YOSUA 17:14 - KITTA' MATANGKASA'

¹⁴ Nakanamo jari-jarina Yusuf ri Yosua, “Angngapa nase'reja pambageang butta nisareangi ikambe, nampa ikambe anne jai sikaliki', lanri nibarakkakinna ikambe ri Batara?”

YOSUA 17:14 ပူးပေါင်းရင်းမြစ်များ

PA'JARIANG 48:19

Mingka taerokai manggena, na nakana, “Kuassenji ana', kuassenji. Manasye lalompoi koasana, siagang turunganna la'jari tongi bansa lompo. Mingka andi'na lalompoangngangi koasana naia, kammayatompa turunganna andi'na la'jari bansa-bansa lompo.”

PA'JARIANG 48:20

Nampa nabarakkakimo pole anjo ana'-anaka anjo alloa, nakana, “Lanatappui tu Israel arennu punna nabarakkaki taua. Lanakana ke'nanga, ‘Poro Napa'jariko Allata'ala sangkamma Efraim siagang Manasye.’ ” Lanri kammana la'bi napariolomi Yakub anjo Efraim na Manasye.

PA'JARIANG 48:22

Ri kaumi, teai ri sikamma sari'battannu kupassareang Sikhem, anjo daera coppong le'baka kurampasa' battu ri tu Amori siagang pa'dang na panaku.”

PAMMILANGNGANG 26:54

Carana nugaukang ambagei iamintu nugoccangi sangkamma loterei. Suku lompoa musti nusarei jaiangngang bageanna, suku ca'dia ca'di todong bageanna.”

PAMMILANGNGANG 36:12

A'buntingi ke'nanga siagang golongang-golongang niaka lalang ri suku bansa Manasye, ana'na Yusuf. Jari anjo butta pisakana ke'nanga tuli napatangi suku bansana manggena ke'nanga.

YOSUA 16:4

Iaminjo daera nipassareanga mae ri suku Manasye siagang Efraim, jari-jarina Yusuf, untu' a'jari butta pisakana ke'nanga.

YOSUA 17:15

Appialimi Yosua angkana, “Lanri jai dudunu, siagang lanri seppa' duduna daera pa'moncongang Efraim untu' ikau, a'lampamako mange ri daerana tu Feris siagang Refaim. Anynyungke mako tampa'-tampa' beru ri romang-romanna anjo ke'nanga.”