YOSUA 17:18 - KITTA' MATANGKASA'

¹⁸ Allemi daera pa'monconganga, nasaba' manna naromang ija anjo daeraya, mingka akkullei nusungke anjo daeraya nampa nupisakai ngaseng. Nampa ri passala'na anjo tu Kanaan, akkullei nubongka ke'nanga, manna pole nakassa' ke'nanga siagang jai kareta bassi pa'bundukanna.”

YOSUA 17:18 ပူးပေါင်းရင်းမြစ်များ

PA'JARIANG 49:24

Mingka tuli kassa'na limanna, tuli jarre'na panana, lanri koasana Pakalawaki Magassing, Allata'alana Yakub, Pajagana Israel.

2 SAMUEL 18:6

Nampa a'lampamo pasukanna Daud mange ambunduki pasukanna Israel siagang a'bundu'mi ke'nanga ri romanna Efraim.

ROMA 8:31

Apamo lanikana kamma-kamma anne ri passala' kammaya ngaseng anjo? Punna Narurungangki' Allata'ala, maka inai akkulle angngewaki'?

ROMA 8:37

Tena! Ba'lalo lalang ri sikammaya ngaseng anjo anggappa maki' pammetang tojeng-tojenga lanri Ia mangngamaseanga mae ri katte ngaseng!

PAOLE 33:17

Rapangi sapi romanga kassa'na Yusuf, assa'bu tu Manasye siagang Efraim a'jari tanru'na. Naulaki bansa-bansaya naondang ke'nanga sa'genna cappa'na linoa.”

IBRANI 13:6

Lanri kammana kibaranimo angkana, “Batara Pannulungku, tenamo nakumalla'. Apa lakkulle nagaukang taua mae ri nakke?”

YOSUA 13:6

Antama tongi sikontu daerana tu Sidon, niaka ammantang ri daera pa'moncongang ri alla'na moncong-moncong Libanon siagang Misrefot-Maim.” Nakana Batara, “Sikontu anjo bansa-bansaya laKubongkai sallang, ri wattunna nibunduki ke'nanga ri tu Israel. Anjo buttaya musti nubage-bagei mae ri umma' Israel untu' a'jari butta pisakana ke'nanga, sangkamma le'baka Kuparentakang mae ri kau.

YOSUA 15:9

nampa tulusu' mange ri timbuseng je'ne' Me-Neftoah, sa'genna mange ri kota-kota niaka ri ampi'na Moncong Efron. Battu anjoreng a'lekkoi anjo garisi' pa'baeng-baenga mange ri Baala (iamintu Kiryat-Yearim),

YOSUA 17:17

Jari nakanamo Yosua mae ri suku Efraim siagang mae ri anjo suku Manasye ammantanga ri bageang ilau', “Kammatojengi, ikau jai duduko siagang sanna' kassa'nu, jari siratangko nisare la'bi jaiangngang butta.

YOSUA 20:7

Jari ri daera laukanna Binanga Yordan napattantumi umma' Israel kota-kota palarianga, iamintu: Kedes ri pa'monconganna suku Naftali ri Galilea, Sikhem ri pa'monconganna suku Efraim, siagang Hebron ri pa'monconganna suku Yehuda.

1 SAMUEL 1:1

Nia' sitau bura'ne niareng Elkana, battu ri suku Efraim. Ammantangi ri kota Rama, ri daera pa'monconganna Efraim. Elkana iamintu ana'na Yeroham, na cucunna Elihu. Antamaki golonganna kaluarga Tohu, tangke passibijang battu ri Zuf.