YOSUA 18:14 - KITTA' MATANGKASA'

¹⁴ Battu ri bageang lau'na anjo monconga, a'lekkoi anjo garisi' pa'baeng-baenna buttaya a'lampa timboro' mange ri Kiryat-Baal (iamintu Kiryat-Yearim). Anjo Kiryat-Baal suku Yehuda pata. Iaminjo garisi' pa'baeng-baenna anjo buttaya ri bageang ilau'.

YOSUA 18:14 ပူးပေါင်းရင်းမြစ်များ

2 SAMUEL 6:2

Napimpingi ke'nanga mange ri Baale-Yehuda, untu' angngallei battu anjoreng Patti Parjanjiang niarenga siagang arenNa Batara Kaminang Koasaya niaka empoang kala'biranNa irate ri patung-patunna malaeka' akka'nyika.

YOSUA 15:60

Kammayatompa anne ruaya kota siagang desa-desa niaka ri tammulilina: Kota Kiryat-Baal (iamintu Kiryat-Yearim) siagang kota Raba.

YOSUA 15:9

nampa tulusu' mange ri timbuseng je'ne' Me-Neftoah, sa'genna mange ri kota-kota niaka ri ampi'na Moncong Efron. Battu anjoreng a'lekkoi anjo garisi' pa'baeng-baenga mange ri Baala (iamintu Kiryat-Yearim),

YOSUA 18:13

Anjo garisi' pa'baeng-baenga tulusuki pole mange ri pungku' moncong timboranna Lus (niassenga angkana niarengi Betel), nampa naung ri Atarot-Adar ri moncong timboranna Bet-Horon-Hilir.

YOSUA 18:15

Pa'baeng-baeng ri bageang timboroka appakkaramulai battu ri birinna Kiryat-Yearim tulusu' mange ri timbuseng-timbuseng je'ne' Me-Neftoah,

1 SAMUEL 13:18

Sipa'rappungang makaruaya a'lampa mangei ri Bet-Horon, siagang sipa'rappungang maraengannaya pole a'lampa mangei ri pa'baeng-baeng a'dalle' mangea ri Lappara' Zeboim siagang ri parang lompoa.