YOSUA 18:16 - KITTA' MATANGKASA'

¹⁶ nampa naung ri bangkeng moncong assidallekanga siagang Ka'bung Hinom ri cappa' wara'na Ka'bung Refaim. Le'baki anjo, a'lampa timboroki anjo garisi' pa'baeng-baenga allalo ri ka'bung Hinom ri bageang timboro'na pungku'-pungku'na monconga ri pa'rasangang Yebus, tulusu' mange ri En-Rogel,

YOSUA 18:16 ပူးပေါင်းရင်းမြစ်များ

2 SAMUEL 17:17

Lalanna anjo wattua Yonatan ana'na Abyatar siagang Ahimaas ana'na Zadok sitabangi attayang ri ampi'na timbuseng je'neka ri En-Rogel, ri birinna kota Yerusalem. Tena nabarani ke'nanga antama ri kotaya lanri mallaki nicini' ri taua. Sangkamma biasaya, nia' sitau ata baine ampabattui mae ri ke'nanga punna nia' kabara' musti nilaporo' mae ri Karaeng Daud.

2 SAMUEL 5:18

Battumi tu Filistin ri Ka'bung Refaim siagang naempoi anjo tampaka.

1 KARAENG-KARAENG 1:9

Ri se'reang allo, ri tampa' niarenga Batu Ulara' ri ampi'na timbuseng je'ne' En-Rogel, Adonia assaremi koro'bang gimbala', sapi laki siagang ana' sapi co'mo'-co'moka. Naundammi ana'-ana' bura'nena Karaeng Daud maraenga, siagang pagawe-pagawena balla' karaeng battua ri suku Yehuda mange ri anjo passua'-suarrang koro'banga.

2 KARAENG-KARAENG 23:10

Tofet, iamintu tampa' panynyombanga mae ri rewataya ri Ka'bung Lappara' Hinom, napanraki tongi. Lanri kammana anjo tenamo tau akkulle ampassareangi ana'na untu' a'jari koro'bang mae ri Rewata Molokh.

1 PATTOTTORANG 14:9

Na lalanna anjo wattua battumi tu Filistin ri Lappara' Refaim siagang narampo'mi anjo tampaka.

2 PATTOTTORANG 28:3

nampa attunu dupa ri Ka'bung Lappara' Hinom. Ba'lalo ana' bura'ne kalenna napassareang a'jari koro'bang mae ri barhalaya, situru' kabiasang ja'dala'na tau le'bakamo Nabongka Batara battu ri pa'rasangang Kanaan ri wattunna napantamakki tu Israel anjo pa'rasanganga.

2 PATTOTTORANG 33:6

Ana'-ana' kalenna napassareang nipa'jari koro'bang nitunu ri Ka'bung Lappara' Hinom. Nagaukang tongi jama-jamang sanroa, pacinika, pangngissenganga, siagang appalaki pangngunju' mae ri roh-roh tanicinika. Teai sipato' dorakana mae ri Batara, sa'genna napakalarromo Batara.

YESAYA 30:33

Battu riolo iji nale'ba'mo nipasadia tampa' pattunuanna karaeng Asyur. Anjo tampaka lantangi naluara', rassi kayu tunuang attambung-tambung. LaNaparinrai Batara nampa nappasa'Na Napatui' sangkamma batu a'rinra assulu' ri nappasa'na.

YEREMIA 19:11

Musti kupauangi ke'nanga angkanaya akkana kammai anne Batara Kaminang Koasaya, “Anne bansaya siagang kotaya laKuancuruki sa'genna a'jari rapang bongki anjo reppeka tenayamo nakkulle nipakabaji' ammotere'. Lanitarawangi maya'-maya'na ke'nanga ri taua ri Tofet, lanri tenamo tampa' pa'jerakkang maraeng.

YEREMIA 19:2

untu' a'lampa siagang ke'nanga mange ri Ka'bung Lappara' Hinom allalo ri Pakke'bu' Lompo Beling. Anjoreng musti kupa'la'bangi kupabattu apa Napappasangnganga ri nakke.

YEREMIA 19:6

Lanri kammana anjo, nia' sallang nanarapiki wattunna naanne tampaka tenamo naniarengi Tofet yareka Ka'bung Lappara' Hinom, passangalinna Ka'bung Lappara' Pammolongang.

YEREMIA 32:35

Ambangungi ke'nanga tampa'-tampa' pakkoro'bangngang untu' Rewata Baal ri Ka'bung Lappara' Hinom, nampa napassareang ana'-ana'na ke'nanga a'jari koro'bang mae ri Rewata Molokh. Padahala', tale'bakai Kusuro ke'nanga anggaukangi anjo kammaya, ba'lalo tale'bakai ammumba lalang ri pikkirangKu angkanaya lanagaukangi ke'nanga anjo panggaukang appakaringi'-ringi' kammaya siagang napa'jari dorakai tu Yehuda.”

YOSUA 15:63

Kota Yerusalem antama tongi kotana Yehuda, mingka takkulleai tu Yehuda nabongka tu Yebus niaka ammantang anjoreng. Sa'genna kamma-kamma anne tuli nia' iji tu Yebus sipammantangngang siagang tu Yehuda ri anjo kotaya.

HAKING-HAKING 1:21

Na suku Benyamin takkulleai nabongka tu Yebuska assulu' battu ri kota Yerusalem. Iaminjo saba'na natuli sipammantangang tu Yebus siagang tu Benyamin.

HAKING-HAKING 1:8

Nabundukimi tu Yehuda kota Yerusalem. Na narampasa' siagang natunumi ke'nanga anjo kotaya. Kammayatompa nabuno tommi tuma'buttana.

HAKING-HAKING 19:10

Mingka taerokami anjo tu Lewia a'bangngi anjoreng. A'lampami siagang baine piarana kammayatompa surona siagang ruang kayu keledai teke'na. Ri wattunna lasa'ra'mo alloa, anrapi'mi ke'nanga mange ri ampi'na Yebus (iamintu Yerusalem). Nampa nakanamo anjo suroa mae ri karaenna, “Karaeng, umba kissengkamo nakia'bangngi anrinni ri kotana tu Yebus.”