang taua? Gassingka sallang, lanri anne kasalanga nanakasia' kodina sikontu bansaya.”

2 PATTOTTORANG 10:19

Appakkaramula anjo wattua tuli angngewami ra'ya' niaka ri bageang wara' mae ri sikamma karaeng jari-jarina Daud.

2 PATTOTTORANG 26:18

untu' ampisangkai appanggaukang kamma. Nakana ke'nanga, “Karaeng mala'biri'! Tena nakisiratang attunu dupa untu' Batara. Anjo kammaya tugasa'na imang-imang jari-jarina Harun, lanri iami ke'nanga le'ba' nitangkasi untu' jama-jamang kammaya anjo. Kibokoi laloi anne tampa' matangkasaka! Angngewa maki' antu ri Karaeng Allata'ala, siagang tenamo nakianggappa barakka'Na.”

2 PATTOTTORANG 28:13

Nakanamo ke'nanga, “Teako erang-erangngi mae anrinni antu sikamma tau nitahanga! Ikatte tau dorakamaki' mae ri Batara, siagang anjo dosa-dosata sangka'mi jaina sa'genta siratang nihukkung. Kamma-kamma anne ero'mako pole appanggaukang untu' poro antambai kadorakanta.”

EZRA 9:15

O, Batara, Allata'alana Israel. IKatte adelekki', mingka Kilappassang iji attallasa' ikambe. Namangakuimi kasalanna ikambe mae ri Katte, tasiratangami ikambe untu' andallekang ri dallekang mala'biritTa.”

EZRA 9:2

Tubura'-bura'ne Yahudia a'buntingi siagang baine bansa maraenga, sa'genna umma'Na Batara le'baka Nasa'la', tenamo natangkasa'. Ba'lalo ia kaminang rioloa anggaukangi anjo kammaya, iamintu sikamma tutoa-toana siagang pamarentana Israel.

PAMMUJI 78:8

sollanna tena sangkamma ke'nanga boe-boena nangaia angngewa siagang doraka; ana'-ana' ta'lengga-lenggaya tappa'na, siagang tenaya namajarre' mae ri Allata'ala.

KALAPPASSANG 32:8

Ammengkami ke'nanga battu ri parenta-parentaKu. Appareki ke'nanga patung sapi bulaeng, nampa nasomba siagang nasare passare koro'bang. Nakana ke'nanga, iaminjo rewata angngerangai ke'nanga assulu' battu ri Mesir.

YESAYA 63:10

Mingka angngewai ke'nanga siagang napakasi'na pa'mai'Na Batara. Jari ta'bale'mi a'jari musunNa ke'nanga KalenNa a'bundu' ambaliangi ke'nanga.

KAIMANGNGANG 26:40

Mingka lanaakui jari-jarinu dosana ke'nanga siagang dosana boe-boena ke'nanga, ia tamannurukia siagang angngewaya mae ri Nakke,

KAIMANGNGANG 5:19

Iaminjo koro'bang sambe karugiang untu' kasalanna anjo taua mae ri Batara.

PAMMILANGNGANG 14:43

Ri wattunnu assidallekang sallang siagang anjo tu Amalek siagang tu Kanaan, lamateko lalang pa'bundukang. Tena nalaNarurungangko Batara, lanri taero'nu mannuruki ri Ia.”

PAMMILANGNGANG 32:15

Punna a'bokoko ambokoi Batara, anne sikontu bansaya lanilappassangi la'bi sallo pole a'la'ba' a'lampa ri parang lompoa, nampa ikau ngasemmi passabakkanna napanra' ke'nanga!”

PAMMILANGNGANG 5:6

anne paratorang-paratorang kammaya untu' tu Israel: Punna nia' tau tamajarreka mae ri Batara iamintu salai panggaukanna mae ri paranna tau,

MATIUS 18:17

Punna tena ija napilangngeri pappakainga'na anjo siapaya tau, nampami nipau mange ri jama'aka. Kale'bakkanna, punna tena ijapa naero' ampilangngeri pappakainga'na jama'aka, pasangkammami pasingara' sima siagang tau kapere' anjo taua siagang tau tena natappa' ri Allata'ala.”

1 KORINTUS 1:10

Sikamma sari'battangku! Kupalaki, lalang arenNa Batarata Isa Almasi, sollannu a'julu kana; sollanna tena nanusisa'la'-sa'la'. Paralluko a'jari se're, a'julu ati siagang a'julu pikkirang.

PAOLE 30:17

Mingka punna tena numannuruki siagang tena nuero' mappilangngeri, kammayatompa nubalang parekang kalennu nipasala oloang untu' anynyomba mae ri rewata-rewata maraenga,

PAOLE 7:4

sollanna tena nanipakabella ana'-ana'nu ri ke'nanga battu ri Batara, untu' anynyomba ri rewata-rewata maraenga. Punna anynyombako mae ri rewata-rewata maraenga, larroi Batara siagang laNaancuru' memangko silalonna.

IBRANI 12:25

Lanri kammana, tutu laloko, gassingka taerokako ampilangngeri kananNa Tau ampabattuai biritta battua ri Allata'ala. Ia tau tenaya naero' ampilangngeri biritta nipabattua battu ri Allata'ala lalang ri anne linoa, takkulleai allariangi kalenna. La'biangampa ikatte anne, allangngerekai anjo a'bicaraya battu ri suruga! Punna taerokaki' ampilangngeri, antekamma bateta lakkulle ta'lappasa'.

YOSUA 22:14

Nia' pole naagang Pinehas a'lampa, iamintu sampulo tau toa-toana bansa Israel, tasse're tau battu ri tunggala' suku niaka ri laukanna Binanga Yordan, iamintu massing kapala kaluarga lalang ri golonganna ke'nanga.

YOSUA 22:16

Nampa lalang arenna sikontu umma'Na Batara, nakanamo ke'nanga mae ri suku Ruben, suku Gad siagang suku Manasye rayaya ri Gilead, “Angngapa nugaukangi anne panggaukang ja'dala' kammaya mae ri Allata'alana Israel? Lanri nubangunna anne tampa' pakkoro'bangngang kalennu, nuewami Batara! Tenamo nanuturuki parenta-parentaNa!

YOSUA 22:18

Nampa kamma-kamma anne erokko ambokoi poleangi Batara? Punna nuewa anne alloa Batara, ammuko lalarroi mae ri sikontu umma' Israel.

1 SAMUEL 15:23

Nasaba' tamappilangngeria mae ri Batara sangkammai ja'dala'na anggaukanga bale'-bale' mata, siagang nyawa tampoa sangkammai ja'dala'na anynyomabaya ri rewata. Nasaba' kiewami parentaNa Batara, natena tommo Naakuiki' Batara salaku karaeng.”