YOSUA 16:10 - KITTA' MATANGKASA'

¹⁰ Mingka suku Efraim tena nanabongkai tu Kanaan battu ri daera Gezer. Iaminjo saba'na nasa'genna kamma-kamma anne nia' iji tu Kanaan ammantang ri Gezer sipammantangngang siagang tu Efraim, mingka nipassai ke'nanga anjama salaku ata mae ri tu Efraim.

YOSUA 16:10 ပူးပေါင်းရင်းမြစ်များ

1 KARAENG-KARAENG 9:15

Karaeng Salomo ammakei cara ammassa untu' ansuroi taua ambangungi Balla'Na Batara, balla' kakaraenganga, tembo'na Yerusalem, siagang untu' antambungi butta niaka ri bageang timboranna Balla'Na Karaeng Allata'ala. Kamma tomminjo carana untu' ambangungi ammotere' kota Hazor, Megido, siagang Gezer. (

1 KARAENG-KARAENG 9:16

Kota Gezer iamintu kota le'baka riolo nibunduki siagang nibeta ri karaeng Mesir, nampa nabuno pandudu'na na natunu kotana. Nampa ri boko anjo kotaya napassareangi karaeng Mesir mae ri ana' bainena salaku hadia ri allo pa'nikanna siagang Salomo.

YOSUA 10:33

Battui Horam, iamintu karaeng ri Gezer ambantui Lakhis, mingka nibeta tongi siagang tantarana ri Yosua; tena manna sitau ammantang, kabusu'na mate ngasengi.

YOSUA 15:63

Kota Yerusalem antama tongi kotana Yehuda, mingka takkulleai tu Yehuda nabongka tu Yebus niaka ammantang anjoreng. Sa'genna kamma-kamma anne tuli nia' iji tu Yebus sipammantangngang siagang tu Yehuda ri anjo kotaya.

YOSUA 16:9

kammayatompa siapa are kota ca'di siagang desa niaka lalang ri wilayah Manasye.

YOSUA 17:12

Mingka takkulleai suku Manasye ambongkai pandudu'na anjo kotaya; iaminjo saba'na nammantang ija tu Kanaan anjoreng.

YOSUA 17:13

Ba'lalo ri bokoangallo, a'jari pila' kassa'namo tu Israel, tenaja nabongka ngasengi anjo tu Kanaan; poro napassanaji anjo taua ampanjamangi ke'nanga.

HAKING-HAKING 1:29

Anjoreng ri kota Gezer, tena nabongkai suku Efraim tu Kanaan niaka ammantang ri anjo kotaya. Jari ammantangiji tu Kanaan anjoreng sipammantangang ke'nanga.