YOSUA 15:47 - KITTA' MATANGKASA'

⁴⁷ Kammayatompa Asdod siagang Gaza siagang kota-kota ca'di siagang pole desa-desa niaka tassiara' sa'genna mange ri ampi'na pangka binangaya ri pa'baeng-baenna Mesir siagang birinna Tamparang Tangngaya.

YOSUA 15:47 ပူးပေါင်းရင်းမြစ်များ

1 KARAENG-KARAENG 5:4

Mingka kamma-kamma anne Nasarema' Karaeng Allata'alaku kaamangngang ri sikontu daera kakoasangku. Tena musungku, siagang tena bala antujui pa'rasangangku.

2 KARAENG-KARAENG 18:8

Nabetai tu Filistin, siagang naalleangi tampa' pammantanganna ke'nanga, battu ri desa kaminang ca'dia sa'genna kota kaminang lompoa, kammayami Gaza siagang daera niaka ri tammulilina.

2 PATTOTTORANG 26:6

A'bunduki Uzia sipa'bali tu Filistin. Naruntungi tembo'-tembo'na kota Gat, Yabne, siagang Asdod, nampa ambangung kota-kota niaka pattahanganna ri ampi'na Asdod siagang ri daera maraengannaya ri Filistin.

KALAPPASSANG 23:31

Sikamma pa'baeng-baenna pa'rasangannu laKupattantui battu ri Tamparang Akaba sa'genna mae ri Binanga Efrat, kammayatompa battu ri Tamparang Tangngaya sa'genna mae ri parang lompoa. LaKusareko koasa mae ri pandudu'na anjo pa'rasanganga, sa'genna akkulle nubongka ke'nanga ri wattunnu maju untu' angngallei anjo buttaya.

YEREMIA 47:1

Ri tenanapa nabunduki karaeng Mesir anjo kota Gaza, a'bicarai Batara ri nakke, ri sesena pa'rasangang Filistin.

YEREMIA 47:5

Tu Gaza nitujui ri susa lompo; pandudu' Askelon a'jari rapangi tau pepe. Siapapi sallona tu Filistin tassesaya tulusu' lasi'na?

ZEFANYA 2:4

Ri kota Gaza tena manna sitau lanipasalama'. Askelon lasinoi tena bonena. Pandudu'na Asdod lanibongkai lalang pa'bundukang ti'ring battua ri tangngana alloa, siagang pandudu' Ekron lanisuroi a'lampa battu ri kotana ke'nanga.

LAMPA-LAMPANA 8:26

Nia'mo sitau malaeka' battu mae ri Filipus angkana, “A'lampako linta'! A'lampako timboro', ri agang battua ri Yerusalem mange ri Gaza.” Anjo aganga sinoi.

PAOLE 2:23

Butta niaka ri siapa are la'buna ri biring Tamparang Tangngaya nipammantangngi ri tu battua ri pulo Kreta. Le'baki ke'nanga naancuru' tu Awi, iamintu pandudu' uru-uruna anjo pa'rasanganga, nampa napammantangngi ke'nanga anjo daeraya sa'genna mae ri kota Gaza ri patimboro'na.)

YOSUA 11:22

Tena manna sitau battu ri bansa Enak ammantang tassesa ri daera Israel; ia mami niaka iamintu niaka ri Gaza, Gat, siagang Asdod.

YOSUA 13:3

kammayatompa sikontu daera Awi a'lampa timboro'. (Daera battu ri Binanga Sikhor ri pa'baeng-baenna Mesir sa'genna mange ri pa'baeng-baenna Ekron ri bageang wara', yangasenna anjo antamaki daerana bansa Kanaan; siagang karaeng-karaenna tu Filistin ammantangi ri Gaza, Asdod, Askelon, Gat siagang Ekron.)

YOSUA 15:4

Battu anjorengi tulusuki pole mange ri Azmon, nampa a'biring ri pangka binangaya ri pa'baeng-baenna Mesir, nampa kala'busang ri Tamparang Tangngaya. Kammaminjo garisi' pa'baeng-baenna ri bageang timboro'na untu' daerana suku Yehuda. Nampa anjo garisika a'jari tommi garisi' pa'baeng-baeng bageang timboro'na sikontu pa'rasangang Israel.

YOSUA 15:46

sikontu kota-kota siagang desa-desa niaka ri ampi'na Asdod, battu ri Ekron sa'genna mange ri Tamparang Tangngaya.

YOSUA 15:48

Ri daera pa'monconganga nia' sampulo asse're kota siagang desa-desa niaka ri tammulilina, iamintu: Samir, Yatir, Sokho, Dana, Kiryat-Sana (iamintu Debir), Anab, Estemoa, Anim, Gosyen, Holon siagang Gilo.