YOSUA 20:9 - KITTA' MATANGKASA'

⁹ Yangasemmi anjo kota-kota palariang nipattantua untu' sikontu umma' Israel siagang untu' bansa maraeng niaka ammantang ri tangnga-tangngana ke'nanga. Inai-nai ambunoi paranna tau natenaja nakunjungi, akkullei anggappa pa'la'langngang ri anjo kota-kotaya battu ri pangngondanna tau eroka a'balasa' mae ri ia; takkulleai nibuno punna tenapa naniadeli ri dallekanna tau jaia.

YOSUA 20:9 ပူးပေါင်းရင်းမြစ်များ

PAMMILANGNGANG 35:13

Pattantui anjo annanga kota palariang,

PAMMILANGNGANG 35:15

Anjo annanga kotaya a'jari kota palariannu, ikau tu Israel, siagang mae ri bansa maraeng battu-battua yareka ammantang tulia ri tangnga-tangnganu. Manna inai, punna le'baki nabuno paranna tau mingka tena nakunjungi, akkullei lari mange ri kalase'renna anjo kotaya.

YOSUA 20:4

Akkullei lari mange ri kalase'renna anjo kotaya, siagang a'lampa mange ri pangadelanga ri pakke'bu' lompona anjo kotaya, nampa napakasingara' anjoreng mae ri sikamma pamimpinga apa le'baka kajariang. Lanipa'biangi ri pamimping-pamimping niaka anjoreng untu' antama' ri anjo kotaya, siagang lanasarei pammantangngang.

YOSUA 20:6

Akkullei ammantang anjoreng sa'genna le'ba' niadeli ri dallekanna tau jaia, siagang sa'genna matemo tau anna'galaka Imang Lompo anjo wattua. Le'bappi anjo kammaya nampa akkulle anjo taua ammotere' mange ri bori' paranglakkenna ri wattunna lari.”

YOSUA 20:8

Ri daera rayanganna Binanga Yordan ri lappara' tinggina parang kassika irayanganna Yerikho, napattantumi ke'nanga kota-kota palarianga, iamintu: kota Bezer ri daerana suku Ruben, kota Ramot ri Gilead ri daerana suku Gad, siagang kota Golan ri Basan, ri daerana suku Manasye.