YOSUA 18:25 - KITTA' MATANGKASA'

^25-28 Kammayatompa anne sampuloa angngappa' kota siagang sikamma desa-desa niaka ri tammulilina, iamintu: Gibeon, Rama, Beerot, Mizpa, Kefira, Moza, Rekem, Yirpeel, Tarala, Zela, Elef, Yebus (iamintu Yerusalem), Gibea siagang Kiryat-Yearim. Iaminjo sikamma butta nipassareanga mae ri kaluarga niaka lalang ri suku Benyamin, untu' a'jari pisakana ke'nanga.

YOSUA 18:25 ပူးပေါင်းရင်းမြစ်များ

2 SAMUEL 2:12

Ri se'reang allo, a'lampai Abner battu ri Mahanaim mange ri kota Gibeon, nirurungang ri ana' buana Isyboset.

1 KARAENG-KARAENG 15:17

Baesa nabunduki Yehuda nampa nakassakki kota Rama untu' antongkoki agang assuluka mange ri Yehuda.

1 KARAENG-KARAENG 9:2

Napappicikammi pole KalenNa Batara ri ia, sangkamma le'baka kajariang ri Gibeon.

1 PATTOTTORANG 8:29

Yeiel ambangungi kota Gibeon, nampa ammantang anjoreng. Bainenna niarengi Maakha.

NEHEMIA 11:33

Hazor, Rama, Gitaim,

YESAYA 10:29

Allalomi ke'nanga ri pa'limbangnganga siagang a'bangngi ke'nanga ri Geba! Annekkere'mi pandudu'na kota Rama, siagang larimi pandudu'na Gibea, kotana Saul.

YESAYA 28:21

Lammentengi Batara sangkamma ri Moncong Perazim. Laberjuangi sangkamma ri Lappara' Gibeon untu' anggaukangi pattujunNa, iamintu pattujuang appakalannasaka mae ri rupataua! LaNagaukangi jama-jamanNa appakalannasaka.

YEREMIA 31:15

Nakana Batara, “Ri Rama nia' kalangngerang sa'ra karru', siagang kunrareng napakamma pacce. Rahel angkarruki ana'-ana'na, taerokai nisaleori lanri tena ngasemmi ke'nanga.

MATIUS 27:57

Anjo bangngia nia'mo se're tau kalumanynyang battu ri Arimatea niarenga Yusuf, ana' gurunNa todong Isa.

YOSUA 10:2

Teaimi sipato' malla'na pandudu'na Yerusalem, nasaba' anjo Gibeon kota lompo; sangkammai lompona siagang kota-kota niaka karaenna, ba'lalo lompoangangi nakota Ai. Manna taunna sangnging tau barani siagang tau cara'de' a'bundu'.

YOSUA 19:29

Battu anjoreng, a'lekkoi anjo garisi' pa'baeng-baenga mange ri Rama tulusu' sa'genna mange ri kota Tirus, iamintu se're kota nikallika siagang tembo'; nampa a'lekko pole anjo garisi' pa'baeng-baenga mange ri Hosa nampa kala'busang ri Tamparang Tangngaya. Antamaya ri anjo pa'baeng-baenga iamintu Mahalab, Akhzib,

YOSUA 7:17

Nampa nasuromo Yosua maju mae ri dallekang anjo suku Yehuda, tasse're-se're golongang bija, nampa golongang Zerah nataba. Nampa nisuro golongang Zerah maju mae ri dallekang, tasse're-se're kaluarga, nampa kaluarga Zabdi nataba.

YOSUA 9:3

Mingka anjo tu Gibeon battua ri bansa Hewi le'ba'mi nalangngere' apa le'baka nagaukang Yosua mae ri kota Yerikho siagang Ai.

HAKING-HAKING 19:12

Mingka appialimi karaenna angkana, “Tena! Tena kilammantang ri tampa' teai tu Israel pandudu'na. Umba nanipatulusu' lampata sike'de' nampa anjoreng paki' ri Gibea yareka Rama a'bangngi.”

1 SAMUEL 1:1

Nia' sitau bura'ne niareng Elkana, battu ri suku Efraim. Ammantangi ri kota Rama, ri daera pa'monconganna Efraim. Elkana iamintu ana'na Yeroham, na cucunna Elihu. Antamaki golonganna kaluarga Tohu, tangke passibijang battu ri Zuf.

1 SAMUEL 1:19

Ammukona, ambangung bari'basa'mi Elkana siagang kaluargana. Na le'ba'na assambayang ri Batara, ammotere'mi ke'nanga mange ri Rama. Assikatinroammi Elkana siagang Hana, anjo bainenna, siagang niturukiammi pappala'na Hana ri Batara.