YOSUA 17:16 - KITTA' MATANGKASA'

¹⁶ Appialimi anjo turunganna Yusuf angkana, “Tanggannakkai luara'na anjo daera pa'monconganga untu' ikambe, nampa anjo bansa Kanaan niaka ammantang ri lappara'-lappara' rawaya jai kareta bundu'na, bassia nipare', baji' niaka ammantang ri Bet-Sean siagang desa-desa niaka ri tammulilina, kammayatompa niaka ammantang ri Ka'bung Yizreel.”

YOSUA 17:16 ပူးပေါင်းရင်းမြစ်များ

1 KARAENG-KARAENG 18:45

Poro sinampe' duduji sassammi langika, siagang sanna'mi sarrinna anging mammirika, nampa appakkaramulamo battu bosi sannaka lompona. Nai'mi Ahab ri karetana nampa ammotere' mange ri Yizreel.

1 KARAENG-KARAENG 18:46

Anjo wattua anggappami Elia kagassingang battu ri Batara. Nalappa'mi nai' jubana nampa nasikko' ri aya'na nampa lari ampilumbai Ahab ri aganga sa'genna mange ri pakke'bu' lompona kota Yizreel.

1 KARAENG-KARAENG 21:1

Ri ampi'na balla' kakaraenganna Ahab ri Yizreel, nia' se're koko anggoro', niarenga Nabot patanna.

1 KARAENG-KARAENG 21:23

Na ri sesena Izebel, Nakana Batara angkanaya maya'na lanikanrei ri kongkong lalang ri kota Yizreel.

2 KARAENG-KARAENG 9:10

Izebel tena nalanitarawangi. Tubuna lanikanrei ri kongkong ri daera Yizreel.’ ” Le'baki napau ngaseng sikammaya anjo, assulu'mi anjo na'bi rungkaya nampa lari.

2 KARAENG-KARAENG 9:37

nampa sikamma tassesaya battu ri anjo maya'na latassiaraki sanrapang tai olo'-olo', sa'genna tena manna sitau lakkulle ambatei angkana inai maya' anjo.’ ”

YEREMIA 49:2

Mingka lanarapiki sallang wattunna nalaKupilangngeriang pandudu'na Raba, ibukotana anjo Amon, iamintu sa'ra-sa'ra pakkio' pa'bundukang. Anjo kotaya la'jari rumbangngangi siagang desa-desa niaka ri tammulilina lala'busuki nakanre pepe'. Nampa Israel lanaallei ammotere' buttana battu ri tau le'baka riolo angngalle passai.

YOSUA 17:11

Ilalang ri anjo daerana suku Isakhar siagang suku Asyer nia' buttana suku Manasye, iamintu: Bet-Sean siagang Yibleam kammayatompa desa-desa niaka ri tammulilina. Kammayatompa: Dor (kota niaka ri biring tamparang), En-Dor, Taanakh, Megido siagang desa-desa niaka ri tammulilina.

YOSUA 17:15

Appialimi Yosua angkana, “Lanri jai dudunu, siagang lanri seppa' duduna daera pa'moncongang Efraim untu' ikau, a'lampamako mange ri daerana tu Feris siagang Refaim. Anynyungke mako tampa'-tampa' beru ri romang-romanna anjo ke'nanga.”

YOSUA 17:17

Jari nakanamo Yosua mae ri suku Efraim siagang mae ri anjo suku Manasye ammantanga ri bageang ilau', “Kammatojengi, ikau jai duduko siagang sanna' kassa'nu, jari siratangko nisare la'bi jaiangngang butta.

YOSUA 17:18

Allemi daera pa'monconganga, nasaba' manna naromang ija anjo daeraya, mingka akkullei nusungke anjo daeraya nampa nupisakai ngaseng. Nampa ri passala'na anjo tu Kanaan, akkullei nubongka ke'nanga, manna pole nakassa' ke'nanga siagang jai kareta bassi pa'bundukanna.”

YOSUA 19:18

Antamaya ri daerana ke'nanga iamintu: Yizreel, Khesulot, Sunem,

HAKING-HAKING 4:13

akkaro-karomi napa'rappungang anjo salapang bilangnganga kareta bundu' bassina. Kammayatompa napasse're tommi sikontu tantarana. Nampa naerang ke'nanga battu ri Haroset-Hagoyim mange ri Binanga Kison.

HAKING-HAKING 4:3

Nia' 900 kareta bassi naballaki Yabin untu' napake a'bundu'. Ruampulo taungi najaja siagang nasessa tu Israel. Nampa akkio'mo tu Israel appala' tulung ri Batara.

HAKING-HAKING 6:33

Anjo wattua asse're ngasemmi sikontu tu Midian, Amalek siagang suku-suku maraenganga ri parang kassi' timboranna Binanga Yordan. A'limbangi ke'nanga ri Binanga Yordan, nampa appare' kema ri Lappara'na Yizreel.

1 SAMUEL 29:1

Tu Filistin napa'rappungammi sikontu tantarana ri Afek, nampa tu Israel akkemai ri ampi'na timbuseng je'neka ri Lappara' Yizreel.